全港三大3D相館  《海賊王》今期最紅!

全港三大3D相館 《海賊王》今期最紅!

香港3D奇幻世界

粉絲必到 全球首個海賊王3D展

粉絲年齡層遍布大人到小朋友的《One Piece》,全球首個3D展選址香港開幕,你話係咪勁先!小編自己都係海賊王粉絲,在公在私都要同大家介紹一下!由即起到七月三十一日,來到香港3D奇幻世界,你可以透過3D錯視效果參與海賊王的各大名場面,影盡3D立體相!場內展出逾三十件3D海賊王作品,逐張影的話夠你玩一個下晝,一齊征服偉大航道!身為長期粉絲,個人推介必影「海賊懸賞牆」、「再見薇薇公主」同埋「火拳艾斯之死」,好熱血呀!

「海賊懸賞牆」
「海賊懸賞牆」
「再見薇薇公主」
「再見薇薇公主」

 

Share靚相有禮

來到這邊影完相相,第一時間「些牙」上網是常識吧。啱喇!參觀完畢後將相片上載至Instagram、Facebook或任何社交媒體平台,並出示已上載照片,即可免費獲得海賊王紀念品一份。而展館為慶祝全球首個《One Piece》3D展開幕,即日至五月廿五日前購票,即可獲贈海賊王精美禮品福袋一個。

「火拳艾斯之死」
「火拳艾斯之死」

 

必搶港版精品

同場加設pop-up store售價限量版禮品。除此以外,六月更會開始售賣官方授權的香港限量版精品,包括有figure、tote bag等等,更會加入香港特色元素,產品造型直到今日都未出街㗎!咪先咪先,咁依家入場咪好蝕?咁又唔會!現階段入場者,可填妥表格登記索取訂購詳情,更加可以優先訂購,咁就無問題啦!

Pop-up store有不少限量版精品,又係俾錢嘅時候。
Pop-up store有不少限量版精品,又係俾錢嘅時候。
限量版精品仲未賣街,想買就記得登記咗先!
限量版精品仲未賣街,想買就記得登記咗先!

海賊王3D場景有幾正?睇吓model Charlotte有幾投入就知啦!

 

香港3D奇幻世界 海賊王3D展
展覽日期:即日至7月31日
時間:10am-10pm
地址:尖東加連威老道96號希爾頓大廈1樓
電話:2721 9720
門票:成人$149,3-11歲小童及65歲以上長者$100
網址:http://www.hk3dm.com.hk

香港3D奇幻世界同場加映

介紹完海賊王3D展,亦不忘為大家介紹一下香港3D奇幻世界的其他部分。室內佔地逾萬呎,空間十足,再多人都冇阻礙冇攝鏡!主題區有五個,打頭陣有兩個以本地景物為主的「現代香港」及「重現香江」,前者展出摩登香港的一面,有金龍飛躍維港上空的英姿、高聳入雲的中銀及地標建築的青馬大橋;後者以老香港生活片段為主題,展出昔日的經典場面,集體回憶一番!

每張畫旁邊都有個小貼士教大家點影,另外筆者建議用手機或DC 仔影已經影得出效果,不需全副武裝帶來。
每張畫旁邊都有個小貼士教大家點影,另外筆者建議用手機或DC 仔影已經影得出效果,不需全副武裝帶來。
2G
(左)要做到爬上中銀扮金剛,竅門在於對齊中間成一直線就得,呢完倒轉即成! (右)「唔該兩串魚蛋!」街坊小食店買少見少,昔日鄰里人情味此中尋!

 

後區畫作抵死過癮

沿路進入其餘而夠玩味的「中華文化」、「浪漫旅程」及「奇想天地」,均由不同題目的視錯畫組成,當中有不少抵死過癮,拍出來的效果有懸浮、借位、跳出及走入畫內等,連天地倒轉的都有,絕對夠大家玩兩個鐘!另外,每張畫邊都小貼士提示大家,如果不知在哪個位置拍攝可亦向工作人員查詢,因為每張畫的高低角度不同,一般在平坦牆身的只要正面拍就可以,如有橫跨兩牆角落的畫,就需要先尋找中線作對稱,但要留意天花射燈多餘陰影!除了立體畫外,場內更會利用3D 投影去虛擬空間,做出「星空」、「鏡子迷宮」及「無限空間」等視覺效果,可謂全面3D 體驗!

