劉秀樺

【富二代係唔同啲!】大劉甘比全力打本做生意 10歲劉秀樺IG賣鬼口水

育兒

廣告

爸爸係超級富豪,媽咪係香港女首富,10歲嘅劉秀樺(Josephine)身為佢哋嘅長女,年紀輕輕已經坐擁20億身家。身為富二代,應該都要為打理家族生意做準備,Josephine最近就喺父母嘅全力支持下,開拓咗人生身一盤生意!

撰文:Joanne 圖片:新傳媒資料室、東星娛樂、Instagram,甘比微博

10歲搞第一盤生意

Josephine今年10歲,自出世以來,都好得爸爸大劉嘅歡心,巨鑽、物業,不斷咁送,年紀小小,據聞已經坐底手揸20億身家!

呢粒粉鑽叫做「Sweet of Josephine」,當年買入嘅時候,係價值2.2億,而家就當然唔止啦!而呢啲10卡以上嘅巨鑽,Josephine就起碼有3粒喇!

鑽石就唔會隨手攞嚟玩嘅!近排Josephine迷上咗兒童界嘅潮物「鬼口水」,呢家嘢而家喺外國都好Hit,五顏六色,有閃有唔閃,主要係用嚟減壓,搓吓捏吓,好治癒!

早排Josephine 就開咗個Ig 「Chorus Slimes」, 喺媽咪嘅加持下,一班老友Sammi 鄭秀文同楊千嬅等等都好落力幫手like,短短4個月,已經累積咗5萬幾個followers喇!

而喺官方網站,除咗見到網主係Josephine之外,大劉就係Admin之一,而媽咪甘比就係員工之一,陣容真係鼎盛呀!

除咗有網店之外,媽咪甘比仲喺旗下銅鑼灣嘅地標商場,揾咗個位畀Josephine擺部自助售貨機喺商場度賣「鬼囗水」。

View this post on Instagram

Thx

A post shared by chorus_slimes (@chorus_slimes) on

生意好似唔錯!幾受歡迎喎!

View this post on Instagram

So many ppl!!!!!

A post shared by chorus_slimes (@chorus_slimes) on

三個仔女雖然都出身豪門,不過甘比對啲仔女管教一向甚嚴。好似Josephine咁,雖然成日同父母一齊出入Ball場,對慣鏡頭,但係甘比都會同囡囡講:「你只係普通人,冇咩特別,因為你爸爸出名,所以好多人都想知道爸爸嘅事,至會成日影你。」

甘比做善事,有時都會帶埋Josephine一齊去,等佢可以多啲體驗。咁乖女,唔怪得萬千寵愛在一身啦!