【親子好去處】全港首個恐龍嘉年華登陸元朗 超真實恐龍+21米冰雕滑梯

【親子好去處】全港首個恐龍嘉年華登陸元朗 超真實恐龍+21米冰雕滑梯

今年冬天元朗舉行全港首個恐龍嘉年華!場內有5隻超真實恐龍等住同大家影相,而且嘉年華亦有一個冰雪體驗館,大家可以喺-8°C嘅氣溫下欣賞各種主題冰雕同玩21米長嘅冰雕滑梯!盡情放足一日電!

撰文:Kamen | 攝影:Ming

元朗恐龍嘉年華 機械恐龍同大家打咭

今個冬天,全港首個恐龍嘉年華登錄元朗,帶大人小朋友走入「侏羅紀世界」!其中最搶眼的一定是場內5隻機械恐龍,超真實!

恐龍
「恐龍冒險王國」登陸元朗大棠!
最近門口有一隻逾100公斤重、約3.4米高(約兩層樓高)的暴龍!
場內有5隻像真度超高的恐龍,大家可以和恐龍來個親密接觸!
機械恐龍不但會發出聲音,更會郁動!

恐龍王國冰雪館 玩21米長冰雕滑梯

雖然香港唔會落雪,但大家都可以到恐龍王國冰雪館體驗-8°C嘅感覺!主辦單位會提供羽絨外套,但提提大家最好自備手套,唔係真係會凍到手指郁唔到!

冰雪館內氣溫只有-8°C,真係超凍呀!
冰雪館有各式各樣的冰雕。
冰雪館當然唔少得雪人啦!
仲有恐龍冰雕!唔好亂摸呀!

冰雪館內有4條21米長冰雕滑梯,大人小朋友都可以玩,都幾刺激㗎!

21米長冰雕滑梯,超級刺激!
大人小朋友都可以玩!

超大型充氣玩樂設施

場內一共有15個大型充氣玩樂設施,小朋友可以盡情放電!其中最吸引的必數22米障礙挑戰,小朋友可以爬上爬落,再滑滑梯!

小朋友可以參與22米障礙挑戰,爬上爬落盡情放電!
人肉保齡球,大人小朋友可以一齊玩!
仲有得玩充氣桌球,用腳將「桌球」踢入洞!
場內有各式各樣的充氣玩樂設施,小朋友一定玩到唔想走。

必影!27米四季花海

場內有一幅超過27米,以四季為主題的花牆,絕對係打卡勝地!超級靚!

四季為主題的花牆是打卡熱點。
有浪漫嘅吊椅俾大家坐住影。
紅葉背景都好靚呀!
「恐龍冒險王國」詳情:
日期: 2018年月12月14日(星期五)至2019年2月10日(星期六)
時間: 逢星期一至星期日,早上9時至下午6時
地點: 元朗大棠「有機生態園」
票價 HKD 120 – 包門票、《恐龍冒險王國》代幣6個及大棠有機生態園門票

HKD 80 – 包門票及《恐龍冒險王國》代幣6個

HKD 690 – 包4張Fast Pass門券,70個代幣及精美恐龍公仔一隻(每天限量30套)

交通 逢星期六、日及公眾假期大會將提供免費穿梭巴士往返「朗屏西鐵站」(近B1出口)及《恐龍冒險王國》
官網 https://www.facebook.com/hkdinokingdom/

更多精選內容