囝囝滿月晒哺乳相紀念「親密時刻」 Coffee林芊妤:母乳媽媽 累但滿足

囝囝滿月晒哺乳相紀念「親密時刻」 Coffee林芊妤:母乳媽媽 累但滿足

有不少媽媽在公眾場合哺乳遭到歧視,被陌生人指指點點、投來不尊重的眼神,更甚者會被旁人嘗試制止。

藝人林芊妤(Coffee)於上月16日剖腹誕下囝囝翟德彥「Baby Chak」後,佢樂做新手媽媽不時於社交網上分享坐月的「湊B」樂趣,更大方分享泵奶、修身等小貼士。昨日(16號),是Coffee囝囝滿月的大日子,她在社交網上載一張餵哺兒子的照片紀念,怎料此舉動引來網民爭議。

撰文:Chloe | 圖片:Coffee IG

Coffee囝囝滿月晒哺乳相紀念「親密時刻」

藝人林芊妤(Coffee)的囝囝昨日滿月,坐完月的Coffee興奮大嗌:「自由啦」更在社交網上貼出一張非常溫馨的餵母乳相,紀念母子間「最親密時刻」。

Coffee林芊妤貼哺乳相引網民罵戰

相片發佈後隨即引來網民爭議,不少網民留下「負面、惡意」留言,「餵咪餵點解要咁影俾人睇,都做咗人阿媽都仲係咁」,另有人揚言要「Unfollow」,更有男網民留下「失禮」言論。

雖然,此舉引來不少負面言論。不過,就有更多網民留言力撐Coffee,大讚:「係母愛!」紛紛表示非常支持Coffee 親力親為餵哺母乳。有網民質疑:「點解一張咁溫馨嘅相,被人講到咁色情?」,另有網民笑:「啲人個腦究竟點唸嘢,明明呢張相見到嘅係母愛!佢哋一定未飲過人奶!」

Coffee則表示:「只係一張好正常嘅相,我以前嘅泳衣相都性感過呢張啩?哈哈,我覺得今日係我第一個BB滿月嘅日子,想好好地喺自己平台post呢張相嚟紀念今日,因為其實係好幸福嘅事。」

雖然照片不乏性感,但Coffee相中不施脂粉,身穿睡衣,並沒有刻意打扮,同時表現出母愛的偉大,所以網民都好buy。

官恩娜瑞士高山餵母乳 獲網友力撐

除了Coffee,早前亦有藝人因在公眾場合餵哺母乳惹議。 官恩娜(Ella)早前也瑞士2,002米高的莫雷松山上,餵哺母乳。一向支持母乳餵哺的官恩娜在今年年頭誕下囡囡Aurélie(BéBé A)後,依然堅持喂母乳俾囡囡。

早前,Ella就同老公帶住一對仔女到瑞士度假,期間Ella在社交網上分享了一張在瑞士山上喂母乳的相片,並好風趣咁留言話:「BéBé A having lunch on top of the 2002m Moléson mountain」,身體力行支持母乳餵哺。

支持母乳餵哺 終獲網友力撐

Ella呢個支持母乳餵哺嘅舉動,獲得一眾網友力撐!不少網友留言「U r so cool!!!!!! Thanks for your action! #normalizebreastfeeding」、「Best mum」、「Yeah, keep it up.. I hope one day asean country can have nursing room everywhere」

官恩娜 曾因餵母乳而慘遭受辱

官恩娜 (Ella) 曾於2016年在香港某酒店女更衣室餵母乳而被歧視、被侮辱。隨後,她將事件放上網,並用一張在外國market餵哺母乳的相片,暗諷在香港餵母乳的情況,更hang tag餵母乳無罪!

ELLA

官恩娜 facebook及instagram發文全文:

嗰日喺香港某五星級洒店嘅女更衣室(因為喺我所在嘅兩層樓都搵唔到育嬰室,亦有問准更衣室職員)餵母乳,比一個中年女人侮辱!其實我已經故意坐埋一邊唔好阻住人…佢走過嚟故意喺bébé G嘅頭殼頂上面同我塊面側邊大聲敲打電話同大聲閙有人喺度餵人奶!再超級大聲喺bébé G頭殼頂打電話俾酒店各部門投訴,問人哋知唔知女更衣室發生緊乜嘢事!bébé G 都俾佢嚇到喊咗出嚟???? 我都俾佢嚇到呆左比唔到反應? 點解喺呢個年代都仲有人對餵哺母乳存咁大嘅偏見?寶寶飲媽媽嘅母乳係最天然不過嘅事!我覺得無論如何都唔應該咁樣對一個五個月嘅嬰兒!事後我個心好唔舒服?

ella2

其實,Ella一直支持餵哺母乳,還不時在facebook、intargram同大家分享:「我係全埋身母乳媽媽…今晚BéBé G 瞓左超過3個鐘…其實仲瞓緊…我就好奇泵出嚟睇下…原來有220ml…比我想像多?」

ella1

對於Ella在酒店女更衣室餵母乳被侮辱,網民反應一面倒,紛紛表態支持她沒做錯事,同時也有人震驚在五星級酒店竟然沒有提供餵哺母乳的地方。

下頁:網民反應

ELLA55

ELLA6

ELLA9

ELLA10

更多精選內容