何基佑老婆今日平安產下小公主  同大仔清義成個餅印咁 「睇到都毛管戙」

何基佑老婆今日平安產下小公主 同大仔清義成個餅印咁 「睇到都毛管戙」

藝人何基佑太太Charis終於生咗第二胎喇!BB女喺今日12月14日出世,幸好生產過程非常順利,太太入院一個幾鐘就已經順利生咗BB女出嚟喇!

撰文:叮叮|圖片:何基佑Facebook|編編:YIU

仔仔預言媽媽會懷孕

藝人何基佑(Kay)曾經主持過無綫嘅音樂節目同明珠台節目,現時就活躍於ViuTv,主持緊超級奶爸。Kay喺2011年同模特兒太太鍾凱瑩(Charis)拉埋天窗,2015年誕下大仔何清義(Nathaniel) 。早前宣布太太再次懷孕,預產期係12月。笑指發現懷孕過程好搞笑,原本Kay同太太都唔知道妹妹嘅嚟臨,係仔仔清義突然話好快有妹妹喇,太太先驚覺自己一個月冇嚟。之後,太太去驗孕先知真係有咗,仲要真係女!Kay仲表示預產期係12月28日,希望女女可以喺12月29日出世,因為希望女女可以同嫲嫲同一日生日。

太太快速產下女女

今日12點40分何家公主終於出世喇!何基佑接受訪問時話:「太太11點入院,12點40分就瀡出嚟,成個過程好迅速。」何家公主重2.6磅,中文名叫何珊娜,英文名叫Sanna!爸爸仲話見到女女嘅時候毛管戙,因為同仔仔清義個樣非常相似!其實,Kay爸爸你見到女女似哥哥清義係好事,因為哥哥一副花美男開樣子,而且只係聽個名就覺得Sanna充滿仙氣,鼻仔又似媽咪,大個一定好令女!最後,恭喜曬何基佑夫婦,祝Sanna妹妹平安快樂咁長大!

 

更多精選內容