奇想天地

呢張尿兜畫算係最受歡迎畫作之一!女士入 男廁如廁的泰國奇景,呢度都有得睇呀!
呢張尿兜畫算係最受歡迎畫作之一!女士入男廁如廁的泰國奇景,呢度都有得睇呀!
把文化中心的立體畫逆時針放,在上面扮原地跑影相,把相轉過來睇,飛簷走壁的畫面輕易拍到!
把文化中心的立體畫逆時針放,在上面扮原地跑影相,把相轉過來睇,飛簷走壁的畫面輕易拍到!
暴龍哥破牆而出的畫面,對齊牆角中線便輕易拍出!
暴龍哥破牆而出的畫面,對齊牆角中線便輕易拍出!

香港3D奇幻世界
時間:10am-10pm
地址:尖東加連威老道96號希爾頓大廈1樓
電話:2721 9720
門票:成人$149,3-11歲小童及65歲以上長者$100
網址:http://www.hk3dm.com.hk

淺水灣超視覺藝術館

全日任影

5A

淺水灣在14年尾開了一間超視覺藝術館,再為立體畫自拍風揭起熱潮!展館佔地兩萬三千多呎,分上下兩層,共展出八十多幅畫作。而且設計團隊國際化,作品出自中美韓等藝術家手中,畫工更見仔細和逼真。選材方面亦夠爆趣,分為六個展區,當中包括「遊遍香港」、「勇進叢林」、「暢遊海洋」、「奇幻視世」、「驚聲尖叫」及「虛擬幻境」等。
在眾多3D 畫作中,有不少是立體布置裝飾,走出平面框架,當中有些景更是一畫可拍出多個效果!館內引入的「擴增實景」裝
置亦是亮點,在感應器前舞動一番,螢光幕中就會跳出3D 河馬、海豚及企鵝等,生鬼有趣,栩栩如生。以成人價$160任你玩足一整日,由開舖玩到收舖都抵玩。

一樓的「遊遍香港區」以本地的地標加上科幻創作,絕對有耳目一新的感覺。
一樓的「遊遍香港區」以本地的地標加上科幻創作,絕對有耳目一新的感覺。
館中較特別的是,有些畫作大到一幅已可以拍出多張不同角度及較果的相,二樓的「暢遊海洋」大到有六至七百呎,最佳例子!
館中較特別的是,有些畫作大到一幅已可以拍出多張不同角度及較果的相,二樓的「暢遊海洋」大到有六至七百呎,最佳例子!
外星勢力如何將model 吸起?其實天外飛仙冇 法力,影完相再順時針九十度睇就得。
外星勢力如何將model 吸起?其實天外飛仙冇法力,影完相再順時針九十度睇就得。

淺水灣超視覺藝術館

時間:10am-7pm(最後入場為6:30pm)
地址:淺水灣海灘道28號The Pulse地庫1-B104號舖及1/F層305號舖
電腦:2617 0008 / 2180 9321
門票:成人$160、小童或長者$110(3至11歲或65歲以上人士)

HeyRelax 3D

工廠區小型3D影樓

呢張尿兜畫算係最受歡迎畫作之一!女士入 男廁如廁的泰國奇景,呢度都有得睇呀!
地方只有尖沙嘴館的三分一,但一樣有一幅夠震撼的三面牆角畫!

趁3D 館的熱潮,工廠區內亦有新搞作,今次位於觀塘區內的「放鬆一下! 3D 相館」,場地約三千多呎,間四間房作為不同區,算是個迷你版,為免太多人令大家影得唔夠「放」,店主亦建議大家先預約時間才摸上門。立體畫方面全部清一色都是立體印畫海報,印刷質量唔差,加上所需動作都是企直為主,高難度動作只有一兩張,所以普遍立體畫影出來效果還好,而且更有大量免費道具借俾大家任影!畫旁亦有真人示範教大家點影,唔識影可以請教駐場的工作人員。冇朋友幫手影相抑或獨愛自拍的,都不是大問題,因為場內仲有「自拍神棍」出租,影高抄效果更是一流!入場起計兩小時,影到一半覺得肚餓,落樓下食個tea 再返上

.影過都得!

場內分開四間房,每間大約四至六幅畫,大 部分都是平面,很易拍出效果。
場內分開四間房,每間大約四至六幅畫,大部分都是平面,很易拍出效果。
上下倒轉嘅畫都一向最有睇頭,不過model 嘅長頭髮反地心吸力穿崩!
(左)上下倒轉嘅畫都一向最有睇頭,不過model 嘅長頭髮反地心吸力穿崩! (右)場內兩幅抵死之作,離不開玩不文風格,距離感及影位做得不錯,簡單手機已可拍出效果。

 

放鬆一下 3D相館 Hey Relax 3D
時間:11:30am-9:30pm
地點:觀塘開源道業發工業大廈2期6E室
電話:5993 5330
收費:成人$148、小童(3-11歲)$98
註:每次限影2小時

 

撰文:Ken、林斌
攝影:Leo、Clay Lam

更多精選內容