宋熙年

心痛宋熙年坐月辛勞湊仔餵奶 陳智燊獎老婆二人世界遊大阪

育兒

廣告

宋熙年與陳智燊的兒子Damon於今年8月出世,數數手指,宋熙年已經坐完月,可以出關「大解放」。有感於老婆在坐月時日日辛勞地湊B、餵奶,廿四孝老公陳智燊決定暫時撇下兒子,帶宋熙年前往日本大阪旅行數天,一來可以讓老婆抖足精神,二來可以享受二人世界,非常貼心!

撰文:Kayla|圖片來源:Instagram

自從兒子出生後,宋熙年就放下所有工作,留在家中乖乖坐月、戒口。雖說湊B是一樁樂事,但對於新手媽媽而言,適當的休息對身心也有莫大的幫助!廿四孝老公陳智燊有感老婆近月來棉乾絮濕地照顧兒子,於是在老婆坐完月後,獎勵她一個大阪二人世界之旅,好讓宋熙年抖足精神!

 

在 Instagram 查看這則貼文

 
Sarah Song 宋熙年(@rahrahsong)分享的貼文 張貼

宋熙年坐月後大解放 餐餐食開懷

據知,宋熙年在坐月時乖乖戒口,這次難得去旅行,當然要大食一頓!宋熙年日前在Instagram上分享一張相片,相中見美食滿桌,宋熙年更興奮得站在椅子上「高炒」拍照,留言指「Camera eats first, Sarah eats second, hubby eats last」,意思即「相機食先,第二個是自己,老公排最後」。

 

在 Instagram 查看這則貼文

 
Sarah Song 宋熙年(@rahrahsong)分享的貼文 張貼

 

在 Instagram 查看這則貼文

 
Sarah Song 宋熙年(@rahrahsong)分享的貼文 張貼

陳智燊掛住抱仔唔返工

陳智燊上月到電台接受訪問,笑指囝囝出世後頭兩、三個星期,每朝起身就抱實B仔,成日抱到差不多要遲到先捨得放低囝囝趕出門,出門前又要抱和吻兒子幾分鐘才願出門。

不過,陳智燊指最近開始提醒自己「要聽話」,寧願放工返屋企再慢慢抱。同時,佢又坦言比太太宋熙年更緊張阿仔,因為自太太陀B到現時都不時上網搵湊B資料。

首公開仔仔正面相

陳智燊鮮有地分享了兩張B仔相,留言問大家「BB似邊個多啲」,而他認為BB眼仔似媽咪,鼻仔同嘴仔似自己,仲叫大家估下耳仔似邊個。

陳智燊又放咗一張影住仔仔腳帶嘅相,留言話「我們會一直牢記2018年,由二人變三人家庭一年。我們現在有了一個屬於我們嘅兒子,又或者是屬於 Sarah嘅兒子。」

新手媽媽容光煥發

早前宋熙年至喺IG出PO抒發產後嘅感受,仲話自己身形同個樣都未「還原靚靚」,但係當晚陳智燊就喺IG PO咗宋熙年張個人大頭相,就見到宋熙年容光煥發,又冇水腫又冇起斑,精神又好好,就好似陳智燊咁講,好Amazing呀!

慶祝結婚兩周年

另一邊箱,宋熙年就PO咗張恩愛放閃相,仲話好感激老公皇恩大赦,畀佢放監3個鐘,同埋畀佢着番5個月冇着過高踭鞋,同佢一齊扮靚靚食呢餐結婚兩周年飯!

「我而家唔似相中人!」

已經坐完月的宋熙年,早前喺IG發文,直言一直都知道「為母之路」唔易行。懷孕只係一個開始,不過佢覺得好幸運,由懷孕到生產都好順利。不過產後呢幾個星期,對佢自己嚟講就好有挑戰性,因為可能身形樣貌都仲未回復(佢話:我現時唔似相中人)。為

餵母乳都做好不眠嘅準備,但係之前冇人同佢講過,產後嘅腫脹、出汗、憂鬱等等嘅情況係會咁嚴重,加上傷口又未復原,又熱(可能因為坐月唔吹得等,所以要著長袖衫!)一切一切一都將佢昔日嘅魅力打倒!但係係乜嘢令佢覺得呢一切都係值得?就係當佢抱住BB嘅同時,老公一樣都抱住佢! 講咗咁耐,原來都係放閃㗎!

參考資料:衛生處網頁