忘年戀開花結果 28歲青年與65歲大媽結婚

忘年戀開花結果 28歲青年與65歲大媽結婚

到底係咩驅使一個28歲嘅青年為咗一個65歲嘅大媽將一頭黑髪一夜染白呢?係愛呀哈利!河南28歲嘅柱子(化名)因為兩次愛情路上嘅失敗,喺失意時打算走去跳海,點知俾65歲嘅大媽老芹見到,老芹就好溫柔咁安慰柱子,令柱子心中萌生愛苗,展開忘年戀追求。二人經過多次離離合合之後,忘年戀終於開花結果,9月時二人已經影咗婚紗相,等過埋新年兩個人就會舉行婚禮喇!

撰文:叮叮|圖片:騰訊視頻截圖

柱子經歷兩次愛情失敗

嚟自河南28歲嘅柱子,樣子頗為俊俏,但係喺愛情路上就兩次跌倒。第一次,柱子原本同女朋友已經去到談婚論嫁嘅階段,但對方家長居然好似賣女咁,獅子開大口,要求柱子俾110幾萬嘅禮金。110萬對於柱子一個年輕人嚟講根本係遙不可及嘅數字,所以柱子同第一人女友嘅愛情就因為過唔到禮金一關而結束。

忘年戀開花結果 28歲青年與65歲大媽結婚

而柱子第二任女朋友就因為出軌,導致到兩人嘅愛情就此結束。面對兩次愛情失敗,同女友嘅背叛,柱子傷心欲絕,仲走咗去海邊打算跳海。

忘年戀開花結果 28歲青年與65歲大媽結婚

芹大媽巧遇欲跳海的柱子

正當柱子打算跳落海一了百了嘅時候,命運就為柱子做咗一個奇妙嘅安排,就係安排咗芹大媽做柱子嘅救命恩人。芹大媽見到柱子咁傷心,仲諗住尋死,於是大媽就好溫柔咁安撫同開解柱子。

忘年戀開花結果 28歲青年與65歲大媽結婚

正因為芹大媽好溫柔,令當時非常脆弱嘅柱子似乎尋找到一點生命嘅希望,柱子覺得年輕嘅姑娘都會傷害自己,但係反而呢個大媽就咁關心我,自此柱子就對芹大媽展開猛烈追求。相信芹大媽點都估唔到,自己只係一時善心諗住救返個垂死邊緣嘅年輕人,居然會令個年輕人鍾意自己。

忘年戀開花結果 28歲青年與65歲大媽結婚

芹大媽本打算拒絕柱子

雖然芹大媽嘅老公已經去世,但芹大媽好清楚自己同柱子嘅年齡差距好大,柱子都只係比自己嘅孫大少少,所以認為自己同柱子係無可能。但係喺柱子嘅猛烈追求下,芹大媽唔知係唔敢直接拒絕柱子,定覺得呢個後生仔點極都唔明,所以就決定聽柱子話跟柱子返屋企一趟,希望靠柱子嘅屋企人開導柱子,令柱子認清事實,知道自己同芹大媽係無可能發展落去。

忘年戀開花結果 28歲青年與65歲大媽結婚

點知返到柱子屋企,柱子媽又好開明喎,知道柱子話想同芹大媽一齊,柱子媽直情走去用嚟俾個仔結婚后住嘅新房準備。第二朝,芹大媽一早就走去同柱子媽道別,仲叫柱子媽開導柱子,等柱子明白二人係無可能。

忘年戀開花結果 28歲青年與65歲大媽結婚

柱子打動芹大媽

柱子知道芹大媽不辭而別之後好傷心,一起身就四處去搵芹大媽。命運再次安排安排芹大媽同柱子一齊,命運令柱子喺茫茫人海中搵返芹大媽。柱子同芹大媽講:「我這輩子認定你了,不管他們怎麼說」,柱子呢句說話感動到芹大媽,令芹大媽答應嘗試同柱子交往。

忘年戀開花結果 28歲青年與65歲大媽結婚

忘年戀開花結果 28歲青年與65歲大媽結婚

芹大媽四次出走

雖然芹大媽答應同柱子交往,但係始終二人嘅年齡差距太大,少不免惹來旁人嘅閒言閒語,同埋芹大媽自己都會胡思亂想。芹大媽認為自己老,不但無辦法為年輕嘅柱子生兒育女,等自己走后能夠有兒女陪伴柱子,而且自己身體又多毛病,擔心日後自己嘅醫療費用會成為柱子嘅龐大負擔。

忘年戀開花結果 28歲青年與65歲大媽結婚

忘年戀開花結果 28歲青年與65歲大媽結婚

柱子上節目向芹大媽表白 欲挽回芹大媽

即使芹大媽四次出走,不過四次都俾柱子搵返,相信係命運早已將芹大媽同柱子綁得好實,所以先令二人離合多次仍然能夠喺返埋一齊。芹大媽最後一次出走係喺九月影完婚紗相之後,其實最初芹大媽係唔答應同柱子結婚,同二人仍然去咗影婚紗相。

忘年戀開花結果 28歲青年與65歲大媽結婚

芹大媽第四次出走之後,柱子更染咗一頭白髮,為嘅係同芹大媽更相襯,之後更上大陸節目「現在就告白」挽回芹大媽,並且再一次求婚。

忘年戀開花結果 28歲青年與65歲大媽結婚

柱子喺節目度就同芹大媽講:「如果沒有你,我今天不會站在這裡,感謝你挽救過我的生命。今天我送妳的一份小小的禮物,是我親手製作的,是一段視頻。如果我求婚成功的話,這就是我們永遠的小家。如果不成功的話這也是我們倆永遠的家。」節目中雖然芹大媽口頭上話唔想嫁俾柱子,但就拖住柱子嘅手講:「走一步,算一步吧。走吧!小伙子!」最近二人仲宣佈會喺2019年新年過後正式結婚,芹大媽仲話:「倘若他想要個孩子,我願意去做試管嬰兒。」

忘年戀開花結果 28歲青年與65歲大媽結婚

希望呢段忘年戀最後真係能夠開花結果,柱子真係能夠伴芹大媽到老,亦希望大家明白愛係無分年齡架!希望大家能夠祝福柱子同芹大媽啦!

延伸閱讀:

【師生戀】男老師娶細14年女學生 開花結果

忘年戀開花結果 28歲青年與65歲大媽結婚

更多精選內容