楊千嬅post婚紗相慶擺酒8周年 囝囝：你哋拍戲？
撰文：Kamen| 圖片：楊千嬅@IG
楊千嬅post婚紗相慶擺酒8周年
楊千嬅2009年8月11日與丁子高與美國秘密註冊，其後2010年12月20日在香港補擺酒。今日係楊千嬅同老公丁子高嘅擺酒8周年紀念，千嬅亦上載一張著住中式禮服嘅婚紗相慶祝。千嬅表示囝囝見到相片後，問佢哋係唔係拍戲，張相係唔係電影poster，仲話爸爸嘅打扮好搞笑！搞到千嬅都唔知點答佢好。
拍拖11周年 2公婆撐枱腳慶祝
丁生喺蛋糕上嘅一句「Love You Always！」，相信丁太未食個Cake都甜到入心！
Fans替佢哋高興之餘，亦不忘提醒丁生要對丁太好啲！
2007年，楊千嬋遇上了丁子高，很快就認定咗對方。
當年丁子高其實兩度求婚不果。2009年，他趁兩人到美國旅行第三次浪漫求婚，借千嬅之前曾講「自己過了30歲就要為自己倒數」回應她「如果真的是這樣，是不是應好好珍惜，讓我陪你一齊走下去」。千嬅頓時十分感動，最後兩人決定開車去拉斯維加斯註冊結婚，還婚後才通知雙方父母呢！
結婚一周年，縱使外界仍然對佢哋唔太睇好，成日話佢哋「女尊男卑」，不過佢哋依然恩愛，對所有閒言閒語，一於少理。
今年2月，丁太生日，丁生專程飛到東京搞咗個「孖寶賽車生日派對」，為老婆慶生！
呢次生日派對是在旅行途中舉行，楊千嬅話事前並唔知情：「原本是簡單幾對couples旅行團，突然驚喜，很有趣，感謝朋友們的surprise！」相中可見千嬅同老公丁子高貼上鬍鬚，一身「孖寶兄弟」裝，但丁子高就留言話兩人係「Mr & Mrs Mario」，認真sweet！
外遊慶生，丁生仲落重本為千嬅準備咗驚喜煙花匯演，千嬅驚喜得在Instagram寫到：「嚇一嚇⋯⋯公主變蕃薯???? 」
結婚7周年，丁太已經唔止有丁生錫，仲有非常愛錫媽咪嘅Torres。千嬅透露過阿仔愛上烹飪，閒時會整曲奇、蛋糕等小食俾千嬅品嘗，人仔細細相當有孝心！
7周年結婚紀念，Torres又再大顯身手，精心整咗碟「正野」俾媽媽嘆！
楊千嬅於12年6月誕下兒子Tor res，多年來都望追多個女，不過一直未有聲氣，在今年的母親節活動 上為粉絲的女兒梳辮子，問到可有想過再生一女兒？千嬅表示自己很喜歡，有當然會很開心。
正在忙拍《多功能老婆》的楊千嬅，上星期同其他同劇演員一齊賀寶華姐慶祝生日，主角們同壽星一齊合照，又發現到丁生嘅身影，可見在工作時丁太都同丁生形影不離。
希望丁生丁太繼續恩愛，一齊走過更多個11年！
