【印尼海嘯】印傭急請假回鄉尋親 僱主不允:又唔係死咗只係失蹤

【印尼海嘯】印傭急請假回鄉尋親 僱主不允:又唔係死咗只係失蹤

經常看見不少僱主投訴工人姐姐工作問題,近日有一名僱主在討論區上大吐苦水,指日前印尼發生大海嘯,造成傷亡、失蹤人口無數,其印傭因擔心家人的安全,故向僱主請假回鄉數日以便尋親,惟僱主不允,更在討論區上發表「又唔係死咗,只係失蹤」的言論,引起網民公憤,大罵該僱主「涼薄」。

撰文:CMY|圖片:討論區截圖、路透社、美聯社

印傭家人失蹤急回鄉尋親

印尼在22日發生海嘯,至今最少造成373人死亡,超過1,400人受傷,目前有128人仍然失蹤。有香港僱主在網上討論區發表貼文,指其印傭日前「係咁叫我畀佢放假」,原因就是想回鄉尋親,即使無薪亦無問題。不過僱主不允,指「佢今年啲假期早就用晒」,又沒有早一個月預先通知,加上自己身在外地旅行,家中尚有寵物要印傭照顧,故此不打算讓印傭放假。

印尼巽他海峽於本月22日晚因火山噴發誘發海嘯,造成死傷無數。(圖片來源:路透社)
印尼巽他海峽於本月22日晚因火山噴發誘發海嘯,造成死傷無數。(圖片來源:路透社)

僱主留言指,印傭平時已經夠懶,更認為她「屋企人有機會離開關我什(甚)麼事」,其現在家人只是失蹤,「親人真係走咗到時搞白事自然畀你放,而家又唔係死咗只係失踪(蹤)」,言論出位惹火,引來網民不滿。

印尼海嘯令數以千計的人失去家人、家園。(圖片來源:路透社)
印尼海嘯令數以千計的人失去家人、家園。(圖片來源:路透社)

貼文原文如下:

屋企個姐姐係咁叫我畀佢放假,講到無薪都無所謂。唔係唔畀你放,係原則問題,佢今年啲假期早就用哂,而家突發話想請假,事先一個月冇通知我,話自己聯絡唔到印尼既親人,驚佢地有事想返去搵佢地,但問題係我而家同老公旅行緊,屋企啲寵物要佢照顧,佢走咗邊個照顧佢地,我已經好人答應話我1月返黎香港會畀佢放,佢仲係咁打長途畀我,哭泣住煩住我而家要立即畀佢放,你屋企人有機會離開關我什(甚)麼事!你親人真係走咗到時搞白事自然畀你放啦,而家又唔係死咗只係失踪(蹤),想偷懶就搵藉口理由,平時已經夠懶。

網民大罵僱主涼薄

網民一致炮轟該名僱主,大罵她「刻毒、涼薄」:「咁涼薄既說話你都講得出口」,更有網民留言提醒僱主「個個都有親人架啦」,勸她「做人做事都唔好去到咁盡啦」。

印尼在22日發生海嘯,至今最少造成373人死亡,超過1,400人受傷,目前有128人仍然失蹤。(圖片來源:達志影像/美聯社)
印尼在22日發生海嘯,至今最少造成373人死亡,超過1,400人受傷,目前有128人仍然失蹤。(圖片來源:達志影像/美聯社)

僱主不忿被罵反擊

在得知網民的評價後,僱主不忿被批評,在討論區上與其他網民展開罵戰。她留言指,自己是跟足法例,即使不讓印傭放假也是有理有據。

【印尼海嘯】印傭急請假回鄉尋親 僱主不允:又唔係死咗只係失蹤

僱主其後解釋,平時自己對印傭不俗,每次外出用餐都會帶著她並跟她同枱食飯,只是家中的寵物剛好生病,需要印傭照顧,因此才不允她回鄉尋親。

【印尼海嘯】印傭急請假回鄉尋親 僱主不允:又唔係死咗只係失蹤

僱主最後道歉 並讓印傭回鄉

事件最後由僱主留言道歉而告一段落,她指已安排親戚拿護照給印傭,並讓她放5天假以便尋親。不過僱主在末段指「當我怕咗佢,但佢返到黎(嚟)唔使諗住我有好面色畀佢睇」,令一眾網民擔心印僱回港後的待遇將會比現在更差。

【印尼海嘯】印傭急請假回鄉尋親 僱主不允:又唔係死咗只係失蹤

更多精選內容