【爆有孕後首露面】應采兒鬆身衫現身 陳小春這樣回應?

【爆有孕後首露面】應采兒鬆身衫現身 陳小春這樣回應?

育兒

廣告

香港影視大亨向華強16日舉行生日派對,慶祝70歲大壽,現場眾星雲集,不少劉嘉玲、劉德華等一線藝人都到場祝賀。陳小春夫妻亦帶同兒子Jasper出席晚宴,近期被爆陀二胎的應采兒,當日就穿著寬鬆衫露面,再度引起網民熱議。

撰文:Chloe | 圖片:應采兒IG、微博、Instagram、東星娛樂

陳小春沒有否認再當爸爸

藝人應采兒日前與老公陳小春帶著兒子Jasper一家三口出席向太陳嵐的70大壽生日晚宴。早前被爆懷上二胎的采兒當日穿著寬鬆衫現身,據悉,應采兒帶著Jasper先行入場,留下老公陳小春獨自接受訪問。被問到備受關注的Jasper是否有弟弟或妹妹,是否再做爸爸時,陳小春沒有否認只是說:「再傾啦!再傾吖!」

據知,Jasper出世後都未見過向生向太,今次陳小春夫婦專程帶埋佢嚟賀壽。

當年,應采兒受到向太陳嵐賞識,成功簽約成為向華強旗下藝人,成為半個「親生女」。佢今次全家出動參加派對,更在社交網送上祝福:「向生~生日快樂!看著我長大的向生向太~祝你們健康幸福!」

Jasper梳老積「蛋撻頭」參加Party

Jasper當日一身西裝裝束,梳著老積「蛋撻頭」,愈來愈似爸爸陳小春,兩父子簡直「餅印樣」。

而第一次參加這種大Party的Jasper表示相當興奮,更在現場聞歌起舞,陳小春還開玩笑地說,「要不,1.12來深圳場跳一場」,而應采兒更取笑兒子「和音樂完全不搭的舞步」,惹笑網友。

View this post on Instagram

和音樂🎵完全不搭的舞步

A post shared by 應釆兒 (@yingcaier) on

應采兒合照肚凸 惹懷孕猜測

早前應采兒喺Instagram post嘅一幅同鄧麗欣嘅合照已經引起網民揣測佢係咪有咗。事關相片中嘅應采兒著住一件頗為鬆身嘅衛衣,雖然衛衣並唔貼身,不過應采兒嘅肚似乎都有啲凸凸哋。有網民就留言話:「肚子圓圓的。」、「采兒姐要生妹妹了嗎哈哈哈。」一方面有網民留言指應采兒係咪再次有喜,另一方面亦有網民護航話可能只係條裙嘅褲頭位凸咗出嚟啫。

應采兒疑有喜

除了合照疑雲外,應采兒早前之後更上載咗一張相上微博,相片內容係話:「做遊戲都要有隊友,我采鵝隊已經有隊友啦,那另一隊呢?」,單係睇相片內容可能會以為應采兒講緊打機嘅隊友,但有網民睇清楚幅相之後就另有睇法喇!事關相片入面有一罐孕期用嘅維生素,網民紛紛起哄,推測應采兒終於懷有第二胎,Jasper終於有隊友喇!網民仲話應采兒今胎一定係女,一圓Jasper想要個妹妹嘅心願。不過部分網民就有其他睇法,認為罐孕期維生素可能只係賣廣告用,或者備孕期間用,指應采兒身邊有罐孕期維生素唔一定係有咗。

應采兒一直準備懷第二胎

早前應采兒同丈夫陳小春一齊接受專訪,二人合體難免被問到生第二胎嘅進度。應采兒首先就一反大笑姑婆嘅風格,好怕羞咁話:「就…可以準備啊。」喺隔離嘅小春就諗住搭嘴:「上禮拜……」小春未講完,應采兒就自爆:「上禮拜準備了一下!」果然,大笑姑婆應采兒唔會令人失望,總係會講啲出人意表嘅說話,惹人發笑。雖然唔少網民已經認定咗應采兒已經懷有第二胎,不過現時應采兒夫婦尚未正式認證懷孕嘅消息。我地就耐心等待佢哋宣布好消息啦!祝Jasper早日得償所願,媽媽早日生個妹妹嚟陪你啦!