【親子好去處】全新屯門公園共融遊樂場 7米高攀爬塔+玩水又玩沙

【親子好去處】全新屯門公園共融遊樂場 7米高攀爬塔+玩水又玩沙

今次介紹嘅呢個公園,係2018年12月最萬眾矚目、期待、香港最正嘅共融遊樂場-屯門公園共融遊樂場!亦因為佢係萬眾矚目、個個都超期待去玩,所以公園日日都經常爆滿。呢到又有水玩、又有沙玩,亦係全香港最新穎嘅設計。顏色又色彩繽紛,大人細路睇見都開心。

撰文、圖片:和牛媽媽(授權轉載)| 編輯:K

全新屯門公園共融遊樂場

共融遊樂場仲分為「南」、「北」兩個部分,合共七個遊玩主題區,北面係以水中荷花為主題,提供玩水區、高高低低嘅小山丘區、彈床、音樂小玩意如敲擊樂器和鼓等。而南面就以爬蟲動物為主題,設有唔同高度、唔同款式嘅攀爬架、滑梯。仲有沙池玩「掘蛋」,場內最吸引嘅當口唔少得鞦韆區,因為除咗有傳統鞦韆之外,仲有三款好特別嘅韆鞦,包括搖籃型鞦韆、座椅型鞦韆及親子型。

北面遊樂區

「光影荷花」可以控制花灑裝置嘅水流同流速,另外仲有嬉水平台。不過踏入冬天,對玩水嘅意慾大大降低咗。要等天氣回暖、熱返啲先再玩過。

「山丘地帶」高高低低嘅小山丘,可以訓練小朋友身手。

今次亦係第一次見香港嘅公園有戶外嘅免費彈床玩~

南面遊樂區

「爬上爬樂」呢個設施絕對係挑戰膽量、訓練手腳肌肉嘅遊戲組。7米高嘅攀爬塔,設有兩條高低、款式不同嘅滑梯組。

而成個攀爬塔大部份樓梯都係以繩網作為樓梯,訓練小朋友膽量及手腳肌肉。

超刺激5米高吊橋

攀爬塔設有兩組滑梯,一組水管滑梯及紅色膠滑梯。

必玩水管滑梯

雖然係膠滑梯,但係超高速~~

除咗水管滑梯之外,公園入面仲有另外嘅特式滑梯。


不鏽鋼滑梯,滑梯唔算好滑,所以都好安全。

滾筒式滑梯,就算係傷健嘅小朋友,都可以坐住輪椅體驗玩滑梯嘅樂趣。

鞦韆區,引入三款特別嘅鞦韆。

座椅型嘅鞦韆,仲附有安全帶。

親子型嘅鞦韆

搖籃型嘅鞦韆


當然唔少得傳統嘅鞦韆啦

氹氹轉嘅遊戲,呢款亦係為傷健小朋友而設,佢哋可以坐住輪椅玩氹氹轉。

氹氹轉繩網陣

沙池及沙台,如果想玩沙記得要自備玩沙工具,仲有拖鞋呀~

訓練身手嘅繩網陣

色彩繽紛嘅卡通牆,有幾組旋轉遊戲~

充滿傻氣~超可愛呀~


仲有與音樂有關嘅遊戲版。

公園嘅設計除咗好玩之外,亦為傷健小朋友多加一點關愛。
去玩嘅時候,記得要互相關愛,因為香港根本無一個合適嘅公園俾傷健小朋友去玩。


聽說每日都好多人,所以想玩得舒舒服服唯有早少少去公園啦…
當日去到公園,公園都好乾淨,仲不時見到有清潔工人掃地、清潔。
不過,呢到係公眾地方,記得玩完之後要帶走自己嘅隨身物品同埋垃圾呀。

放假我哋還是喜歡帶小朋友四圍去玩,出去遊玩、見識。

屯門公園兒童遊樂場 (近友愛村)
逢星期一7am – 1pm暫停開放,(進行場地保養工作)。
**如星期一為公眾假期,保養工作將順延至下一個工作天進行

作者介紹

和牛媽媽

在職媽媽分享我的育兒心得、假日好去處、自製教材小玩兒及幼兒食譜。

Facebook專頁: 和牛B的成長日記

http://www.facebook.com/80smami/

http://www.instagram.com/wagyubmami/

更多精選內容