聖誕節2018

【聖誕節2018】多啦A夢秘密道具研究所抵港 | 6米高巨型多啦A夢+時光機體驗

親子好去處

廣告

叮噹…啊應該係多啦A夢陪伴住我哋嘅童年,今年聖誕多啦A夢秘密道具研究所嚟到香港啦!大朋友小朋友準備好你嘅相機,成為秘密道具研究員,體驗廿一世紀各種秘密道具啦!場內最矚目一定係20呎(約6米)高嘅巨型多啦A夢,絕對係打卡熱點呀!另外,大家亦可以參與道具測試,體驗隨意門、時光機、空氣炮等秘密道具!

撰文:Kamen | 圖片:Cliff

多啦A夢秘密道具研究所嚟到香港啦!

今年聖誕,「多啦A夢秘密道具研究所」登陸奧海城,各位大朋友小朋友可以變身秘密道具研究員,體驗廿一世紀各種秘密道具!場內最矚目一定係20呎(約6米)高嘅巨型多啦A夢,要去2樓先可以見到多啦A夢正面呀!編輯建議大家喺2樓同巨型多啦A夢影相!

體驗廿一世紀各種秘密道具

各位測試員可以親自體驗廿一世紀各種秘密道具,包括隨意門、時光機、空氣炮、動畫噴霧等等!而只要完成3項指定項目,就可以玩一次夾蛋機,有機會獲得多啦A夢秘密道具禮品!

體驗時光機及隱形斗蓬

超多打卡位

除了玩樂位,場內亦有超多打卡位!

24小時無店員自助付款購物

場內亦設有「Future Store」,大家可以喺無店員嘅情況下盡情購物!「Future Store」亦設有一部3D秘密道具展示機,大家可以透過觸碰式螢幕了解各個秘密道具嘅功效。

奧海城「多啦A夢秘密道具研究所」節目一覽表

活動 日期、時間及地點 內容
秘密道具測試站 日期:2018年11月24日至12月23日 (逢星期六及日) &
2018年12月24日至2019年1月1日
時間:中午12時至晚上9時
(截止參加時間為8:30pm)
地點:奧海城2期地下主題中庭
商場即日電子消費滿HK$500或以上,或以Olympian Kids 300積分,即可換領研究所「萬事通行證」一張,參與研究所的測試項目。
研究所實驗室 日期:2018年11月20日至
2019年1月1日
時間:中午12時至晚上9時 (截止參加時間為8:30pm)
地點:奧海城2期地下主題中庭
設置多項秘密道具讓大家任影,更有20呎高巨型多啦A夢,定必成為聖誕打卡熱門地點!
Future Store 日期:2018年11月20日至
2019年1月1日
時間:中午12時至晚上9時
地點:奧海城2期地下北翼中庭
「Future Store」將穿越時空到21世紀的奧海城開店,大量多啦A夢精品及多款最新獨家秘密道具禮品將會於店內發售。
多啦A夢秘密道具禮品換領 日期:2018年12月1日起
時間:中午12時至晚上9時
地點:奧海城2期地下禮賓處
顧客消費滿指定金額或憑指定會員積分,即有機會換領多啦A夢「隨意門證件套套裝」或「四次元百寶袋餐具套裝」。
多啦A夢及好友見面會 日期:2018年12月2日至23日 (逢星期日) & 12月25及26日
時間:下午2時至6時
地點:奧海城2期地下主題中庭
多啦A夢與一眾好友包括大雄、靜香、小夫、胖虎於研究所內與大家見面。