【新年親子好去處】跟胡迪去迪士尼過豬年 新春活動勁好意頭!

【新年親子好去處】跟胡迪去迪士尼過豬年 新春活動勁好意頭!

大家好,我係Sunday Kiss嘅特約記者胡迪!一年一度嘅農曆新年又就快到喇,我梗係要同我班Friend拜年啦!由即日起,香港迪士尼樂園度假區有一連串嘅新春慶祝活動,有好多賀年食品!而今年最矚目嘅,一定係可以同著咗全新賀年服飾嘅米奇同其他迪士尼角色影相!為咗迎接豬年來臨,今年仲有三隻小豬出嚟同大家見面㖭!

撰文:胡迪 |圖片: Joanne、Kammy

迪士尼角色著全新賀年服飾出場

今次一入園區,就有好多迪士尼角色朋友嚟迎接我,米奇、Cookie 同Duffy都著咗全新賀年服飾出場,真係好開心呀!米奇仲畀咗個好大嘅驚喜我,佢竟然搵到《三隻小豬》嚟,我梗係要捉住佢哋影相啦!

米奇、Duffy、仲有Cookie 都著咗全新賀年服飾出場!
係《三隻小豬》呀!!!

原來唔止咁呀!仲有成日扮鬼扮馬嘅高飛!上次見佢扮聖誕老人,今次就會扮財神,每日仲會喺廣場舞台表演者兩次,大家可以聽住賀年歌曲睇佢跳舞,千祈唔好錯過喇!

多款賀年佳餚

影完相肚仔餓,梗係要去食飯啦!今次樂園同酒店推出共60款賀年食品,選擇多到唔知食咩好!如果要我推介,一定必食呢個「撈起」,因為寓意風山水起、富貴好運,上面又有三文魚食,啱晒我!

有好多三文魚呀!
一個字「正」!

為咗迎接豬年,點少得豬仔樣嘅奶皇包同叉燒包,睇吓佢幾得意,梗係要相機食先啦!

仲有新春富貴全盒,有布甸、有包、有鮑魚,仲有其他賀年小食,大人細路都啱食!

新年之後,好快就到情人節,今年香港迪士尼樂園推出咗多款情人節晚餐,一Set入而有4個菜式,但好可惜今次牧羊女去咗拍電影,冇得撐枱腳,我唯有自己食其他嘢啦…

影張相畀牧羊女睇先!
白朱古力忌廉果仁脆脆配士多啤梨醬蜜糖柚子芭菲
香烤帶子三文魚卷配青豆蓉、雜菜及蟹籽忌廉汁
龍蝦三重奏
紅燴小牛面頰及香烤牛柳配忌廉焗薯、雜菜及紅酒汁

限定新年精品好應節!

適逢新春佳節,迪士尼推出嘅限定商品,包括毛公仔、飾物、服裝等,呢啲全新精品分別以Duffy與好友、米奇與米妮等為主題,但好可惜竟然冇我主演嘅《反斗奇兵》份…不過唔緊要啦,等我都買返啲禮物送畀巴斯光年佢哋啦!

係米奇與好友新春主題系列嘅精品呀!
Duffy 與好友新春造型 Tsum Tsum
好多Duffy同佢嘅朋友呀!
啲公仔真係軟淋淋,好想攬住佢哋瞓!

新年喎!點少得利事封呀!

Duffy 與好友主題新春利是封
迪士尼.彼思朋友主題新春利是封

我竟然會見到我喺《反斗奇兵》入面其中一個好朋友「火腿」,佢同我講因為慶祝豬年來臨,只要購物滿港幣200元或以上,就可以優惠價港幣68元帶佢返屋企,仲要係新春造型㗎!

新春主題房間佈置

影完相,食完嘢又Shopping完,真係要返酒店休息吓。喺新春期間,三間主題酒店都會免費提供新春主題房間佈置,真係急不及待要返酒店到望吓!

幾好View喎!

仲有仲有,如果新春期間入住酒店,仲有得製作DIY賀年揮春㖭,我胡迪梗係要做啦!

哇!係全新設計嘅米奇利是封,仲要有隻豬仔𠻹!新春期間入住,都可以免費帶佢哋走㗎!

入到廁所都有驚喜,係新春米奇嘅洗漱用品,好正呀!唔同大家講住,我要去休息慢慢享受下先啦,有機會再見啦!特派記者胡迪,報導完畢!祝大家新一年身體健康!家肥屋潤!恭喜!恭喜!

更多精選內容