【豬B好腳頭】女星越生越勇 盤點12大高齡產子女藝人

【豬B好腳頭】女星越生越勇 盤點12大高齡產子女藝人

現年51歲的前無綫藝人黃澤鋒昨日宣布52歲太太陳麗麗懷孕,結婚9年終於榮升做爸爸,夫妻倆顯然保養得宜,仲有心有力添。對於他的太太被說大破娛樂圈生B年齡紀錄,他也笑言「嘩!咁嘅年紀都仲可以佗個B,我諗係啩,太太都好好,佢呢個年紀都犧牲好大!」確實,女人年過四十還能索得一男半女的,難度和幸運程度等同中六合彩。其實,娛樂圈中還有不少女藝人都是高齡產子的,現在就同你一看究竟!

撰文:Sunday Kiss | 圖片:微博、Instagram

前無綫藝人黃澤鋒 52歲老婆宣佈懷孕

黃澤鋒於2012年離開無綫後成為演藝自由人,他從小習泳,現在不但是游泳教練,更有泰拳拳證是泰拳裁判和教練,非常多才多藝!他與太太在2010年結婚,但一直未有懷孕。喜愛小朋友的二人直言努力9年後終於成功懷孕,可謂「願望成真」!

超高齡產婦犧牲好大

黃澤鋒自己都沒想過老婆52歲還可以成功懷上第一胎,指深知老婆已是超高齡孕婦,犧牲很大,但現時老婆已經懷孕三個月有多,兩人都很高興,很期待嬰兒的來臨。

黎姿

現年47歲的前無綫花旦黎姿2008年嫁給富商馬廷強後,隱退娛樂圈。2010年順利誕下一對孖女。

2012年10月8日,已經年過40的黎姿為丈夫馬廷強再下一城,誕下一女,現已成三女之母,兩年抱三!

邱淑貞

2010年,邱淑貞當時已經42歲並育有兩女,不過卻依然希望誕下男嬰追番個仔,只因老公非常喜歡兒子,雖然最後都係生多個女,不過而家一家五口都好幸福呢。

邱淑貞的三位千金都被稱為盡得媽媽優良基因,其中長女沈月更被譽為最美的星二代。

關詠荷

外表賢惠的關詠荷雖然一直到42歲才生下了可愛的女兒,不過產後的她好似將積攢了四十年的母愛傾情付出,漸漸減少了娛樂圈中的應酬和片約,專心致志做賢妻良母。

張家輝和關詠荷12歲的女兒看起來非常斯文,五官和神韻都像足媽媽關詠荷。

梁詠琪

Gigi與西班牙籍老公Sergio結婚3年後,Gigi終於在2014年8月宣佈懷孕,翌年2月誕下囡囡並改名為Sofia,囡囡岀世後,Gigi經常喺IG post 佢地一家嘅幸福照。一家三口十分幸福!最近有報導指,42歲嘅Gigi早已決定要追第二胎,並在積極努力中!

View this post on Instagram

已經變小麥色了!#marbella #marbellalife

A post shared by Gigi Leung梁詠琪 (@gigileungwingkei) on

Gigi兩位好個閨密李心潔同楊采妮,都係40歲之後看生BB,而且咁啱都係生咗對孖仔!

李心潔

2013年老公彭順被爆出軌,李心潔最終選擇原諒老公,兩人和好如初。之後李心潔40歲時,就為老公誕下一對可愛孖仔。

哥哥叫彭濟雲,弟弟則叫彭子然,李心潔喺孖仔滿月嗰陣,PO出一張BB正面相,一對孖仔連瞓覺都識笑,超可愛!

楊采妮

楊采妮2013年同做律師嘅邱韶智拉埋天窗,努力咗3年,終於喺2017年宣布懷孕,同年以42歲之齡生咗對孖仔。

 

一對孖仔出世後 ,楊采妮喺社交平台留言:「親愛的小寶貝們,謝謝你們,到我們的生命裏來,讓我們對愛多了另一種新體悟。爸爸媽媽一直是懷著感恩的心來迎接你們,我們承諾會用心愛著你們,亦希望你們能在充滿愛和感恩之下,健康平安地成長,擁有自己幸福的人生。」

當時因為早產而致孖仔體重比正常BB輕,令佢好擔心呀!好彩而家孖仔順利成長!

