李蘊細B百日宴派對  B仔肥嘟嘟好肉地

李蘊細B百日宴派對 B仔肥嘟嘟好肉地

藝人李蘊(Renee)細仔羅明新(小新)喺今年「3條8」之下8月8號順產出世,不知不覺就滿咗100日啦!尋日(18日),Renee幫小新大搞百日宴,邀請咗一大班親朋好友,唔少得緊係之前一齊大肚嘅 coffee,非常熱鬧!
撰文:TLY | 圖片:李蘊@IG

李蘊細B好肉地

Renee喺IG分享多張百日派對相,還準備一個卡通人物「蠟筆小新」嘅蛋糕嚟賀小新,仲有小新曲奇,真係好有心思!另外,有小型波波池,雖然宜家細佬玩唔到,家姐羅紫晞(晞晞)玩埋細佬果份,玩得好開心!Renee留言感謝今日來臨的親朋好友,「今日係小新百日Party,多謝咁多親戚好友賞面出席!大朋友、小朋友都玩得好開心呀!」

我100日大啦!

 

家姐羅紫晞(晞晞)玩埋細佬果份,玩得好開心!

小新一出世就大大隻,非常好肉地,Coffee抱佢時都話佢好重磅,「睇黎我都要再練下臂力先得啦!」

小新一出世就大大隻,非常好肉地,Coffee話抱佢都要出啲力
細佬雙下巴好迷人

 

一家四口大合照,因爸爸唔係圈內人,所以加左emoji保護佢

 

圖片:李蘊@IG

 

圖片:李蘊@IG

 

圖片:李蘊@IG
圖片:李蘊@IG

 

兒子是「3條8」BB

李蘊於今年8月誕下次子,湊成一對「好」字,BB仔喺2018年8月8號順產出世,是有「3條8」的BB,有成7磅重,不過就辛苦媽咪,痛咗3個鐘頭先到,好彩有嗲地一路陪住,一齊迎接一家四口嘅新生活!

BB出世患蠶豆症

不過早前她在社交網站上留言,指兒子患有蠶豆症,因此自己會與兒子一同戒口,令她不會覺得孤獨。李蘊在instagram上發佈了一段與女兒和兒子的影片,影片剛好拍攝到兒子嘔奶的一刻,李蘊留言指兒子是「蠶豆仔」,所以黃疸指數偏高,要入院照燈:「細佬係蠶豆仔(蠶豆症)所以黃疸偏高 今日要照燈啦 不過唔使驚 好快就可以返屋企😘😘」她又留言希望蠶豆症BB的媽媽可以跟她分享一下照顧蠶豆症BB的方法。

其後李蘊又在instagram照出一張母乳的相片,指「人奶媽唔懶得」,因此會與兒子一起戒口,希望他可以健康長大:「人奶媽唔懶得,就算BB照緊燈唔係身邊,一樣要定時揸/泵出嚟拎去醫院比BB食,大半天的成果,對於未上曬奶嘅我嚟講,都ok滿意啦。」

更多精選內容