2018小一自行分配放榜在即  家長有咩可以做準備?

2018小一自行分配放榜在即 家長有咩可以做準備?

有家長問我,11月26日小一「自行分配」學位結果公布,現在有甚麼可以做?如果申請落空,是否要準備「推薦信」、「叩門」?又是否要考慮做「孟母」一搬去心儀小學校網?心裡有不少問題,把她壓到這幾天難以入睡。她問我可否和她詳談小一放榜前的策略。以下為我們的傾談內容。

撰文:趙榮德 圖片:新傳媒資料室

派到一定要接受?

趙=趙Sir 家=家長

家:趙Sir,小一於11月26日放榜,教育局派給我個仔的學位,是否一定要接受?

趙:派給你個仔的學位,係你同佢揀嘅,應該係你鍾意嘅小學,自然要接受。

家:如果我經過詳細考慮,發覺「自行」選嗰間唔係最好但係又派到,我可否唔去註冊,到一月去參加統一派位?

趙:唔可以。參加小一入學之基本資格,係「從未獲派小一學位」,你既然已獲派小一學位,自然不能再參加統一派位了。

自行分配

家:即係話的一定要接受被派的學位,如果我唔接受個學位,後果是否好嚴重?

趙:後果係你的小朋友被認為唔會接受公營學位,自己會去尋找直資或私立的學位。

家:萬一搵唔到學位,豈不是冇書讀?

趙:又冇咁嚴重!搵唔到學位仍然可以到教育局求救,教育局一定會幫你的小朋友搵到個學位嘅。香港正實行9年強迫教膚,在香港適齡兒童一定要讀小學。

 

2018小一自行分配放榜在即  家長有咩可以做準備?

搬屋應該幾時搬?

家:明白,咁都冇咁驚!好,如果「自行分配」派唔到,我哋心儀小學又係另一校網,我是否要做「孟母」,搬去心儀小學嗰個校網?如果搬,幾時搬?有咩手續要辦?

趙:如果你問我搬屋做「孟母」,值博率是否高?答案是:「有值博率」,因為小學有一半學位分畀統一派位,例如41校網的喇沙小學,總學額為180個,自行有90個,統一派位去年有84個,瑪利諾修院也有70個之多,值得一試!你問「幾時搬?」最遲為在統一派位申請前,即2019年1月26日之前「一個星期」,即1月19日或之前搬便可以。手續簡單,帶申請和居住的證明文件,如水、電、媒氣單,差餉單及已蓋𨤳印租約一併交給教育局學位分配組,地址為九龍觀塘偉業街223號宏利金融中心2樓2室便大功告成了!

2018小一自行分配放榜在即  家長有咩可以做準備?

搵校求情有冇用?

家:去小學懇求校長「額外開恩」,賜小兒一個學位,是否有用?

趙:冇用。因為在11月至1月這段時間,小學校長手上一個學位都冇。

家:校長點會冇學位?

趙:真的。香港的小學校長,在自行分配,以至統一派位完成,即翌年6月1日之後,校長才可以從教育局知道小一還有幾多學位。

2018小一自行分配放榜在即  家長有咩可以做準備?

家:即係話如果要從校長取學位,一定要等6月,去學校叩門,如果我而家手上的推薦信,要到6月先有用?

趙:正確。你而家去見校長,佢都只會叫你明年6月來叩門,因為佢真的沒有學位在手,愛莫能助!

家:明白。即係,如果「自行」落空,一是做「孟母」一一是明年「叩門」。多謝趙Sir!

2018小一自行分配放榜在即  家長有咩可以做準備?

趙榮德

前喇沙書院副校長,曾任社工註冊部紀律委員會會員,香港輔導教師協會榮譽顧問。曾任教育局家庭與學校事宜委員會副主席,熟識香港教育及香港升學制度,同時為香港大學專業進修學院之客席講師,亦為升學指南作家,現有著作多達廿二本。

更多精選內容