回顧2018年娛樂圈10大喜事

撰文：Kamen | 圖片：Instagram、Facebook

1.鍾欣潼（阿嬌） 賴弘國

鍾欣潼（阿嬌）與台灣醫生老公賴弘國（Michael）於12月18日在尖沙咀海旁簽紙註冊結婚，而12月20日一對新人在尖沙嘴的The Ritz-Carlton Hong Kong擺喜酒宴請親朋，穿上Deep V復古婚紗的阿嬌勁騷事業線，高貴又美艷，真係索到噴汁！而兩位主角也應記者要求咀嘴，場面幸福又溫馨，再次恭喜阿嬌！

2. 黃翠如 蕭正楠

蕭正楠在今年台慶頒獎禮，講出一句:「多謝我太太黃翠如!」自我引爆公開婚訊,被指騎劫頒獎禮,蕭生蕭太風頭蓋過視帝視后。沒有華麗的婚禮,沒有親友同行見證,二人在新西蘭鄉郊簽紙結婚,用餐具捲成的婚戒是在當地農夫市集臨時買，真係超級sweet！

3.鄭嘉穎 陳凱琳

相愛3年，2018年8月12日，49歲鄭嘉穎無懼地環威脅，終在峇里迎娶年輕22年嘅陳凱琳，二人今日喺印尼峇里Bvlgari Resort Bali The CHAPEL舉行婚禮，婚禮上滿載幸福的眼淚！場面感人，大家隔住個芒都感覺到幸福滿瀉！而陳凱琳11月22日亦喺ig宣佈懷孕，49歲鄭嘉穎榮升爸爸，12月更宣布Grace一索得男！恭喜晒呀！

4. 陳展鵬單文柔

41歲陳展鵬與28歲單文柔拍拖兩年，9月10日，陳展鵬突然發聲明及婚照，宣布婚訊。雖然拍拖初期，展鵬曾否認戀情，但其實早已視單文柔為結婚對象。10月13日就係陳展鵬單文柔結婚嘅大日子！而婚後一個月就喺社交網站宣布「Baby is coming」，並留言，「2018年真是一個難忘嘅年份，我又再多咗一個身份啦！期待你嘅來臨。」單文柔留言，「期待小豬比的來臨。」陳展鵬嘅老襯兄弟陳山聰都有留言恭喜，而有不少網民都笑佢哋「原來係有左先結」；「奉子成婚」。不過點都好，都係開心事，恭喜晒！

5.王祖藍 李亞男

王祖藍同太太李亞男結婚3年，一直Keep住甜蜜！今年7月宣佈造人成功，12月22日冬至當日小祖藍就出世啦！王祖藍和李亞男同一時間，係IG公布B女已經出世，分享一家三口拖著手既相，但未有揭盅BB囡究竟似爸爸定媽媽。王祖藍古惑表示，「個樣太似我，所以唔俾你睇」，而媽媽表示，「我們很高興地宣布，Gabrielle是我們收到的最好的聖誕禮物！對我們三個人來說，2018年真的是特別的一年。」更祝大家冬至快樂！

6. 陳柏宇符曉薇

陳柏宇(Jason)去年7月2日跟拍拖5年的女友符曉薇（Leanne）結婚，早前突然宣佈陀B喜訊。9月25日陳柏宇在IG晒出一家三口合照，開心宣佈太太順利誕下B女！自從囡囡出世後Jason眼中只剩下前世情人，瘋狂影低囡囡搞鬼表情同大家分享，又不時整蠱個女，有網民「統計」過自囡囡Abi出世十幾日內，Jason已瘋狂上載近50個Posts。真真正正嘅晒女狂魔！

7. 鍾嘉欣

鍾嘉欣今年三月宣布再度有喜，9月時於Instagram 發佈相片，公佈自己囝囝出世喇！嘉欣表示囝囝重7磅14安士，樣子極似爸爸！嘉欣喺錄音表示，囝囝Jared係個「大B」，一出世就好多頭髮。家人都話BB好似同家姐Kelly餅印一樣。自己今次選擇咗在家產子，得到專業嘅助產士支援，所以好安全咁生BB。成個生產過程，都好順利，絕對係畢生難忘的經歷。

8. 余文樂王棠云

余文樂去年12月與台灣女友王棠云結婚後，今年5月升呢做爸爸。自兒子余初見（Cody）出世以來，奶爸余文樂有仔萬事足，不時於社交網曬湊B日常。

9.張栢芝

38歲張栢芝11月傳出在香港養和生下第3胎，12月17日她透過張柏芝工作室證實喜訊：「張柏芝已於11月誕下第三子。」

張栢芝微博內容如下：
「親愛的影迷朋友、媒體朋友、合作夥伴，工作室非常開心地代表柏芝分享一則喜訊：張柏芝女士已於11月誕下第三子，母子均安。孩子與家人是柏芝一直以來守護的最重要的人，在接下來的日子裡，柏芝會全力為三個孩子創造更加優越的成長條件，同時也會努力帶來更好的作品。」最後更說，「小王子」滿月了，感謝大家的關心與祝福！

10.黎明

黎明和前助手Wing於2018年4月22日與女友誕下女兒，榮升爸爸。8月時黎明終於在個人Facebook上正式公開女兒的正面照，被網民大讚好可愛！