【新年親子好去處】LEGO賀年5大打卡位登陸太古 落手試砌LEGO豬仔風車

【新年親子好去處】LEGO賀年5大打卡位登陸太古 落手試砌LEGO豬仔風車

年~又過年~講到新年緊係要同親人食餐團年飯、行花市!今年新年期間太古城聯同LEGO打造賀年場景,比大家進入LEGO世界同屋企人食團年飯。場內有5大打卡位,仲有3個小工作坊比大家試砌LEGO!實行有得影有得玩!

撰文:Kamen | 圖片:Chloe、Kamen

LEGO賀年5大打卡位登陸太古

今年新年期間太古城聯同LEGO打造香港人專屬賀年場景,場內有5大打卡位,記者帶大家去現場睇吓有咩必影場景!

屋企食團年飯

LEGO家族準備同大家食團年飯,等緊你埋位呀!

另一邊有睇緊電視嘅爸爸,大家亦可以行埋去陪爸爸睇電視!

舞龍表演

新春舞龍係香港嘅新年特色!賓客可以成為舞龍隊的一份子,參與這項傳統活動,必影呀!

年宵市場-花店

場內2邊有各種年宵市場嘅攤位,大家可以去到花店睇花,啲花都係LEGO砌成!

年宵市場-揮春店

電影院

場內亦有LEGO電影院,有「員工」幫大家買飛,兩側仲有LEGO人仔「二次創作」嘅電影海報!

3大迷你工作坊落手試砌新年主題LEGO

場內有3個迷你工作坊,大家可以免費落手試砌新年主題LEGO,小朋友一定玩得好開心!

福氣年年風車豬

財運亨通元寶

新一年生肖主角小豬

參加完工作坊,大家會有一張換領券,只要於指定店舖購買任何一樣LEGO玩具就可以免費換新年版LEGO。

自編自導製作 LEGO 人仔定格動畫

喺電影院後方,大家可以嘗試製作 LEGO 人仔定格動畫,有創意嘅大小朋友必玩!影片仲會send返比大家!

Cityplaza x LEGO®: 整整「砌砌」過新年

日期:2019 年 1 月 18 日至 2 月 19 日

時間:中午 12 時至晚上 9 時正

地點:太古城中心二樓中橋

 

更多精選內容