三嫂開心晒全家福!苗僑偉25歲仔仔大學畢業

三嫂開心晒全家福!苗僑偉25歲仔仔大學畢業

三哥苗僑偉與三嫂戚美珍婚後育有一子一女,大女苗彤早在2013年已經大學畢業,今年就輪到25歲大仔仔苗晉戴四方帽喇!苗僑偉同戚美珍在微博上分享一家四口的合照,見苗晉著住畢業袍、手執鮮花,網民見到都紛紛大讚佢靚仔,仲認為佢應該加入娛樂圈發展!

撰文:Kayla|圖片來源:苗僑偉、戚美珍微博

眼見仔女都已經大學畢業,苗僑偉同戚美珍都大感安慰,除了晒出一家四口的溫馨合照外,仲留言:「畢業了,開心,並不是甚麼學業有成,而是你的堅持和努力被肯定,是你學懂了怎樣面對困難和挫折,學懂怎樣面對孤獨和無助,你大個仔了,恭喜Murphy。」

圖片來源:苗僑偉、戚美珍微博

今年25歲的苗晉完全遺傳咗爸爸媽媽的外貌,生得一表人才,高大又有型,難怪網民都大讚佢靚仔!

圖片來源:苗僑偉、戚美珍微博

囡囡苗彤被讚索爆星二代

苗僑偉與戚美珍都是獨當一面的藝人,女兒苗彤便盡得兩人優良基因,五官精緻之餘,笑容相當迷人,唔少人都覺得佢有潛力加入娛樂圈!2013年,苗彤在著名學府英屬哥倫比亞大學 (UBC)畢業,苗僑偉夫婦專誠飛到加拿大參加其畢業禮,幸福得羨煞旁人。苗彤讀書叻又靚女,贏晒!

圖片來源:苗僑偉、戚美珍微博

苗僑偉女兒苗彤在溫哥華大學修讀藝術,傳聞有指無綫高層鼓勵苗彤參加港姐,但佢更喜歡攝影工作,最後做埋港姐隨團攝影師,靚過港姐嘅攝影師,班港姐真係壓力山大。

圖片來源:苗僑偉、戚美珍微博
圖片來源:苗僑偉、戚美珍微博
圖片來源:苗僑偉、戚美珍微博
圖片來源:苗僑偉、戚美珍微博
圖片來源:苗僑偉、戚美珍微博

苗僑偉戚美珍 結婚28載依然恩愛

現年59歲嘅苗僑偉仲係非常有型,其實從以前開始苗僑偉比人嘅感覺已經係好瀟灑、成熟穩重,82年二人合作《飛越十八層》擦出愛火,90年結婚至今已經28載。雖然苗僑偉間唔中都會傳出緋聞,但戚美珍依然相信老公,苗僑偉接受本網訪問時曾經講過:「她(戚美珍)為我生小朋友,每個人年紀都會大,樣貌會變,沒理由生完小朋友丟了她,做男人要學懂承擔,跟你生活那麼多年,不可以半途拋棄她,結婚時已是一個承諾,我跟太太經歷過很多風浪,一定照顧她一生一世。」深情告白,難怪兩公婆能夠恩愛如此。

圖片來源:苗僑偉、戚美珍微博
圖片來源:苗僑偉、戚美珍微博

結婚25年大放閃光彈

苗僑偉早年仲趁住結婚周年紀念,在微博大放閃光彈!佢仲寫到:25年不算長,但肯定是不短的時光,謝謝有你的陪伴,謝謝有你們的祝福…….感恩!

圖片來源:苗僑偉、戚美珍微博
圖片來源:苗僑偉、戚美珍微博

仔女健康最重要

苗僑偉說,一個男人,無論在外面怎樣撒野馳騁,總向往回家的溫暖感覺:「見到一對仔女開開心心、健健康康,好過給我一個男主角獎。」說來老土,但相信是天下父母的心聲。

同仔女打成一片
囝囝高過爸爸啦!

更多精選內容