陳智燊晒發量驚人囝囝近照 宋熙年不私心分享湊仔心得

陳智燊晒髮量驚人囝囝近照 宋熙年不私心分享湊仔心得

育兒

廣告

宋熙年16年同陳智燊(Jason)結婚,今年8月剖腹誕下寶貝仔Damon,一家三口幸福滿瀉。呢日,Jason晒出兒子近照,Damon髮量驚人,樣子似足爸爸,超得意呀!

撰文:Chloe | 圖片:陳智燊IG宋熙年IG

陳智燊晒髮量驚人囝囝相

宋熙年同Jason自從榮升為爸媽後,兩公婆不時喺社交網貼出湊仔日常大晒溫馨。

眨下眼Damon就快3個月大。早前,宋熙年就上載過一張Damon嘴部特寫,只見佢嘴唇黑黑哋好多汗毛,媽咪仲留意笑阿仔生鬚:「Damon says, it’s #movember!」宋熙年仲搞笑咁話囝囝似足爸爸,好man!形容佢係my little man。

呢日,Jason就喺社交網度晒出寶貝仔正面照,相中老婆宋熙年手抱Damon,面貼面,Damon髮量驚人,樣子似爸爸。

宋熙年拍片分享湊仔心得

Jason仲分享咗兩公婆最新嘅vlog,片中首次公開宋熙年湊仔日常作為「媽媽的一日」。原來,而家宋熙年要陪阿仔Damon瞓,費時影響老公睡眠,所以選擇同老公分房瞓,仲大講分房瞓嘅好處。

仲好enjoy咁講述自己湊仔的日常,每朝7點左右就畀Damon起身,然後就開始換片,餵奶,仲話Damon每日起身都係個開心Baby。雖然,大呻成日瞓三、四個鐘就要醒一次,但為咗寶貝仔就值得。

幫BB訂製Timetable

BB自小養成好習慣,媽媽又多啲私人時間?宋熙年就喺片中分享咗幫BB整Timetable的小貼士同重要性,。有興趣了解更多湊B貼士嘅朋友記得睇片啦!