傳與張栢芝復婚 謝霆鋒親證:感情生活穩定

傳與張栢芝復婚 謝霆鋒親證:感情生活穩定

藝人張栢芝上月突然宣布誕下第三胎,孩子爸爸網傳版本眾多,有傳是65歲新加坡富商、內地富豪。日前更爆出BB生父是前夫謝霆鋒,更有消息指謝霆鋒已跟王菲分手,跟栢芝將於下月復婚。

外界眾說紛紜,而柏芝亦未公開回應。今日,謝霆鋒就罕有喺微博發長文親自回應解畫。

撰文:Chloe | 圖片:張栢芝微博、新傳媒資料庫、謝霆鋒微博

謝霆鋒親證:「感情生活穩定」

近日,更有消息指張栢芝已為剛滿月不久的細仔改名「謝振天」。較早前,有傳謝霆鋒與栢芝復合的消息再被瘋傳。

 

謝霆鋒今日在微博發文,表示聽到關於他和王菲分手、張柏芝第三胎生父等傳聞,感到匪夷所思、令人咋舌。他留言親自回應:「本人感情生活穩定,我亦只是Lucas及Quintus的爸爸,亦必定會盡心盡力做好這爸爸的責任」

霆鋒用158字親自解畫,指與王菲依舊穩定交往中,與前妻張栢芝第三胎孩子沒有關係,更懇求大家停止傳播謠言,仲話「以後不再回應」。

38歲張栢芝證實已生第3胎

38歲張栢芝上個月傳出在香港養和生下第3胎,日前,她透過張柏芝工作室證實喜訊:「張柏芝已於11月誕下第三子。」

張栢芝微博內容如下:
「親愛的影迷朋友、媒體朋友、合作夥伴,工作室非常開心地代表柏芝分享一則喜訊:張柏芝女士已於11月誕下第三子,母子均安。孩子與家人是柏芝一直以來守護的最重要的人,在接下來的日子裡,柏芝會全力為三個孩子創造更加優越的成長條件,同時也會努力帶來更好的作品。」最後更說,「小王子」滿月了,感謝大家的關心與祝福!

向大陸傳媒派發喜餅

栢芝除咗喺微博宣佈第三胎已經滿月之外,更向大陸傳媒派發喜餅,曲奇盒上印有卡通小熊貓圖案,隨盒更附上一張卡通感謝卡,上面清晰可以見到栢芝抱住新生嬰兒,左右兩旁就有兩位西裝骨骨嘅哥哥Lucas同埋Quintus。

有眼尖網民發現呢個「一家四口」圖,係冇「爸爸」個樣。

張栢芝拍片答謝祝福

昨日傍晚時分,栢芝在個人微博上載短片,戴了太陽眼鏡﹑身穿黃色外套的她表示:「今日是我『小王子』滿月,多謝你們祝福和支持,好感謝你們,好感恩上天對我很好,亦多謝我一班好朋友。」片中栢芝精神好好,睇落同未生前完全無分別,沒有之前圓潤,神隱數月嘅栢芝日子似乎過得相當滋潤。

隨後,栢芝再上載下廚片段,留言:「飯點到,吃飯啦」,大秀廚藝 有湯有菜有蝦,還有北菇蒸雞、牛扒等兒子最愛的菜式,確實係個十項全能嘅好媽媽呀!

栢芝心情大靚秀廚藝

產後寫真隨即曝光

隨著產子喜訊公開,網上隨即曝光了一輯栢芝的產後寫真照,只見栢芝身穿白紗,身材似乎完全恢復,狀態甚佳,笑容難掩幸福。

圖片來源:微博
圖片來源:微博
圖片來源:微博

傳為張栢芝富商誕第三胎

38歲張栢芝在上月25日於養和醫院生咗第三胎,而且都係男嬰,BB的父親是一名年過六十歲的新加坡富豪,是當地連鎖飲食集團股東,又擁有一間上市企業。栢芝媽媽數個月前曾在節目亮相時,親口爆料指女兒的新男友是「一位65歲的新加坡富豪」,雖然兩人年齡相差廿十多歲,但卻很會照顧人。

今年4月,在又一城影到栢芝同兩個囝囝行街,當時栢芝穿上鬆身運動褲及波鞋,未見孕味!

張栢芝出山

照片中張栢芝戴著黑超,身穿紅色樽領衫,雙手舉V,面頰明顯較以前飽滿,Bonnie留言表示:「今日小朋友遊樂日又撞到好姊妹Ceci,Quintus愈嚟愈高大靚仔!」據知栢芝當日只係同細仔Quintus到深灣遊艇會,而大仔Lucas就留在家玩電腦。

張栢芝

網友:長黑髪唔補染?

不少網民留言猜張栢芝到底係咪剛剛生完BB,有人話生完冇理由唔使坐月咁快出外,但又有人話栢芝明顯肥咗,而且懷孕嘅婦女為了BB健康多數都暫時唔染髮,而睇睇貪靚嘅栢芝,居然長了一大截黑髪而唔補染。

至於Bonnie就表示相片係得到栢芝同意才上載,又話手上嘅紫色手帶係昨日深灣遊艇會活動才派發,證明係相片係昨日才拍,而不是舊照當新照,仲話冇其他嘢要補充,傳媒有問題就問番當事人!

神隱數個月

據報道又指出,張栢芝為生B保密工夫做足,唔止將Ig、微博嘅個人帳戶全部post刪掉,近數月突然未有在公開場合露面,而早於7、8個月前,仍經常見到栢芝在大埔康樂園會所出現,但最近已不見其影蹤,反而有唔少人在養和見過佢。而最後一次現身是今年5月,她和吳建豪宣傳主演嘅大陸電視劇《如果愛》,當時栢芝著住鬆身裙出席活動,被指刻意遮掩孕味!

自爆2018年要生BB

雖然已經有兩名可愛的兒子,也未有透露有新對象,但今年初,栢芝突然在Instagram揚言要生B:「2018之前必定要生出個BB來,This is my goal!」

而今年3月栢芝罕有地在Instagram貼出一張有男伴出現的游泳照,未知相中男子是否新男友!

而栢芝前夫謝霆鋒早前被傳媒追問是否知道前妻栢芝誕B及跟新加坡富商交往一事,他表示:「我唔知呀。」而對於有傳栢芝再生BB,身為前老爺嘅謝賢向栢芝送上祝福:「我唔知,唔講喇!同我祝福佢!」

更多精選內容