陳茵媺為5歲大仔搞星戰生日會 大仔甜蜜說：媽媽謝謝你生下我
廣告
藝人陳豪同太太陳茵媺（Aimee），早前為大仔陳梓燁（Aiden）慶祝生日，不知不覺Aiden已經5歲啦！湊仔為樂嘅Aimee每年都用心為每個孩子嘅生日會，而今次大仔嘅生日主題就係星球大戰。
撰文：TLY ｜圖片來源：陳茵媺、陳豪
大仔甜蜜說：媽媽謝謝你生下我
今日，Aimee在IG貼出日前慶祝大仔5歲生日嘅全家福，大仔Aiden和妹妹Camilla分別扮成黑武士及莉亞公主，非常可愛！Aimee留言：「當Aiden今天早上醒來時，他說的第一件事就是：『早晨媽咪！謝謝你生下我。』親愛的，你是上帝給我的最好禮物中的第一個，我簡直不敢相信我有這麼一個了不起兼成熟甜美的男孩。你是媽媽的一切，讓所有不眠之夜和所有的犧牲都值得！5歲生日快樂我的小Jedi！我愛你無論月球轉到那一面⋯⋯再循環100次！ 」真係sweet到爆！
一個湊三個 玩足成個月
今年暑假，陳茵媺一個人帶3個仔女返加拿大娘家過暑假，玩咗成個月，終於都返香港喇！陳豪成個月冇見過老婆仔女，一去到機場接機，就連環輪住個個錫留啖！去加拿大成個月有咩玩？原來主要都係親親大自然啦！平時見Aimee兩公婆湊住3個小朋友一齊出街，都要帶好多裝備，今次Amiee一個人湊住啲仔女，飛到去加拿大咁遠，到底搞唔搞得掂？加拿大勝在地方大，一家四口上哂車，已經可以免卻好多煩惱啦！
落雨一樣冇有怕！ 仲要着哂花花雨褸，襯到絕咁喺雨中散步！
https://www.instagram.com/p/BmMlsdegVJn/?taken-by=aimeechan_official
好多家長見到水氹都會叫小朋友避開，Aimee見兩個仔玩得咁高興，仲幫佢哋數埋123添！
落雨濕濕，哥哥拖住妹妹一齊行！幾咁溫馨！
妹妹件花花雨褸都好搶眼呀！同對水鞋襯埋一Set！
到好天！佢哋就一齊去有機農莊玩！
原來係想摘啲新鮮蔬菜返去做晚餐呀！
兩個仔仲要着埋兄弟裝添！駛唔駛咁cute呀！
