海洋公園

大人細路都 Like!海洋公園巨型互動聖誕樹 + 麥兜音樂劇場 + 麥兜麥嘜見面會 @Parent 婷

親子好去處

廣告

又到年尾開心放假,當然要一家大細出去玩餐飽!搵一個大人、細路都鍾意嘅地方好難?今個聖誕海洋公園首次與超人氣香港原創卡通麥兜聯乘,帶來全港首個麥兜音樂劇場、麥兜麥嘜見面會、規模最大嘅麥兜主題美食 !值得一提嘅係,麥兜音樂劇場不另收費!而聖誕裝飾佈滿全園,多個勁有聖誕氣氛嘅影相位,相片更可以出現喺互動聖誕樹上面,大人細路都LIKE!

(presented by Ocean Park)

全港首個麥兜音樂劇場

除咗大量影相靚位外,今次聯乘仲有全港首個麥兜音樂劇場 「麥兜.出走的魚蛋」! 麥兜會「親身上陣」傾力演出外,更請來吳君如鬼馬聲演「麥太」一角,好鬼有親切感,又夠哂warm!音樂劇搞笑又溫馨的驚喜情節配合投影技術,訴說主角魚蛋弟弟遇上「魔廚母子檔」麥兜和麥太的料理故事,配合連場爆笑歌舞,大人、細路都可以笑餐飽!而且不另收費,好鬼抵玩呀!( 麥兜音樂劇場詳情: https://goo.gl/KFmQ8T)

麥兜麥嘜見面會

海洋公園首次與超人氣香港原創卡通麥兜合作,兩大「香港製造」是不少香港人的集體回憶!麥兜與麥嘜會於香港老大街出現,與遊人見面和合照留念,如果你係麥兜麥嘜超級粉絲,就記得把握機會喺充滿香港特色大街度同麥兜、麥嘜合照,真係好有feel 呀~

勁多影相靚位

聖誕點少得一家大細或同另一半影靚相,場內充滿不少聖誕裝置,當中最矚目嘅當然係巨型互動聖誕樹,樹上有麥兜及麥太影像增添可愛氣氛外,你只需於Instagram上載跟家人、好友或另一半嘅合照,並加上指定主題hashtag,一幅幅甜蜜嘅合照就會喺40呎聖誕樹上嘅ED螢幕顯示,俾大家盡情放「閃」,分分鐘仲可以贏埋機票添!

超過30款限定麥兜主題美食

今次主題美食派對,由慢活品嚐的西餐、精緻日式便當、本土街頭小食至七彩繽紛嘅甜品都有些,人見人愛嘅麥兜與一眾好友現身於美食中,可愛指數爆燈!想坐定定的話,就要去「冰極餐廳」或者「熊貓薈」,全部都有麥兜可愛造型,勁得意!

 

 

 

 

期間限定自助晚餐

唔少人聖誕節都愛同家人食自助餐,食物多元化,人人都可搵到自己鍾情美食!聖誕及新年,海洋公園內嘅熊貓薈就有期間限定自助晚餐,只供應8晚 (12月22-26日及12月29-31日)!一次過歎盡環球美食,由時令的海鮮盤、充滿異國風味的熱盤以至精緻的甜品,應有盡有!(訂座電話: 3923 2323)

 

12月驚喜優惠

12月想申請海洋公園智紛全年證或買全年證禮券3張仲有65折優惠!智紛全年證會員可享多項園內及香港海洋公園萬豪酒店限定優惠,例如預訂豪華雙人客房,即可享有九折優惠,又免費升級尊貴雙人客房; 於酒店海灣餐廳食自助午餐或自助晚餐享有有「買三送一」優惠等等。(網上申請: https://goo.gl/nmva6u)

海洋公園聖誕全城Hohoho

日期:2018年12月15日至2019年1月1日
詳情:https://goo.gl/KFmQ8T