好爸爸都是子女奴  Bob為氹仔囡化身人肉升降台

好爸爸都是子女奴 Bob為氹仔囡化身人肉升降台

藝人林盛斌(Bob)屋企一向熱鬧,與太太Pearl育有3位小公主,上年8月太太更誕下孻仔Jaye,成功為林家「金叵羅」,錫到佢燶!昨日(6日)Bob在社交網站分享,一段與子女玩耍的影片,化身「人肉升降台」氹仔囡開心。

撰文:TLY|圖片來源:[email protected]、Facebook

Bob為氹仔囡化身人肉升降台

片段中,3位小公主坐係梳化,而Bob喺囡囡面前表演,一邊唱《We are the Champions》一邊手抱住囝囝Jaye把他升高,捉住Jaye的手仔手舞足蹈,與囡囡握手,更一起合唱。Bob留言自認係奴才,「三條Queen加個King,而我,只係一個奴才。」雖然Bob喺家的地位最低,但係一種甜蜜幸福嘅!

 

 

Bob:阿囡講其他男仔,我會呷醋!

Bob面對3位女兒分別是霏霏、熹熹和機機,笑說自己前世一定很花心,所以今世有很多小情人。「非常認同『女兒是爸爸的前世情人』,跟阿女相處好似跟女朋友相處一樣,要使錢、花時間,又要氹佢哋開心,我簡直係佢哋男朋友。大女霏霏跟二女熹熹返學,講起有男同學好靚仔,我都會呷醋,問佢哋同爸爸比較,邊個靚仔啲?好彩佢哋識做話爸爸靚仔啲,我就開心番。我好享受做女兒嘅傻瓜,阿女一喊、一扭計,我咩都會應承,做呢行工作唔定時,可能成個星期見佢哋唔到,一見到佢哋幾攰都唔記得。我無偏心,個個都錫,好似騎牛牛,個個輪流玩,而細囡仲細,多啲攬攬錫錫,建立好父女關係。其實,幾man嘅男人都有鐵漢柔情嘅一面,見到阿囡就好開心!」

圖片來源:[email protected]、Facebook
圖片來源:[email protected]、Facebook
圖片來源:[email protected]、Facebook
圖片來源:[email protected]、Facebook

更多精選內容