【小JM料理台】簡易安神好眠湯 雙蓮鮮百合桂圓燉湯

【小JM料理台】簡易安神好眠湯 雙蓮鮮百合桂圓燉湯

【入時燉湯】不知不覺間天氣開始已經慢慢轉冷啦!睇來又係時候要為家人多煲一啲湯水、糖水來滋潤一下先得。

最近小JM睡眠質素欠佳,唔知關唔關之前病完事呢?成日總係會半夜突然醒要揾媽媽。如果我係身邊就要拖實手仔就瞓返;如果唔係就會起身揾媽媽,仲喊住話以為媽媽唔見咗添。

撰文+圖片:傑。斯與晴 編輯:[email protected] Kiss

提升睡眠質素

為咗令小JM訓得好啲,全家嘅睡眠質素又可以得以提升,我決定燉個預防失眠嘅安神湯俾家人飲!
其實媽媽我都好需要飲,因為小JM一個訓得唔好,就連大家都訓得唔好。呢啲都係連帶關係來嘅~

雙蓮百合桂圓燉湯

材料:蓮子、蓮藕、鮮百合、桂圓肉、瘦肉

食材功效:
蓮子 : 有助舒壓、安養心神、改善失眠及抗氧化
蓮藕 : 有助清熱、健脾開胃,產後進食亦有助止血去瘀
鮮百合: 具清心安神、潤肺補氣、清熱止咳之餘仲有養顏嘅功效

桂圓肉: 安眠、補血,而且有改善心血管循環效用

燉湯

做法:

1.) 將新鮮嘅蓮藕洗淨,切成條片或小片,備用

2.) 蓮子、鮮百合及桂圓肉用水稍作浸泡以除去雜質

3.) 瘦肉切成小件,並汆水備用

4.) 將全部材料慢慢放入燉盅之內
5.) 再加3~4碗水入燉盅內,並蓋好。

6.) 燉盅膽注入適當水量後即可開始燉湯。


7.) 待湯燉好即可飲用。飲用前亦可按喜好加入鹽調味。

小提示:

美的陶瓷蒸燉寶有得揀選兩個不同模式嘅燉湯時間:
養顏湯(燉兩小時)、精華燉(燉三小時)
可因應個人需要或喜好而選擇時長
*另外仲設有發燕窩、燉燕窩等功能添!*

我同小JM飲嘅燉咗兩個鐘,而爸爸嘅就燉咗三個鐘。
我就覺得精華燉較為濃郁一啲。

更多精選內容