王浩信

【又傳婚變?】忍受不了王浩信緋聞不絕 傳陳自瑤死心搞離婚

娛樂

廣告

結婚7年,經常都傳出王浩信同陳自瑤兩公婆婚變嘅傳聞,主要係因為王浩信先後同黃心穎、江嘉敏、蔡思貝等傳緋聞 ,令YoYo信任全失。今日(5/12)再有消息傳出,儘管王浩信終願修心養性,但卻無法再挽回YoYo已死的心,更指YoYo已着手辦離婚手續。

撰文:Joanne、東方新地 圖片:新傳媒資料室、王浩信ig、陳自瑤ig

傳YoYo不再留戀堅決離婚

08年拍《野蠻奶奶大戰戈師奶》,陳自瑤(YoYo)邂逅年輕兩年的王浩信,拍拖3年即結婚,當時王浩信的名氣不及YoYo,但二人決意早早成婚。

 

以為結咗婚,生埋女,就會定性啲,可惜男方於婚後依然緋聞不絕,緋聞對象更是轉完又轉。

為免影響老公如日中天的事業,和保持專一的正面形象,YoYo只好默默承受。

今年6月再傳出二人離婚的消息,YoYo在出席活動時,親身為離婚事件解畫,YoYo一口氣提出三點澄清:「一直首先,冇提出過離婚;第二,我冇趕老公出門口;第三,我小朋友依然同我哋住一齊,好多各方面新聞,覺得唔係事實,亦覺得好笑。」

有報導指,自從跟江嘉敏的緋聞過後,王浩信終於浪子回頭,更跟好友伍允返教會尋找婚姻輔導,不過YoYo卻拒絕接受。因為YoYo對老公心已死,感情轉淡,決意不再留戀,堅決離婚。

承認一個住樓上一個住樓下

今年6月,記者問YoYo係咪已分居?陳自瑤話:「冇分居,(樓上樓下住?)其實係冇呢件事,不過可能係佢有個office,佢依家除咗拍戲工作外,仲有一啲生意,所以搵咗個地方做office,當然喺屋企唔方便,可能因為一件咁樣嘅事,令到大家有咁樣揣測。」即係樓上樓下?「係呀,我知道今日會見大家,所以咪希望一次過講,唔再再逐回應。」Yoyo拒用「恩愛」形容同王浩信夫妻關係,話只係「老夫老妻」。

少在IG放閃

YoYo同王浩信早年不時晒恩愛合照,但近兩年少之又少,加上YoYo近月連發出充滿正能嘅post,包括上月30日呢句:「圓規為甚麼可以畫圓?因為腳在走,心不變。你為甚麼不能圓夢?因為心不定,腳不動。奇蹟,還有個名字叫努力!」「最大的放生是放過自己!」結果惹人猜疑!

YoYo解釋:「其實一直寫嘅係文章分享,如果針對文章嚟幻想另一啲嘢,copy前copy後嚟講,係斷章取義,我冇咁嘅意思。(會唔會考慮放多啲夫妻合照放閃?)其實我哋不嬲都少post嘅,加上呢排我又要拍劇啦。」

王浩信忽發文:感恩今日太陽終於出返嚟

那邊廂,就喺老婆出席活動前三小時,王浩信喺instagram貼出一張陽光普照風景相,留言:「無論任何人的關係都是一面鏡,它映照了你的本質,好好感恩你每一天仍然能夠存在,去感受,去活着,去愛,去驗體狂喜,我就感恩今日太陽終於出返嚟。」原來太太之後在活動澄清婚變傳聞,難怪心情大好!

無論任何人的關係都是一面鏡,它映照了你的本質,好好感恩你每一天仍然能夠存在,去感受,去活着,去愛,去體驗狂喜,我就感恩今日太陽終於出返嚟☀️
A post shared byVincent Wong 王浩信(@vincentwong07) on

王浩信慈父上身 網民問:你老婆呢?

盛傳婚變的王浩信,日前在ig上載同囡囡畫畫嘅相,一副好爸爸的模樣!有網民即問﹕「where is YOYO?」、「你老婆YoYo呢?點解成日唔見post她…」

講友誼

講完囡囡,王浩信又喺ig上載一張同男友人新、舊對比相片,他以英文留言﹕「真正的朋友,真正的愛。左邊的相片是現在的我和朋友的模樣,而右邊那張相片是17年前,我們在西雅圖拍攝。時光飛逝,但我們依然友誼永固,望着他,覺得所有經歷也像昨天發生,只充滿着愛和歡樂,超越國家和言語的界限,恭喜你走進人生新的一頁,為你感到高興」朋友似是即將結婚,但王浩信屢傳離婚!

True friend, true love. That’s me and my friend now on the left and 17 years before when we were back in Seattle on the right. Times flies, but we still the same inside, which seeing him makes the whole time like yesterday, full of love and joy so nakedly, without boundaries between country and language. Congratulations to the new page of your life. Cheers for that! #beyourtrueself #vincentthoughts
Vincent Wong 王浩信(@vincentwong07)分享的貼文 於張貼

恩愛合照絕跡

早年王浩信會抽空與YoYo去旅行過二人世界,仲幫老婆影落唔少索爆三點式相,YoYo仲不忘多謝老公充當其私人攝影師,不過呢啲都係06年嘅事,近兩年都冇再恩愛出埠。

陳自瑤yoyo(@chenchiyiu)分享的貼文張貼

陳自瑤yoyo(@chenchiyiu)分享的貼文張貼

陳自瑤yoyo(@chenchiyiu)分享的貼文張貼

陳自瑤yoyo(@chenchiyiu)分享的貼文張貼

空穴來風未必無因

YoYo婚前一直受無綫力捧,與王浩信結婚生女後,她甘願做個平凡花旦,睇住老公王浩信扶搖直上,由三線攀上視帝之位,夫婦之間距離卻愈來愈遠,為了王浩信的形象與發展機會,YoYo對老公在外的緋聞一直逆來順受,每次有負面新聞,她都願意企出來做大龍鳳,事實卻是有苦自己知。

光棍日成婚

2011年11月11日上午11時,王浩信跟YoYo奉女成婚,在婚宴上老婆講感受感動到喊,王浩信溫柔抹眼淚。

生完囡囡冇幾耐,王浩信與YoYo一齊為劇集《飛虎》做宣傳,仲肯配合活動當衆錫錫耍花槍。

疑似痛心控訴

7年婚姻,只有YoYo單方面努力向前行,結果徒勞無功,今年年中,YoYo疑情傷爆煲,選擇在社交網連番出文作出絕望控訴,先說:「多麼忙不重要,忙甚麼才重要!一次重要的抉擇勝過千百次的努力!今天的生活是由三、五年前選擇決定的,而三、五年後的生活是由今天決定的。」而之後另一篇「圓規論」則講到「你為甚麼不能圓夢?因為心不定,腳不動。」所有言論似是衝著王浩信而來,暗示夫婦關係已不復再,如果不是個人經歷與感受,試問怎能寫出如此到肉的文字,YoYo多年來受的委屈終於一次過爆發。

☀️#yoyo正能量分享 ☀️ 蜜蜂忙碌一天,人見人愛;蚊子整日奔波,人人喊打! 多麼忙不重要,忙什麼才重要!一次重要的抉擇勝過千百次的努力! 今天的生活是由三、五年前選擇決定的,而三、五年後的生活是由今天決定的!💪🏻💪🏻💪🏻☀️☀️☀️ 祝大家週末愉快!💝
陳自瑤yoyo(@chenchiyiu)分享的貼文 於張貼