上海迪士尼

【全球首個】上海迪士尼宣布建優獸大都會園區 預計今年動工

親子好去處

廣告

2016年上映嘅優獸大都會(Zootopia)風靡全球,大人小朋友都超愛動畫中嘅角色!今日上海迪士尼宣佈興建全球首個優獸大都會主題園區,成為上海迪士尼第八個主題園區,並且預計今年動工!

撰文:KM | 圖片:微博、、Twitter、Zootopia劇照

上海迪士尼建全球首個優獸大都會園區

今日上海迪士尼官方宣布,將會興建全球首個優獸大都會主題園區,並預計於今年動工!優獸大都會主題園區將成為上海迪士尼樂園第八個主題園區,微博中亦公開咗園區嘅概念圖。

概念圖中可見園區會與電影中嘅優獸大都會一樣,粉絲就如走入電影中嘅場景,超吸引!

相信園區會設有以「優獸大都會」為藍本嘅全新遊樂設施、娛樂演出、商店同餐廳,而開幕日期及細節有待公佈。