陳冠希晒囡囡百萬「玩具箱」網民笑:晒女定炫富

陳冠希晒囡囡百萬「玩具箱」網民笑:晒女定炫富

育兒

廣告

藝人陳冠希自從去年與女友秦舒培誕下囡囡Alaia之後,搖身一變成「晒女狂魔」,經常在社交網上大晒Alaia穿上潮牌潮物的可愛照,可謂有女大過天!近日,佢喺聖誕節晒出囡囡Alaia在「玩具箱」中玩耍的照片,當網民發現該玩具箱的標價超過六位數字,真係即時嚇窒!

撰文:JK | 編輯:Chloe | 圖片:陳冠希 IG、新傳媒資料庫

陳冠希曬囡囡百萬「玩具箱」

陳冠希在聖誕節於社交網上分享女兒的萌照,並留言:「ALAIA’S TOY CHEST(Alaia的玩具箱)。」2歲的Alaia紮著馬尾,抱著熊公仔,並安靜咁坐喺裝滿玩具的箱子中玩耍,可愛指數爆標!

View this post on Instagram

ALAIA’S TOY CHEST

A post shared by Edison Chen (@edcee3000) on

View this post on Instagram

SMILE !!!! IT’S CHRISTMAS !!!!

A post shared by Edison Chen (@edcee3000) on

雖然Alaia愈大愈精靈,但網民嘅焦點卻放喺呢個「玩具箱」上。有眼尖網民發現,Alaia的「玩具箱」可謂價值不菲,該箱是LV 與 潮牌Supreme在2017的聯乘產品「Malle Courrier 90 Red Trunk」,公開發售時定價為美金$68,500(約港幣$540,000),後來被炒上瘋狂價位,甚至有拍賣場以美金$125,000(約港幣$1,000,000)成交,有持續升值空間,被稱為「天價收藏品」絕非無道理!

網民笑:晒囡定炫富呀!

但愛女心切的陳冠希就非常捨得,拿畀囡囡當「玩具箱」用,引來網民「葡萄」留言:「好想當你的小孩。」、「有史以來最貴玩具箱。」、「一個箱子都可以在我們那兒買套房子了,貧窮限制了我的想像力。」甚至有網民質疑,陳冠希此舉不單是晒囡,更是在「呃Like」炫富!

出生名人家庭

陳冠希本身有經營潮牌事業,加上女友秦舒培本是內地超模,同時亦是不少高級時裝品牌的代言人。Alaia因老竇及媽咪生活圈子關係,一出世就接觸不少時尚食物,潮牌、潮物上身可是家常便飯,甚至連玩具箱都可以用上百萬。

View this post on Instagram

JUST CHILLINE

A post shared by Edison Chen (@edcee3000) on

View this post on Instagram

ALAIA’s FIRST BAG @sacaiofficial #sacaigal

A post shared by Edison Chen (@edcee3000) on

View this post on Instagram

#shotoniphonexs SUPREME BEING

A post shared by Edison Chen (@edcee3000) on

View this post on Instagram

BOSS = ALAIA @sacaiofficial @togaarchives

A post shared by Edison Chen (@edcee3000) on

當爸仍不趕著結婚

升呢做爸爸嘅陳冠希,不時大晒湊女日常,慈父樣出晒嚟,同過往「壞男孩」形象有著很大落差。早前,曾在採訪中被問到幾時會同秦舒培舉辦婚禮,佢就大方表示「仲未有有時間」,更認為「結婚就是一張紙」,現在一家人生活開心才是最重要的。

View this post on Instagram

MY CUTIES 😍😍😍

A post shared by Edison Chen (@edcee3000) on

View this post on Instagram

PRICELESS

A post shared by Edison Chen (@edcee3000) on

陳冠希38歲生日 一家人坐旋轉木馬

自從陳冠希做咗爸爸就收心養性,以家庭為先。昨日係陳冠希38歲生日,秦舒培就貼上一家三口到遊樂場大玩嘅相,他們坐喺旋轉木馬,秦舒培拿著手機甜笑,而陳冠希抱著囡囡展露開心笑容,囡囡就未有望鏡頭,但佢個可愛樣,點做都迷死人。

秦舒培貼父女照 賀陳冠希生日

上年陳冠希生日,他和秦舒培到上海,二人雖有工作在身,但仍不望抽空陪愛女Alaia。要B女一齊坐飛機,全因Edison想在10月7日生日當天有女兒陪在身邊!秦舒培更於Instagram大貼陳冠希父女照,並以留言「Happy birthday my man」送上生日祝福。

與陳冠希賀生日的除了女友和囡囡,亦少不了各方好友。在熱鬧的生日飯局中,秦舒培與男友影形不離,相當恩愛。

榮升人父 陳冠希:「以家庭為先」

誰想到情史豐富的陳冠希竟有做爸爸的一天呢?自女友於本年3月誕下愛女Alaia以來,Edison續漸化身成女兒奴,經常替愛女打扮,更一改以往性格,大方與網民分享當爸爸的快樂。一副慈父look的陳冠希對女兒呵護有加,時常親手抱女,他的這一面,相信在Alaia出世前從來未曾嚗光!

