魔童12歲生日 完美遺傳媽媽爸爸優良基因

魔童12歲生日 完美遺傳媽媽爸爸優良基因

早前,袁詠儀(靚靚)上載多張張慕童(魔童)跟學校到北京遊學嘅相,仲好感嘆個仔真係已經大個。今日(13日),靚靚貼出與魔童慶生相,慶祝踏入12歲。

撰文:TLY 圖片:袁詠儀IG

魔童12歲生日

不知不覺魔童已經12歲,靚靚喺IG上載同魔童切餅興生相,相片中魔童喺蛋糕前,笑得十分開心。靚靚留言,「12th Happy Birthday ! 快樂少年!」張繼聰、胡杏兒等人留言祝賀壽星仔生日快樂,而網民都話魔童遺傳媽媽、爸爸優良基因,愈嚟愈似媽咪!

 

魔童大個 獨立有條理

日前袁詠儀喺ig上載多張魔童嘅相,原來魔童要跟學校上北京遊學,靚靚跟去機場送機,留意住魔童嘅一舉一動,發覺個仔真係已經大個,突然覺得有啲心酸⋯⋯做媽媽嘅,由懷胎10月,一路將手抱BB湊到會行會走,話係照顧,其實亦係互相依賴,到有一個,發現「舊粉」終於長大成人,難免係會有啲失落感。靚靚袁詠儀日前就體會到呢種感覺喇!話說魔童要跟學校上北京遊學,需要離開屋企一段時間,點知最唔捨得嘅唔係Morton,靚靚去送機嘅時候,就表現出非常不捨。

尤其是見到魔童,可以自己好有條理咁處理行李,攞證件辦手續,又感恩個仔已經獨立,識得照顧自己。

魔童都12歲,大個仔啦!自己入閘都好淡定。

個仔咁獨立,靚靚其實都可以放心啦!

睇到呢個畫面,有邊個阿媽會唔心酸丫!

袁詠儀:「媽媽也要學會放手。 Love u Morton」

兩公婆帶埋魔童遊肯尼亞

袁詠儀同老公張智霖早前帶同囝囝魔童,一齊去咗非洲肯尼亞旅行。袁詠儀喺IG同微博曬靚相,一家三口,手拖手喺非洲大草原上漫步,再加上斜陽夕照,場面真係非常溫馨!

非洲草原一望無際,真係影相都靚啲!唔怪得袁詠儀喺IG留言:「肯尼亞之旅,感恩!」。

截自袁詠儀微博

12歲嘅魔童,經常望遠鏡不離身,當地風景一定好靚!

截自袁詠儀IG

一家三口影全家福,魔童一樣唔捨得放低個望遠鏡。

截自袁詠儀IG

魔童仲同當地小朋友一齊搭膊頭影相!

截自袁詠儀IG

除咗佢哋一家三口,仲有一大班朋友同行,

截自袁詠儀IG

見到咁靚嘅大自然景緻,呢趟旅程一定非常難忘!

截自袁詠儀微博

更多精選內容