【無敵雞翼】食到舔舔脷派對小食 6大雞翼食譜

【無敵雞翼】食到舔舔脷派對小食 6大雞翼食譜

雞翼是香港人至愛食材,煎炸炒炆焗,煮法點止72變!臨近新年,節日開Party必定會見到「無敵雞翼」!雞翼其實好多種烹調方式,以下6款雞翼食譜,簡單易整又滋味!

撰文&圖片:妹豬媽、小肥子星球、小小豬Kinsey、Love Kelly’s Kitchen | 編輯:Chloe

1.香烤風味雞翼

【食譜】自家製 健康少油聖誕派對小食

材料:

雞翼 6-8隻

海鹽 半湯匙

黑椒 適量

乾百里香碎 2湯匙

迷迭香 2棵

蜜糖 適量

做法:

1.雞翼洗淨, 用廚房紙吸乾雞翼表面水份,迷迭香取葉子部份,切碎。

2.將雞翼放入碗中, 加入乾百里香碎,海鹽 及 黑椒撈勻, 用保鮮膜包好,醃製4小時或以上。

【食譜】自家製 健康少油聖誕派對小食

3.將雞翼放入炸籃,撒上已切碎的迷迭香,放入健康空氣炸鍋,以180度焗7-8分鐘,拿出將雞翼翻面, 再焗7-8分鐘。

【食譜】自家製 健康少油聖誕派對小食

4.將雞翼拿出塗上蜜糖, 用180度焗3-5分鐘,完成。

【食譜】自家製 健康少油聖誕派對小食
健康空氣炸鍋烹飪雞翼

小貼士:

1.雞翼醃製時間越長越好,可以醃過夜。

2.焗雞翼時連香草一起焗,風味更佳。

3.健康空氣炸鍋烹飪雞翼,Twin TurboStar 高速熱空氣循環技術可逼出食物本身多餘油分,輕鬆製作少油健康小食。

首創的脂肪脫離技術,烤焗食物同時減少肉類本身的脂肪。
輕鬆製作少油健康小食

2.鹽麴柚子單骨雞翼

又係家中萬能醬出場!鹽麴相比鹽醃, 鹹度較底,食落健康!今次加埋柚子醬,酸酸甜甜好醒胃,小朋友餸飯一流,唔使次次整蜜糖雞翼咁悶呢!

1
鹽麴柚子單骨雞翼

材料:2-3人份量
雞翼 12隻
薑汁 1湯匙
鹽麴 2湯匙
柚子醬 1湯匙
水 1湯匙

做法:

螢幕快照 2017-03-20 下午2.21.28

雞翼洗淨,用廚房交剪將骨與骨之間剪開一半,成單骨雞翼。

螢幕快照 2017-03-20 下午2.21.44

將薑汁及鹽麴放入單骨雞翼醃30分鐘。

螢幕快照 2017-03-20 下午2.22.13

準備醬汁,水及柚子醬勻均,備用。

螢幕快照 2017-03-20 下午2.23.02

醃好後,將單骨雞放上牛油紙焗盤,用180度焗15分鐘。

螢幕快照 2017-03-20 下午2.23.14

 

15分鐘後,柚子醬搽上單骨雞再焗5分鐘完成。

螢幕快照 2017-03-20 下午2.23.29

(左)鹽麴,(右)柚子醬

IMG_3898

TIP:

1.如不想用焗爐,可用光波爐,空氣炸鍋及明火煎熟都可以,最後搽加上柚子醬汁完成。

3.一口叉燒汁小雞槌

材料:

有機小雞槌 10隻
叉燒醬 2湯匙
玫瑰露酒 半茶匙
蜜糖 適量

做法:

小雞槌買返來洗淨,吸乾水份,備用。
現後將雞槌頂圍邊剪去筋部(紅色圈),使⻣及肉徹底分離。
剪去筋部後,容易地用手推下,之後反轉完成。

用密實袋放入叉燒汁及玫瑰露酒均勻。
之後放入有機小雞槌均勻,醃2小時。
醃完後小雞槌放上焗盤涼架上。
包上錫紙,防止食時手沾上醬汁。
180度焗15分鐘,5分鐘後搽上蜜糖再焗多1分鐘,完成。

 

Tip:

1.若不用有機小雞槌,亦可用雞翼也可,但要加海鮮醬半茶匙及少少鹽來醃先入味,也非常美味的!