周汶錡

Kathy今年43歲,2015年7月生咗大仔Jacques ,細仔Avner就喺舊年3月20日出世。

Kathy話第二次懷孕,身體有冇比之前辛苦,佢就話基本上同上一胎一樣,完全唔辛苦,冇嘔又冇好容易就攰,胃口亦都冇變,Kathy解釋指可能因為自己的體質問題,所以身邊的朋友都話佢唔似大肚,整個過程就好似正常生活但個肚大咗。

謝安琪

阿Kay 當年未婚懷孕,07年大仔張瞻出世,相隔10年,40歲嘅阿Kay就再生咗囡囡張靖。

Kay揚言要做全職奶媽,實行無了期停工湊女:「希望可以餵足一年母乳!真係擺低工作,以家庭為先,囡囡都係得幾個月,雖然囝囝10歲,但都係要傾偈嘅階段,只要睇住小朋友開心就乜都值得!」

View this post on Instagram

Beautiful day ❤️

A post shared by 張繼聰 Louis (@louischeung2013) on

李嘉欣

李嘉欣於2011年為富二代許晉亨生咗囝囝Jayden,懷孕時風采依舊,絲毫不見浮腫。大美人當時都係41歲。

話咁快Jayden已7歲喇!而家喺新小拔讀緊二年班。

楊張新悅

42歲嘅楊張新悅(Nicola)與區議員老公楊哲安婚後,先後誕下三個囡囡Lucy、Lily和Leah。Nicola早前宣佈意外懷上第四胎,而且今胎都係B女。

View this post on Instagram

🍼四女兒7月7日終於誕生了- 小小個子2.65公斤皮膚紅紅很趣緻。望着她心裡會唱起IQ博士「小雲同小吉好重要」😆所以改她為「小雲」Lola。感恩今次也繼續有細心的「陳世樂醫生」為我分娩也得到「明德醫院」團隊悉心照顧x👶🏻👶🏻👶🏻👶🏻! 今次懷孕日子裡有很多朋友和social media中素未謀面的followers給我勉勵和祝福。姐妹們太認識我給我最適合的二手用品和禮物🎁又有品牌們贊助「源生坊」有機產品、「香港催乳中心」上奶和產後護理、「Aura 陽光染髮」保護我髮絲、「Bambo」天然尿片、「王朝滴雞精」、「Silver Cross」BB車「The Heavens Love」為我拍攝這次照片…等等不能盡錄。 容許我在此再一次謝謝你們,你們的愛讓我充滿力量去迎接新生命🍼。我會努力照顧小雲和三位姐姐。也祝大家快樂,每天充滿愛!💛 #silvercrosshk #bambonature #aurahair #healthaims #fresh48photography #明德醫院 #MatildaHospital #newbornphotos #preciousmemories @theheavenslove

A post shared by Nicola Cheung Young 楊張新悅 (@nicolacheungyoung) on

朱茵

2012年4月,41歲嘅朱茵突然上載一張與阿Paul的赤裸相擁黑白合照,公佈懷孕的消息。

囡囡叉燒包於12年10月出世,為作紀念,朱茵執筆推出新著作《6磅10安士》,寫下整個懷孕歷程。她於書中寫到自己很喜歡小朋友,小時候已很想當母親,可惜因身體狀況不好,更自爆婦科醫生曾告知只有一成機會懷孕,要有小朋友是一件很難的事。奇蹟懷孕誕下女兒,對朱茵及黃貫中來說,都不是一件容易的事。

吳君如

2006年,41歲嘅吳君如生咗囡囡陳是知,據講當時君如大住個肚,依然晚晚返電台開咪做節目。

 

吳君如在圈內出晒名的愛女,同時亦管教得好嚴!有報導指囡囡陳是知每年花過百萬學費栽培囡囡,單係playgroup已經年年十萬,仲有報大量琴棋書畫的興趣班,囡囡考入南區私立貴族學校的弘立書院。而在家也營造出一個獨特語境,平時用英文及泰文同囡囡溝通,所以年紀小小已一口流利英文。

View this post on Instagram

Sweet picnic 🍬🍪🍓🍰🍩

A post shared by 吳君如 (@sandrangky) on

劉若英

由結婚到生仔都超低調,45歲就生咗第一胎,當時劉若英仲話想生多個,因為怕囝囝一個人會覺得孤單,所以想多個等佢有個伴。

林青霞

林青霞於1994年與邢李㷧結婚,正式嫁入豪門。41歲生咗大女邢愛林,46歲再生細女邢言愛。

而家兩個女分別係22歲同17歲,都已經婷婷玉立喇!

更多精選內容