美國專家5大有家姐的好處你要知 有家姐的孩子是個寶

美國專家5大有家姐的好處你要知 有家姐的孩子是個寶

好多人話一個男人成功嘅背後總會有一個女人,好多人都會認為呢個人女人係指老婆,但有專家就話呢個人應該係我地嘅家姐先啱。專家指家姐對細佬妹嘅成長有住不可或缺嘅正面推動力,推動細佬妹成為更好嘅人。專家仲列咗有家姐嘅5大好處㖭!

撰文:叮叮|圖片:新傳媒資料庫

1. 家姐令你更快樂

好多時父母都會話生女好過生仔,因為女貼心啲,生女開心啲。的確,所以專家都話家姐會令細佬妹變得更加快樂。可能係因為家姐會更加在意細佬妹嘅喜怒哀樂,會較顧家,會經常陪伴細佬妹。所以,有家姐嘅你地,係比冇家姐嘅人快樂架!

家姐

家姐

2. 家姐令你成為更善良嘅人

美國嘅Brigham Young University做過研究,研究訪問咗395個家庭,最後得出一個結論就係有家姐嘅細佬妹會係一個較善良嘅人。唔知係咪因為女性比較有母愛同慈悲,喺家姐同老媽子嘅雙重熏陶之下,令我地都久而久之變得更善良呢?

家姐

家姐

 

3. 家姐會確保你唔會行差踏錯

相信愛恨交纏四個字最適合形容各位細佬妹對家姐嘅感覺,因為有時家姐會陪你玩,帶你食好嘢,你會好開心有呢個家姐;但有時又會好似老媽子上身咁,不停哦你煩你,同你講經,唔俾你做呢樣個樣,呢個時候你就會好討厭呢個家姐。

家姐

 

其實,家姐就好似我地嘅人生導師咁,會一直循循善誘,誘導我地行正確嘅方向。所以,有家姐嘅細佬妹相比其他人就會好似多咗個老媽子、人生導師,我地嘅路途都似乎較為平坦,因為有兩個老媽子帶住我地行。

家姐

 

4. 家姐令你有更好嘅情緒調整能力

來自英國嘅De Montfort UniversityUlster University專家向571個人詢問受訪者對生活和心理健康有關嘅唔同問題。有趣嘅係,喺研究結束時,發現有家姐嘅人比冇家姐嘅人有更加好嘅情緒調整能力。

家姐

 

唔知係咪因為家姐成日哦我地,有家姐嘅細佬妹好似多咗個呀媽,要忍嘅嘢多咗,所以久而久之調整情緒嘅能力較其他人高呢?

家姐

 

5. 家姐令你嘅心理健康更好

喺英國嘅同一個研究入面嘅專家認為,情感表達對於家庭成員嘅心理健康係非常重要,而女性較鼓勵開放式溝通,會鼓勵家庭成員更勇於表達自己,喺鼓吹情緒表達嘅家庭環境下長大會令我地喺未來變得更加情緒穩定同自信,心理健康情況較佳。

家姐

 

除咗老媽子之外,家姐都係女性,所以如果日後家姐叫你講嘢,問你有咩唔開心,你記住要講呀,原來對你好架!

家姐

更多精選內容