麥兜

【聖誕節2018】麥兜登錄海洋公園 6大實景靚相率先睇

親子好去處

廣告

聖誕節普天同慶,最好就係帶小朋友周圍去玩,共享天倫之樂。今年聖誕節,非常受小朋友歡迎嘅麥兜、麥嘜將會出現喺海洋公園,同大家一齊過度過歡樂節日!

撰文:Kayla|圖片:Tommy

「噢聖誕節,托它歸家」,依首屬於麥兜嘅聖誕歌相信好多小朋友都識唱,由12月15日開始,小朋友就可以喺海洋公園同麥兜、麥嘜一齊唱聖誕歌!

事關今年海洋公園將會變身「春田花花幼稚園」,多個聖誕裝飾遍佈園區各處,記者今日率先去到海洋公園,為大家送上以下6個必影景點!

1. 全港首個麥兜音樂劇場

海洋公園今年特意邀請《春田花花幼稚園》作者麥家碧度身打造全港苜個麥兜音樂劇場《麥兜.出走的魚蛋》,一班卡通人物喺台上載歌載舞,小朋友一定會睇到手舞足蹈!

2. 40呎巨型聖誕樹

聖誕節當然要有聖誕樹!而海洋公園40呎高嘅巨型聖誕樹,以LED螢幕「絲帶」環繞樹身,爸爸媽媽可以將相片上載到Instagram上面,留言#opxmas2018,相片就會出現喺聖誕樹上,非常特別!

3. 聖誕老人水晶屋

聖誕老人將會出現喺水晶屋度,等爸爸媽媽同小朋友一齊同佢影相,小朋友仲可以趁機同聖誕老人許願,話唔定會願望成真!

4. 浪漫飄雪漫步徑

咩話?香港都會落雨?冇錯,海洋公園今年為大家準備咗飄雪樂園,啱晒貪玩嘅小朋友,齊齊玩雪!

5. 懷舊老大街

多個懷舊經典角色將會現身香港老大街同大家見面,包括筷子姊妹花、女殺手、馬姐等,爸媽見到佢哋記得捉住佢哋影相呀!

6. 麥兜期間限定商品

海洋公園今年推出多款麥嘜、麥兜同聖誕限定商品,快啲帶佢哋返屋企啦!