【日本親子遊】大阪批街松屋町買玩具 多款玩具大平賣!

【日本親子遊】大阪批街松屋町買玩具 多款玩具大平賣!

【日本親子遊】日本東京玩具批街「蔵前」就經常去,但大阪玩具批街,還是第二次來。「おもちゃ問屋」(玩具批發街) 松屋町,我們來了!!

撰文、圖:大仁生活 |編輯:Sunday Kiss

乘大阪市高速電動軌道長堀鶴見綠地線至松屋町站,找1號出口,便已經是玩具街。

在街角便有一間很大間的玩具屋,當中擺滿不同的大大小小玩具,如果是買來作抽獎禮物就非常不錯。

Minions Tee 有2-3款,各 468Yen。

Minions 擦膠 一大袋也只是 864Yen/25粒。

SY對這隻小暴龍162Yen 很有興趣,他說:「爸爸,我表演魔術,你睇,隻恐龍就會生好多波波出嚟!」

我最愛就是店舖將全部的卡通面具掛在牆上,每個324Yen…幪面超人、叮噹、戰隊、Hello Kitty 所有朋友…

百變小櫻、 Starwars、妖怪手錶、Mario、鹹蛋超人…總之你講得出的也有,我覺得買來做手信一流!

38mm彈彈波 2117Yen/100個,阿太:「嘩! 除返開,$1.5一個都唔洗,原來咁平」(但一買就要買100個喎,邊到有咁多位擺?)

在店的大門口放滿各式煙花(108Yen起),阿太:「最衰香港唔可以放煙花啦!!」(係囉! )

不過,批街也不是間間店舖會做零售的,部份只係批發的店會在門外貼出告示。不過,如果你只是入店內參觀也是歡迎的。

而在批街中,我們逗留得最耐的就是這間「食玩王國」。

這簡直就是阿太的天堂! 阿太:「嘩!好多Re-Ment呀!全部都有75折喎!」(75折又點,我諗你9成都買晒啦!)

突然有人狂叫:「哎呀!原來依個架做大特價,全部都係1500Yen…呢盒我本來唔想買,依家咁平,一定要買啦!盒Kitty都一定要買,唔買對唔住自己…」

SY:「爸爸!我都想買Minions 朱古力蛋(1500Yen) ~」(雖然,不是大特價,但都平過超市,買埋啦!)

其實,店的另一邊也有Bandai的食玩,不過食玩戰隊模型我已經沒有時間砌了, 所以還是看完放回原處好了。結果,更喜出望外的是,老闆在結帳後還送了一本介紹Hello Kitty食玩的特刊給阿太,有人開心了全日!

更多精選內容