馬德鐘入行27年首奪視帝 台上多謝太太：做藝人太太唔容易
原文：東方新地
圖片：新傳媒圖片、張筱蘭微博、馬德鐘微博、馬在驤微博、電視截圖
馬德鐘 首次封視帝
「最佳男主角」由馬德鐘憑《跳躍生命線》麥在田一角奪得，馬德鐘得獎時說：「無諗到，好開心，第一次攞獎，令我感受到咩係吃過苦先知甜嘅美好。多謝TVB，咁多位朋友，多謝珍姐，無你無《跳躍生命線》，你同我講每一句說話我都會記住，以前我年少無知唔知。多謝樂小姐，不停鼓勵我，多謝《跳躍生命線》監製、編審同埋所以前後嘅工作人員。多謝所有幫助過我嘅人，前輩，多謝我屋企人，我相信爸爸喺天上睇到，媽媽喺電視前睇到，多謝仔仔，多謝我老婆，做藝人太太真係唔容易，你照顧得我同家庭好好！」
在《跳躍生命線》中演馬德鐘老婆嘅李佳芯同埋女友張曦雯，在馬神得獎時都好感動！
獲封「民選視帝」
在較早前網上舉行的一個民選電視大獎中，馬神已經以大熱姿態成為網民眼中的「民選最佳男主角」。
相隔兩年回歸TVB拍劇，「馬神」馬德鐘劇集在《跳躍生命線》中的飾演救護員麥在田，一身制服令人不期然想起，過去那些年，他幾乎都是在扮演專業人士。
現年50歲的嘅馬神曾做G4，91年轉行做模特兒，93年因為演出一輯服裝廣告《沒有陌生的世界》被無綫看中並簽約，獲派演首部電視劇《武尊少林》。
馬德鐘老婆 晒陳年拍拖照放閃
馬神同太太張筱蘭結婚25周年嘅大日子，馬太喺微博上載咗多張二人由拍拖到結婚嘅相片，並留言話：「由12歲開始認識你，到今天與你結婚步入4份1世紀，感恩一直同行。人生就是要將今天活得比昨天好。銀婚快樂！」
而馬德鐘亦有轉載太太嘅發文，仲留言回應番老婆：「必須要每天都過得比昨天好。」好恩愛啊！
馬德鐘父子型爆晒肌
馬德鐘入行前曾任G4，出晒名高大威猛，正所謂「虎父無犬子」，佢20歲的囝囝馬在驤絕對有爸爸的風範！馬德鐘同老婆張筱蘭就帶埋囝囝享受陽光與海灘，見到佢哋兩父子喺沙灘上大晒fit爆身材，齊齊爆肌！
囝囝唔使返學，仲會上內地探班！做爸爸當然好開心啦！
去年馬在驤19歲生日，一家三口同埋狗狗Rocky一齊慶祝生日，兩公婆送上一份禮物好特別又有意思，就係囝囝嘅20粒乳齒喇！
嗰頭仲係BB黐實父母，當爸爸心口係床仔瞓，呢頭已經牛高馬大游出香港，天下父母心，都係一樣咁矛盾，又想兒女快高長大出人頭地、又想「叮噹可否不要老」，時間可唔可以過慢啲？又再慢啲呢？
細數馬神 10個經典專業人士角色
1.《O記實錄》（1995）
「馬神」相隔兩年再回歸TVB劇集，飾演《跳躍生命線》中的救護員麥在田，過去那些年，他幾乎都是在扮演專業人士。馬德鐘95年在《O記實錄》中飾演警員司徒文安，當初只是作為男配角的角色，是蔡國權飾演的陳桂和陳榮峻飾演的吳國兆的屬下。
2.《陀槍師姐》（1998）
馬德鐘在《陀槍師姐》裏飾演了軍佬梁向東，是西九龍重案組的警察。
3.《烈火雄心》（1998）
《烈火雄心》中，馬德鐘飾演了消防員發記王駿發，原本是正直的消防員，後來卻因為要替兄長報仇而投靠台灣黑幫龍頭。
4.《衝上雲霄》（2003）
而馬德鐘最經典的角色，一定是《衝上雲霄》的飛機師凌雲志Vincent，劇中的Vincent對陳慧珊飾演的Belle一往情深，塑造了一個好男人形象。
5.《智勇新警界》（2003）
馬德鐘在《智勇新警界》中順利「升職」為督察，飾演馬孝賢，其後在劇中更成為高級督察。
6.《情迷黑森林》（2005）
馬德鐘在《情迷黑森林》中擺脫了紀律部隊，卻成為了另一種專業人士—蛋糕店蛋糕總廚。在劇中他飾演高根，是一個天生低心率，雙手異常低溫，有著天賦才能的人，與胡杏兒有對手戲。
7.《搜下留情》（2010）
馬德鐘在這裏飾演的是警長吳仲明，更有另一個身份：臥底，以臥底身份「高威明」進入涼茶鋪查案。
8.《飛虎》（2012）、《飛虎II》（2014）
馬德鐘在入行之前就是警察、G4，保護過不少重要人物，而在《飛虎》中飾演他便飾演了英勇果敢的飛虎隊高級督察展瀚韜展sir，本來就有帥氣高大的外表，加上是「老本行」，更是演得生動傳神。
9.《以和為貴》（2015）
在《以和為貴》中，馬德鐘一反嚴肅的紀律部隊形象，飾演一個幽默風趣、充滿正義感的調解員侯德仕「厚多士」，深得觀眾喜愛。
10.《跳躍生命線》（2018）
馬德鐘再次出現在電視機中，繼續做專業人士，這次在《跳躍生命線》就飾演了救護員麥在田，劇中劇情也主要是圍繞救護員爭分奪秒救援的生涯進行描述。
今年6月27日係馬德鐘50歲生日，6月尾又係佢同太太張筱蘭結婚25周年紀念(銀婚)，真係好難能可貴！而馬太除咗留一番感言，仲放咗多張激罕拍拖照上微博，連當年前G4馬德鐘學堂畢業照都有⋯原來入行前，他的而且確做過警察，更保護過不少要員。
