【親子好去處】爸爸的童年回憶 龍珠超互動展登陸香港

【親子好去處】爸爸的童年回憶 龍珠超互動展登陸香港

每次放假都係媽媽帶小朋友去玩?爸爸們係時候主動要求湊仔啦!龍珠超體感互動藝術展嚟到香港,除咗有各個1:1龍珠角色,仲有親子專區俾小朋友一齊體驗!最啱就係爸爸帶埋阿仔去朝聖!

撰文:Kamen | 攝影:Day

龍珠超互動展登陸香港

相信大部份爸爸細個都有睇七龍珠,簡直稱得上係爸爸界嘅童年回憶!今次「龍珠超 – 體感互動藝術展」登陸數碼港,帶嚟3層展覽館。其中最特別嘅係設置親子專區,有超大型龜波池同神奇膠囊體驗,最啱爸爸帶埋阿仔一齊去!媽媽們係時候放心俾爸爸湊仔啦!

1:1 龍珠角色

一入場大家都即刻畀2隻1:1大嘅悟空同布洛尼吸引住!大家仲可以登入網站為悟空或布洛尼「集氣」,集滿指定「氣」後場內會上演一場激烈的對決,由史上最強大撒亞人布洛尼對戰地表上最強撒亞人孫悟空,令你親身體會撒亞人的決戰!

龍珠
1:1大悟空,超級型!
1:1大嘅布洛尼!你支持邊一個?
大家可以為喜歡嘅角色「集氣」!
集滿氣後現場會上演一場激烈的對決!
1:1嘅笛子魔童!
1:1嘅比達,不過同門口嘅悟空相比就有啲失去霸氣。
係肥布歐,好得意!大家一定記得同佢影相!
仲有筋斗雲嘅影相位!

用龍珠雷達集齊7粒龍珠

場內有7粒龍珠散落係唔同地方,大家可以用「龍珠雷達」搵齊7粒龍珠,召喚神龍!

開啟龍珠雷達,就可以見到龍珠嘅位置!
集齊7粒龍珠,就可以「召喚神龍」,許下願望!

超深「龜波池」

場內有個識發光嘅橙色龜波池,小朋友見到一定超開心!龜波池面積唔算太大,但係都幾深!記者身高約1.6m,啲「龜波」去到膝頭哥!

超深嘅「龜波池」,小朋友最愛!

同龍珠角色影相

場內亦有2部機俾大家同龍珠角色影相!

你哋鍾意邊一個角色?
有得印出嚟!

試用神奇膠囊

親子專區另一個必體驗嘅活動一定係神奇膠囊!在龍珠世界,房子、車子可統統的收藏在膠囊之內。大家只要拎起膠囊用力向屏幕掟出去,就會見到唔同物件出現!小朋友一定好鐘意!

拎起膠囊用力向屏幕掟出去,就會出現特別物品!
係神奇膠囊!

學「龜波氣功」

龍珠最強必殺技肯定是龜波氣功!參加者於屏幕前瞬間練成悟空必殺技「龜波氣功」,將雙手合上並放在腰間,閉上雙眼,將全身的氣集中在手中,然後調整呼吸大喊「龜!波!氣!功!」,學習地表最強必殺技!

「也!咩!也!咩!哈!!!」

《龍珠》珍藏展

除了體感互動遊戲,場內亦設有《龍珠》珍藏展,大家可以懷念童年時瘋狂收集嘅龍珠閃卡!大家亦可以見到20張獨家電影海報,粉絲唔好錯過!

龍珠閃卡,你細個有冇儲呀!
各個龍珠角色嘅模型
20張獨家電影海報
龍珠角色介紹,爸爸可以喺度向仔女講解兒時最愛!

《龍珠超》期間限定店

《龍珠超》期間限定商店內找到一系列香港站限售商品,亦有超靚嘅模型可以購買!

《龍珠超》期間限定店
有模型,粉絲一定會入手!
龍珠周邊商品

「龍珠超-體感互動藝術展Dragonball Super–Immersive Lab」(香港站)

展覽日期: 2018 年12月20日 至 2019年 1月31日

展覽時間: 2018年12月20-31日 11:00-22:00/
2019年 1月逢星期五及六 11:00-22:00/
2019年 1月其他日子 11:00-21:00

地點: 數碼港商場101-104及204舖

門票價格: 入場門票
成人(13歲或以上): HK$190
小童(12歲或以下):HK$95
親子套票 1成人+ 1 小童:HK$285
家庭套票 2成人+ 1 小童: HK$475

開售日期及時間: 現已開售

購票方法: 使用手機下載 Trip.com App,並瀏覽以下連結https://bit.ly/2DjkAGY (不設現場現金購票)

下一頁:【親子好去處】記者直擊 全港首間BabyShark期間限定Cafe

【親子好去處】記者直擊 AIA嘉年華!6大必玩攤位遊戲+充氣彈床+機動遊戲

更多精選內容