【小一入學】統一派位甲乙部填表最佳策略

【小一入學】統一派位甲乙部填表最佳策略

2019小一入學之統一派位選校手續,將於2019年1月26至27日辦理。不少家長走來問我統一派位甲乙部有冇最佳策略,答案是:「有!」以下為我和家長分享的填表策略。

撰文:趙榮德 圖片:新傳媒資料室

填表前必知的事

趙:本人 家:家長

家:趙sir,統一派位分甲乙兩個部份,先講甲部。甲部有3個選擇,好多朋友都教我無論如何要全部將3個選滿,事關教育局畀我哋3個選擇,冇理由唔用晒咁蝕底!

趙:我希望家長要留意教育局小一派位其中一個條件:那便是「參加者從未獲派小一學位。」

家:呢個條件表示甚麼?

趙:表示每個符合派位資格者都只有一個被派位機會,即係話你一定要接受呢個學位,如果不接受,便不再派公營學位給你,這樣你便要幫子女報讀直資或私小了。我要家長留意以上條件,是提醒家長唔好亂咁填嗰3個選擇。

統一派位

家:我可以甲部第一格填最心儀,第二格填次心儀,第三格填三心儀小學嗎?

趙:咁樣填唔係最佳策略,因為有兩大缺點。一,你有機會派到第二格的次心儀或第三格的三心儀,派次選同三選你一定要接受。二,接受了你便永遠派唔到乙部嗰30個選擇了,而乙部第一個選擇可能是你的最心儀小學,你因為怕蝕底填了3格,被派第二或第三心儀而失去第一心儀小學,值得嗎?

家:咁你點填甲部?

趙:我只選最心儀,如果我只有一間最心儀便只填一格,兩間便填兩格,三間便填三格,咁樣填便只會派到最心儀的小學給我。

【小一入學】統一派位甲乙部填表最佳策略

家:明白。乙部嗰30個格又點填?

趙:統一派位講運氣,無論如何,我都假設自己有運氣,因此,第一格我會填最心儀。

家:好,咁餘下嗰29格點填?

趙:餘下29格有兩大不要:一,不要從一而終,即係29格都填你最心儀嗰間小學。二,不要將最受歡迎嗰7間依次序1至7填上去,因為派位係依選擇派,既然係咁,你在第二個選擇揀B校,可能有其他家長喺第一個選擇揀咗,而你在第三選擇揀C校,亦可能有其他家長喺第一個選擇揀咗,如此類推。你在第七個選擇揀嗰間嗰間小學,亦都可能有其他家長喺第一個選擇揀咗,如此這般,你1間派唔到,其他嗰7間都會失手。所以我反對家長依受歡迎次序填乙部。

【小一入學】統一派位甲乙部填表最佳策略

家:趙sir有何提議?

趙:我提議用「博奕」,即「退兩步填表法」。第一個選擇仍是最心儀,派唔到表示你運氣差,運氣差便要退兩步,將受歡迎那6間小學,從「234567」, 改為「456723」 ,即係把次受歡迎「2 」,三受歡迎「3 」,放在「4567」 之後。咁樣排列就提高被派到的機會了。

家:點解你只將受歡迎的「第2」及「第3」嗰兩間小學移後?

趙:因為根據過往紀錄,頭嗰3位獲派成功率高達60%。所以要特別照顧第1、第2、同第3個選擇。

家:是否要盡量填晒所有小學上乙部?

趙:是,因為就算你唔填,教育局最終都會將嗰啲小學派畀你,與其被派,不如自己作主!

家:明白,多謝趙sir指點迷津!

【小一入學】統一派位甲乙部填表最佳策略

<b srcset=
趙榮德” width=”538″ height=”807″ /> 趙榮德

前喇沙書院副校長,現任社工註冊部紀律委員會會員、香港輔導教師協會榮譽顧問。曾任教育局家庭與學校事宜委員會副主席,熟悉香港教育及升學制度,同時為香港大學專業進修學院之客席講師,亦為升學指南作家,現有著作多達廿二本。

下一頁:【統一派位】精選全港36校網優質官津小學

【小一入學】統一派位甲乙部填表最佳策略

下一頁:【趙sir推介】家長心目中50間 「 Band 1 」好小學排名

【小一入學】統一派位甲乙部填表最佳策略

更多精選內容