【親子好去處】AIA友邦嘉年華  學生免費入場優惠  6大必玩攤位遊戲+充氣彈床+機動遊戲

【親子好去處】AIA友邦嘉年華 學生免費入場優惠 6大必玩攤位遊戲+充氣彈床+機動遊戲

AIA嘉年華開幕咗近一個月,下星期推出(7/1-1/2)學生免費入場優惠,家長同小朋友一齊入去大玩特玩,嬴公仔帶返屋企!

撰文:TLY、Kamen | 攝影:Cliff

學生免費入場優惠

家長只需要帶同小朋友嘅學生證,於指定日期一至五入場,記得入到場要自己買代幣啊!

6大必玩攤位遊戲

一家人去得AIA歐陸嘉年華醉翁之意當然不是機動遊戲,9成人都是瞄準可愛的公仔而去。今年的攤位遊戲和往年差不多,基本上都是掟波、牛奶樽、呼拉圈,有去過的都會有印象,只是公仔款式不同,可說是換了湯不換藥。但今年的公仔就有水準!很多公仔的質地都非常好攬,記者最喜愛就是小飛象!超得意呀!

1. 最易玩!保齡球

記者覺得這個保齡球算是場內最易玩嘅攤位遊戲!而且公仔有小熊維尼和跳跳虎,非常可愛!

2. 小飛象拋牛奶樽

年年都有嘅拋牛奶樽!雖然非常難玩,但係小飛象公仔質地非常好,值得玩!

3. 運氣大晒!乒乓滾下

呢款乒乓滾下嘅遊戲完全係睇運氣!禮物超吸引係圓咕碌嘅迪士尼公仔,超級好攬!

4. 電流急急棒 考驗耐性

人人都玩過嘅電流急急棒!最考大家耐性,千祈唔好心急呀!樹懶公仔超級可愛,往年無見過,絕對值得挑戰!

5.桌上沙壺 需要技巧!

這個桌上沙壺遊戲,運氣成入低,只要掌握到力度控制,就可成功。遊戲的獎品夠高質,玩法簡單,性價比高!而且獎品係大家都鍾意嘅布魯托同大鼻與鋼牙,可愛到不得了!

5.

6. AIA常客!杯中物語+怪獸公司

這款遊戲年年都有,大家應該不會陌生!不過今年獎品換上怪獸公司嘅毛毛同大眼仔,超級高質!

小朋友必玩!充氣彈床+滑梯

AIA嘉年華當然有充氣彈床同滑梯!簡直係小朋友必玩,今年充氣彈床佔地好大,小朋友可以瘋狂彈彈彈!

大膽小朋友必玩充氣滑梯

雖然係小朋友遊戲,但係都幾快!大膽小朋友必玩!

2大超刺激機動遊戲

Mach 5 係大膽朋友必玩嘅機動遊戲!刺激度超高,記者覺得玩嘅時間太短,有點可惜呢。

Atoms Fear 洗衣機亦係大膽朋友必玩嘅機動遊戲,360度轉足3分鐘,記者落地都腳仔軟!

友邦嘉年華門票售價:

成人:130港幣入場券包10代幣;50港幣入場券

兒童:90港幣入場券包7個代幣;50港幣入場券

The Great Circus of Europe

雜技團演出日期:2018年12月14至2019年2月17日
雜技團門票:
普通門票$150、標準門票 $200 、特選門票 $250、貴賓門票$400

AIA友邦歐陸嘉年華2018

門票:$50(成人門票)/$130(成人門票、包10個電子代幣);$50(小童門票)/$90(小童門票、包7個電子代幣)

更多精選內容