4.惹味香口日式手羽先

opening

材料:2-3人份量
雞中翼 6隻
芝麻 適量
紫菜碎 適量

醃雞翼:
粟粉 適量
海鹽 適量
薑汁 2茶匙

汁料:
萬子鼓油 2湯匙
料理酒 2湯匙
味淋 2湯匙
糖 2茶匙

做法:

螢幕快照 2017-02-07 上午9.46.07
將雞翼洗淨抹乾。
螢幕快照 2017-02-07 上午9.46.33
灑上適量海鹽及薑汁,醃25分鐘。
螢幕快照 2017-02-07 上午9.47.02
用保先袋放入粟粉及雞翼。
螢幕快照 2017-02-07 上午9.47.18
將雞翼薄薄地撲上粟粉。
螢幕快照 2017-02-07 上午9.47.30
將所有醬汁煮滾。 (請記煮醬汁時,糖煮溶立即熄火,放涼備用。)
螢幕快照 2017-02-07 上午9.47.49
用木夾試油溫,出現泡泡就放雞翼炸。
螢幕快照 2017-02-07 上午9.48.04
雞翼炸到金黃完成。
螢幕快照 2017-02-07 上午9.48.16
搽上已煮好的醬汁。
螢幕快照 2017-02-07 上午9.48.29
灑上芝麼及紫菜碎完成。
IMG_2360
如喜愛辣,可以加黑楜椒及辣粉,都惹味可口。(辣味我分開落)

TIP:煮醬汁時,請記唔好用大火煮,因有料理酒容易煮途中着火。

5.自家製 簡易版瑞士雞翼

今次整唔駛汆水….唔駛煎….唔使醃….用浸焗方法,整出肉滑而皮彈瑞士雞翼,簡單到不得了!平時做餸,仲可以當 派對食物 ,大人細路都鍾意食!

材料:

雞翼 13隻
鉅利高級醬油 100ml
雞湯 250ml
冰糖 65g
玫瑰露酒 1茶匙
薑 2片

做法:

將醬油,雞湯,薑,玫瑰露酒 及冰糖大火煮滾。
冰糖煮溶後放入雞翼。
見到汁料再次煮滾立即放蓋。
大火煮3分鐘。
3分鐘後熄火,請不要開蓋,焗佢15分鐘。(用焗浸方法,令雞翼必滑. )
15分鐘後,用刀篤一篤佢冇血水就完成。(如果有血水就浸多幾分鐘)

Tips:

1.用完的汁我會留起再用,方法是汁料凍了會浮白色的油係面,我會用小匙刮走,然後放入保鮮袋或食物盒放入冰格。(其實當作滷水一樣保存期冇限,最重要放冰格沒有變壞就可以,我就用到1年左右就唔要。)
2.除了瑞士汁做雞翼,可以做瑞士汁炒河,烏東,意粉,滷日式蛋等等都好好味!(所以汁可以留起再用,越留得耐越好味。)
3.如果買不到鉅利醬油,可以係超市買的瑞士汁或自己調好瑞士汁味到,用我的方法大火3分鐘,浸焗15分鐘都做到滑的感覺。
4.浸焗時瑞士汁沒蓋過晒雞翼,記得浸焗10分鐘左右,開蓋快手反一反雞翼,令雞翼上色均勻及入味。

5.浸焗雞翼15分鐘後,用刀篤一篤如冇血水就完成。(如果有血水就浸多幾分鐘,因視乎雞翼多少,煲的溫度有所不同。)

極力推介:

呢間經營超過半世紀的醬園,專門釀造調味醬油、豉油等等,豆香味濃,所以醬油用來做瑞士雞翼一流,夠濃夠色夠味,連蘇絲黃都曾經推介過。 平時要灣仔鵝頸橋鉅利醬園店先買到,點知係我樓下家雜貨店有得買,真係開心到發瘋!用咗佢唔會買其他產品。

6.蘋果蜜糖芥辣雞翼
蘋果蜜糖芥末雞翼

材料:
小蘋果一個
蜜糖芥末適量
雞翼五隻

做法:
1. 先將雞翼洗淨,用剪刀剪開兩條骨
2. 蘋果去皮肉攪拌成蓉
3. 將雞翼撈蘋果蓉和蜜糖芥末醃一晚
4. 將雞翼放焗爐焗20分鐘180度即成

更多精選內容