陳奕迅係御用攝影師 徐濠縈撇甩囡囡滑雪度假
撰文：Sunday Kiss | 圖片：Insatgarm|編輯：K
陳奕迅徐濠縈撇甩囡囡去滑雪
當地只有零下八度，大雪紛飛，不過白茫茫一片才有節日氣氛嘛。兩公婆一身滑雪裝備，非常專業呢。
兩人和另外兩位朋友一起出遊，四人坐上登山滑雪專用吊車上雪山。
兩公婆一起去旅行，陳奕迅當然成為老婆的御用攝影師。徐濠縈也大曬老公視角的美照，型格又得，可愛路線都得。真係只有老公揸機先見到阿徐咁嘅一面！
康堤拍拖 開通媽咪開綠燈
早前Eason陳奕迅同徐濠縈嘅獨女康堤，被周刊影到同男朋友仔十指緊扣，Sweet Sweet 一齊拍拖行街。組成徐濠縈出席公開活動，心情超靚！被問及對囡囡拍拖有咩睇法，阿徐表示一早已知道康堤拍拖，仲話：「都已經中三，有鍾意嘅人好正常！」
Eason同阿徐由拍拖到結婚，一齊經歷咗22年，唔覺唔覺，康堤都14歲喇！大個女，最近仲被周刊影到有個男朋友仔，仲成個「嫩版彭于晏」咁款！
今日（21/11）阿徐出席公開活動被傳媒包圍，問佢對康堤拍拖有咩睇法。阿徐心情勁靚表示，有好多朋友都有send 報導畀佢睇，佢冇嚇親，因為佢一早就知康堤拍拖，仲話傳媒竟然咁叻收到風，因為個女唔畀Daddy Mummy睇佢打波，連喺邊度比賽，佢哋都唔知。
阿徐亦都話，康堤已經讀中三，呢個年紀拍拖，同有鍾意嘅人都好正常。仲讚個女嘅男朋友仔都幾靚仔，康堤同佢一樣咁有眼光。希望傳媒朋友錫住佢哋，始終對方唔係藝人，學生哥都唔習慣上鏡。
做媽咪嘅亦都有為個女着想，所以成日都提醒康堤要小心，唔好着校服去拍拖，喺公眾場合要檢點啲。
阿徐話已經見過康堤個男友幾次，Eason就未見過，不過睇佢個樣咁開放，都應該唔會有咩意見嘅。Eason早前喺節目上透露過，自己嘅初戀係12歲嗰陣，喺英國讀書嗰陣發生嘅，對方係一個來自直布羅陀嘅少女。
阿徐話最搞笑嘅係，反而係啲朋友話接受唔到，因為喺佢哋眼中，康堤仲係個好似「梁浸浸」咁細個嘅小朋友，但係其實康堤已經係個有唔少心事嘅少女啦！
