王秉熹

【童星兄弟】「大喊十」浸大畢業 王秉熹奪全球大學電影獎

娛樂

廣告

【童星兄弟】要數童星界嘅代表人物,一定唔少得王秉熹(Jeffrey)同王樹熹(Jacky仔)兩兄弟,佢哋已經大個仔喇!雖然冇拍戲一段時候,但係兩兄弟對影視嘅興趣,更加由幕前延展到幕後,Jacky仔而家喺城大讀緊媒體與傳播,而哥哥Jeffrey,就啱啱喺浸大電影系畢業,導演作品仲要攞咗個「全球大學電影獎 」添呀!

Jacky仔兩兄弟各有各叻

Jeffrey同Jacky仔感情好好!哥哥畢業,細佬點會唔撐場!

23歲嘅Jeffrey,雖然大個咗,但係仲搵得番細個嗰個樣。反而Jacky仔,就高咗瘦咗,以前嗰種童稚消失哂!

「全球大學電影獎 」一直被視為促進香港及大中華區內專業人士、學者及學生融合的盛事。Jeffrey係今屆唯一得獎嘅香港學生,相信呢個獎項可以令佢更有信心追尋自己嘅導演夢!

中學讀喇沙 靠《哈利波特》學好英文

中學時就讀喇沙書院嘅Jeffrey,原來當初升讀名校之初,都遇過挫折。王媽媽喺專訪中表示︰「哥哥考喇沙,係因為當時佢讀嗰間小學認為佢得,建議佢試吓,結果得咗。最初,佢英文程度一定唔夠人哋叻,中文就冇問題,咁啱嗰陣流行《哈利波特》,佢好沉迷,中文小說版每日可以睇七十幾頁,相反英文習作就睇得十幾版。我好嬲,撕爛晒佢七本書,佢好傷心喺度喊。同佢講,如果你想睇,我會買番七本英文版俾你睇,送埋本字典俾你查。因為佢追緊結局,焗住要睇英文版,逐粒字查字典,我仲叫佢,見到啲覺得有用嘅句子就抄低。結果,三個月之內,佢英文成績跳升至全班第一。」王媽媽當初嘅狠下心腸,就造就咗兩兄弟嘅好成績喇!

Jeffrey喺《宮心計》中飾演杞王,係幫陳豪重掌朝政嘅關鍵人物。

王秉熹

令人印象深刻嘅,一定唔少得《十兄弟》裡面嘅「大喊十」啦!

王秉熹

09年嘅《大冬瓜》,就係Jeffrey告別童星年代嘅演出喇!

王秉熹

Jacky仔因升中淡出

小五嗰年,Jacky喺螢幕上突然失蹤,原來一切都係王媽媽嘅計劃。為咗要Jacky仔專心為升讀中學作好準備,所以刻意斷絕Jacky仔所有工作,最終Jacky仔都不負所望,考入第一志願中學。

王秉熹

王媽媽話,Jacky仔細個時,補習、興趣班,乜都冇!興趣就係拍戲,所以王媽媽同兩兄弟講:「如果你哋鍾意拍戲,一定要早啲溫習課本,做好準備,就算測驗、考試,佢哋都會照樣拍戲,冇問題,因為一早已溫晒書。況且佢哋對自己要求都好高,成績少過九十分都覺得差。Jacky仔由一至六年級都係優異生,哥哥喺五、六年級嗰陣,仲係全級第一名,從來都唔需要學其他嘢惡補。」

而家喺城市大學讀媒體與傳播系嘅Jacky仔,依然好鍾意做戲,仲希望畢業之後可以做番「本行」!

入到大學,Jacky仔讀書成續依然好好,GPA 有3.6,仲想以交換生身份去美國或者英國,學多啲嘢!

07年同歐陽振華拍《爸爸閉翳》,佢叫Jimmy仔。

王秉熹

09年同苗喬偉、袁詠儀拍《疑情別戀》。

王秉熹

Jacky仔仲同肥姐同台合作過㗎!

王秉熹

圖片來源:新傳媒資料室、Jacky仔ig、劇照