新年親子好去處

【新年親子好去處】賀年造型Peppa Pig現身同大家拜年 必影打卡位+期間限定店

親子好去處

廣告

嚟到豬年,梗係要有豬仔角色同大家賀新年!其中小朋友最愛嘅Peppa Pig就換上賀年造型,嚟到荃灣同奧運同大家拜年!小朋友必去!而且場內亦有期間限定店,超多Peppa Pig 特色精品比大家買返屋企!

撰文:Kamen | 圖片:Kamen、奧海城

賀年造型Peppa Pig現身荃灣、奧運

小朋友最愛嘅Peppa Pig嚟到香港,分別現身係荃新天地及奧海城!小朋友必去朝聖!

荃新天地 「Peppa Pig豬年行大運」

荃新天地嘅焦點必定落在近5米高的步步高陞開運熱氣球,Peppa與爸爸、媽媽及弟弟George穿上最新中式賀年服裝,絕對係粉絲必影嘅打卡位!

而且場內有Peppa Pig朋友為大家表演舞獅梅花樁,大家可以圍住桃花行大運。

場內中間亦有一棵桃花,一眾Peppa好友Suzy Sheep、Pedro Pony、Candy Cat及Danny Dog現身觀賞!

荃新天地亦有一條18米長金龍,超宏偉!

奧海城「Peppa Pig新春開運遊樂園」

奧海城將2期地下主題中庭打造成粉紅色「Peppa Pig新春開運遊樂園」,場內有5個新春開運區。「花開富貴區」由LED閃燈組成滿天煙花,Peppa與爸爸、媽媽及弟弟George穿上最新中式賀年服裝,溫馨地齊齊欣賞繽紛奪目的煙花,粉絲必影!

而另一面,Peppa好友Candy Cat及Pedro Pony一同欣賞舞獅表演,粉絲可以前去一齊欣賞!

場內中間位置,則有5米高巨型風車及數十個細風車,你可以親身轉轉風車,祈求來年順風順水!

另一個全場焦點落在5米巨型全盒,Peppa與弟弟George、好友Suzy Sheep以及Danny Dog走到載滿金幣、糖果及元寶的全盒前送上祝福。

一旁亦有財運滾滾區,大家可以將元寶貼在福袋磁石牆上,寓意來年金銀滿屋!

期間限定店 買各種Peppa Pig精品

活動期間,兩大商場特設Peppa Pig新春期間限定店,各位小豬迷可以即場購買最新Peppa 產品,與Peppa齊過豬年!

Peppa Pig賀年服飾亮相見面會

Peppa Pig將會於農曆新年期間親臨兩大商場,換上全新賀年造型與大家拜年,送上祝福!

消費換領限量版Peppa Pig賀年禮品套裝

顧客可於兩大商場以電子貨幣消費滿指定金額,換領「Peppa Pig DIY新春利是封禮盒」,禮盒包括8個寫上新年賀語的燙金利是封及4張揮春,並附上4張Peppa Pig新春造型及新年配件貼紙,讓大家自製獨一無二的利是封及揮春;另外顧客更可於奧海城換領「Peppa Pig DIY開運套裝」,親手製作轉運風車及獅頭,恭祝大家「豬年順景 好事齊來」!

荃新天地「Peppa Pig豬年行大運」

日期︰2019年1月22日至2月19日
時間︰10:00am-10:00pm
地點︰荃新天地1期及2期中庭

奧海城「Peppa Pig新春開運遊樂園」

日期︰2019年1月22日至2月19日
時間︰12:00nn-9:00pm
地點︰奧海城2期地下主題中庭

賀年造型Peppa Pig新春見面會

日期︰2019年2月4日(年三十)
時間︰6:00pm-10:00pm
日期︰2019年2月5日-2月7日(初一至初三)
時間︰3:00pm-7:00pm
地點︰荃新天地1期中庭

日期︰2019年1月26日及27日
時間︰2:00pm-5:00pm
地點︰奧海城2期地下主題中庭