【生B經歷】宮縮愈來愈強烈  順產媽用晒笑氣止痛針都無法止痛

【生B經歷】宮縮愈來愈強烈 順產媽用晒笑氣止痛針都無法止痛

妹妹都就黎3個月大喇,仲趁住有記憶好好回顧一下,生妹妹時嘅經歷。

撰文、圖片:駿琳mama育兒生活札記 編輯:YIU

2018.10.10 40週4日

臨天光個肚開始攣攣下,想訓又訓唔到。就淨心再諗會唔會係宮縮,就用app計下。計左差唔多1個鐘,開始頻密左。大約15分鐘痛一痛。

於是乎拍醒老公:「唔知今次係唔係。。。真」

擾攘左一大輪,又諗緊駿哥哥比邊個湊好。打比公公先,公公剛收工回家。

我:「可能要幫手湊駿駿,應該今次真係。」

公公:「好,向邊等。就西鐵站喇!」

我:「叫爸爸推B車過黎同駿番去屋企(娘家)」

坐的士到醫院

電話掛斷了,又臨急臨忙,執好晒駿哥哥既走佬袋🤣比爸爸,帶駿駿去西鐵站。快。。。。就趁呢個時間,拿拿臨沖過涼。爸爸番到黎就即係執晒走佬袋落街截的士去醫院。野都冇食‌!個段時間係番工番學時間,截車都用左一段時間。加上住既屋苑甚少的士,多數都要call車。終於都上到車喇,個肚又痛得密左,仲開始大痛起黎。而家的士多數都有cam影住(諗番起都覺得勁樣衰)

更多精選內容