BB衫四散一地!吳雨霏怒斥五星級酒店服務差

BB衫四散一地!吳雨霏怒斥五星級酒店服務差

歌手吳雨霏(Kary)係2015年同網球手洪立熙結婚,加上仔仔Asher出世之後,就已經好少現身幕前。近日佢哋一家三口就去咗澳洲旅行度假,但點知遇著不愉快事件,令Kary係Instagram到鬧爆酒店!

撰文:Kammy | 圖片來源:吳雨霏Instagram

到澳洲避寒

近日Kary一家三口去咗澳洲旅行,早前仲不停上載家庭照到社交網站,睇相都覺得佢哋玩得開心呀!

吳雨霏

吳雨霏

吳雨霏

BB衫四散一地

點知就發生咗酒店事件,令Kary忍唔住要係社交平台到投訴。Kary係貼文到列出三項投訴:首先係投訴房間嘅清潔太差,仔仔啲BB衫畀人攤晒喺地下,四散一地,而且紙巾又鋪晒喺枱面,拖鞋又四散等;第二,當Kary要求服務時,竟然要佢等咗半個鐘!

吳雨霏

第三,Kary話本來有個包裹會寄到酒店,但因為佢哋一家已經離開咗個地方,所以叫酒店唔使簽收同畀返郵局,但點知最後酒店都簽收咗,仲拒絕佢寄返去香港嘅要求。另外,當Kary想同總經理投訴咁差嘅服務態度時,工作人員仲一口拒絕,而且唔畀佢哋同任何人講!令Kary都忍唔住要講一句:「WHAT KIND OF 5 star hotel is this???(呢間係乜嘢5星級酒店呀?)」。

吳雨霏

雖然事件令Kary好嬲,但事件一出,有唔少人都話肯幫佢帶返個包裹返去,令佢覺得好幸福即刻開心晒!

Kary上載酒店房間混亂情況到社交平台
Kary一家三口去澳洲避寒

更多精選內容