希望女人唔會被年齡規限  41歲田蕊妮奪「最佳節目主持」

希望女人唔會被年齡規限 41歲田蕊妮奪「最佳節目主持」

《萬千星輝頒獎典禮2018》 田蕊妮憑《女人四十》奪得「最佳節目主持」獎項!阿田上台攞獎一刻非常激動,期間不忘感謝亡母。41歲嘅阿田仲相當感觸咁為姊妹打打氣:「希望各位女人都唔好畀你嘅年齡規限你自己。」

撰文:Chloe | 圖片:TVB截圖、《女人四十》劇照、田蕊妮IG

41歲田蕊妮奪「最佳節目主持」

41歲嘅視后田蕊妮今年主持咗節目《女人四十》,昨晚《萬千星輝頒獎典禮2018》奪得「最佳節目主持」獎項。阿田一上台領獎就非常激動開始哽咽,仲要叫人遞紙巾,睇落相當感觸。佢邊喊邊話:「原來真係想喊,呢個節目,我第一次自己構思、度橋有份參與,多謝公司畀咗好大空間,我學咗好多製作嘅嘢,發掘自己另一方面能力。」

田蕊妮:希望女人都不要被年齡規限

阿田媽咪早年離世,攞獎一刻佢不忘答謝亡母:「我要多謝我媽咪,遺傳好多好嘢畀我,所有好嘢都係來自你身上,仲有好多謝我爸爸,我會繼續好努力去做一個令到你驕傲嘅女兒……我亦都好多謝我自己,因為呢個節目我真係為女人做咗一啲嘢,希望各位女人都唔好被你嘅年齡規限你自己。」

更多精選內容