近日,陳冠希出席公開活動時,一提到囡囡Alaia就止不住笑意,坦言才離開家一陣子就很想念她。去年剛做新手爸爸的佢,對囡囡照顧都親力親為,佢仲笑言「有時候她(囡囡)拉屎很臭」。

過去性格火爆的陳冠希,似乎因為囡囡Alaia而徹底洗底。佢經常喺社交網站晒囡囡相片,可以看出佢真的是陪著囡囡成長。佢表示,「這種快樂難以解釋」。

被媒體問到是否會跟女兒視訊,佢表示唔希望囡囡太早使用電子產品,希望Alaia未來能多看書,一句話已經透露出佢對女兒的關心和期許。

 

陳冠希慈父上身

Edison更因有咗愛女後,瞬間變成慈父,不時會在其個人社交網「前世情人」Alaia的蹤影。依家的Edison已是個有女萬事足的男人,難怪獲女友封為「最好的爸爸」!

陳冠希帶愛女睇時裝騷

早前,陳冠希(Edison)帶同1歲寶貝女Alaia飛咗去巴黎睇其女友秦舒培行catwalk。從Edison上載嘅相中可見,Edison手抱愛女,唔知係咪見女友出場,Edison笑到四萬咁口,十分開心。另外,囡囡Alaia亦同樣眼定定咁睇場時裝騷,認真識貨!

山長水遠飛到巴黎睇女友行騷,Edison就緊係要影低秦舒培行貓步一刻,拍片擺上網外,仲sweet爆留言叫女友做「MY QUEEN」,放閃指數爆燈。

陳冠希愛女變潮童

現時37歲的Edison自從升呢做老竇後,就變成潮爸。佢當然唔會放過任何一個為愛女Alaia打扮嘅機會。原來喺出席時裝展前,Edison就同Alaia裝身,著上一身潮牌,立即成為真潮童!

Edison更會帶埋女友同囡囡一齊去睇球賽,共享天倫之樂。

 

其實,有Edison呢個潮爸,仲有一個做模特兒嘅媽咪,無論要做潮童定模特兒,都一定係件非常輕易嘅事!

今年3月,二人就為Alaia搞咗個生日派對,囡囡有咁多人錫,真開心!

 

秦舒培首爆二人拍拖經過

時日飛逝,陳冠希與秦舒培已相戀3年,雖然二人仍未簽紙結婚,但已育有一女Alaia。最近,秦舒培就接受傳媒訪問,首度提及二人相戀經過,仲大爆父母對男友Edison嘅印象!秦舒培首先提到自己初次見到Edison時嘅印象,指最初係喺社交平台上見到男友於網上鬧一個部落客!

至於講到同Edison拍拖,秦舒培坦言二人嘅愛情好簡單,就好似只要每天都一齊,做最簡單嘅事情就已經好開心!而且,佢仲表示對方一直都支持自已任何決定,故認為支持係最重要嘅!

佢表示自己當時覺得Edison個人好cool同好真實,所以就被吸引。喺網上鬧部落客又真係唔係個個都敢嘅,敢言嘅男人喎,難怪佢對Edison嘅第一印象唔錯啦!

之後,秦舒培喺一個時裝周活動上,透過朋友認識到Ediosn。經過一段日子嘅互相了解同認識後,就覺得對方係一個好有趣、好細心同好聰明嘅人。果然,搵到個識得所賞自己嘅人,所有嘅優點都會不停無限地被放大!

相信唔少人都記得當年Edison喺香港爆出嘅淫照風波,原來當時秦舒培嘅好友唔明點解佢會同Edison拍拖,同時亦受多方嘅壓力,但依然無阻二人相戀!

秦舒培曾遭父母反對

另一方面,父母亦接受唔同個女同Edison拍拖,但秦舒培指為咗改變父母對男友嘅印象,迫佢哋去美國見男友,並強調父母慢慢開始接受Edison,而成件事亦好自然,仲話男友亦有做特別嘢嚟討好父母,但就冇講到係啲咩。

陳冠希女友生日甜蜜留言

早前是陳冠希女友秦舒培的生日,陳冠希在社交網站上載秦舒培在生日蛋糕面前許願的照片,更留下愛的宣言「生日快樂我的另一半!我的另一半、我的寶貝媽媽、我的靈感,你讓我完整,我每天感謝上帝讓我擁有妳!」還大讚秦舒培是「最可愛」!超閃呀!

自從去年三月,Edison與秦舒培誕下囡囡Alaia之後,兩人經常在社交平台上載照片曬恩愛。