【流感肆虐】鄭中基全家出動打流感針

【流感肆虐】鄭中基全家出動打流感針

近日流感肆虐,咪話 小朋友易中招,大人一唔 小心都被傳染,手尾極長,將於農曆年舉行演唱會的鄭中基(Ronald),做足預防措施,日前一家四口出動去打流感針。

撰文:東方新地|圖片:東方新地 | 編輯:Sunday [email protected] | 原文刊於:東方新地

鄭中基變好男人

曾經掛住媾女自嘲係無賴的鄭中基,自從11年被前有線主播余思敏降服,簡直脫胎換骨由無賴轉化成「廿四孝」愛妻號,一對寶貝仔女出世後更加變深閨,幾乎絕跡社交活動,收工第一時間撲返屋企做住家男。

據知情者透露 :「識咗Sammie(余思敏)之後 ,Ronald 簡直變咗另一個人,唔再貪玩成個踏實晒,應酬活動更加唔願去,寧願留喺屋企陪仔女玩,佢完全畀對仔女融化咗,對住佢哋好滿足,全日對住對仔女都得。」

以往經常流連夜店的鄭中基,婚後變住家男,陪著仔女成長已成他人生最大動力 , 七歲女兒鄭梓喬(Emma)以及三歲兒子鄭梓仁(Evan)更同爸爸餅印一樣。

知情者續指:「咪睇佢以前成日掛住玩,做 咗爸爸之後,佢乜都仔女行先,又錫老婆,唔會將湊仔責任推晒畀太太,成 日都會話太太為佢付出咗好多,真係估唔到佢可以咁黐家!」

上年三月鄭中基生日,他就專登放假陪太太及仔女去迪士尼玩,更慈父上身畀兒子騎住膊馬睇表演,對住家中三個寶貝,完全變身幸福family man!

鄭中基公開感激太太

賢慧的余思敏,除咗能夠綁住太子基,更深得老爺奶奶歡心,將一對仔女教得精乖伶俐,Sammie功勞可不小。去年《 play it again》演唱會澳門站,鄭中基就在台上感激太太說:「佢為我增加咗兩個心愛嘅人,以前我從冇 諗過生小朋友,我係浪子,點會左拉右拖,不過做咗爸爸,成日會同導演講要開早啲,等我早啲收工返屋企陪細路!」

診所內有唔少兒童遊樂設施及玩具,鄭中基同老婆就陪住仔女一齊玩,只見鄭中基忙於睇電 話,仲要攞件玩具氹個仔,果然廿四孝慈父!

鄭中基全家出動打流感針

愛妻好爸爸當然唔係得個講字,近日流感肆虐,為免小朋友中招患病,加上自己快將開演唱會,向來緊張一對仔女健康的他,日前便全家出動去中環診所打流感針,當日早上約11時許,鄭中基一家由司機接載去到中環皇后大道中,司機停低車後,女兒Emma率先落車,跟住落車的Ronald一邊 拖個仔Evan落車,另一隻手仲會捉實個女,絕不掉以輕心!

當日鄭中基一家四口出動,去中環診所打流感針,兩公婆更細心幫仔女 戴晒口罩一人拖一個,見到記者,雖然有啲愕然,不過鄭氏夫婦就表現得好友善。

打完流感針,一家人轉場去餐廳食飯家庭樂,不過,臨上樓前煙 癮起的鄭中基,就先吩咐太太同仔女上樓先,自己則企街食支煙,識得為家人設想,唔要仔女陪佢食二手煙,的確係盡責好爸爸!

為怕診所多細菌,兩公婆亦幫一對寶貝仔女戴上口罩做足安全措施,睇醫生近一小時,兩公婆一人拖一個落樓行去上車,見一對仔女打完針完全冇扭計,再轉場去開餐家庭樂獎勵一對寶貝!

對老婆錫到燶的鄭中基,經常會花 心思送禮物冧太太,當日鄭太身上 行頭十足,除咗兩隻手都戴有鑽 戒,左手戴住鑽石手鏈,手錶更是 炒價值12萬的 Rolex Daytona。

思敏對一對仔女教導有方,拖著兒子行 的她,亦教導兒子同記者講唔該,女兒上 車後還同記者揮手講拜拜,精乖可愛!

延伸閱讀:

打流感針任何時候都不會太遲

併發症可致肺炎、敗血性休克、腦病變等

今年乙型流感的疫潮來勢洶洶,原因之一是近日天氣寒冷兼乾燥,飛沫中的病毒可停於空氣時間較長,令感染機會大增。流感是由病毒而引致,任何年齡人士均有機會感染,雖然流感可自行痊癒,但絕不可看輕其殺傷力,不少長者及兒童患者因併發症而入院,如肺炎、敗血性休克、腦病變等,嚴重者更可以致命。

打流感針任何時候都不會太遲

注射疫苗能有效降低感染流感的機會

然而,很多市民都忽略了接種季節性流感疫苗的重要性,以流感疫苗Vaxigrip為例,目前只有40萬人已接種,僅佔香港整體人口約5%。近日網上瘋傳一段來自藝人的錄音,質疑今季流感疫苗的效用,指出「10個打左9個照流感」,病毒會變種成「勁菌」,令接種疫苗的人染病,繼而向社區散播病菌。醫學界多個專家已分別逐點反駁該段錄音,包括疫苗並沒有水銀成分及均為活滅的、打進體內的不是病毒而是已分離的抗原、疫苗有效率至少達50%至55%等 。資料可見衞生署2月8日聲明及港大微生物學系講座教授袁國勇。

相對於一般感冒,流感病情多為突發,患者多數會突然發燒,而且病徵亦較為明顯 及嚴重。

因此,縱然流感針的保護率並非百分百,但在注射疫苗後,能有效降低感染季節性流感的機會,是預防流感的最有效方法之一。即使染上,病情亦會減輕,而且不容易出現嚴重併發症,可減低入院及死亡風險。

打流感針任何時候都不會太遲

雖然季節性流感已爆發了一段時間,建議市民應盡早在每年的10至12月接種流感疫苗,但其實任何時候打流感針都不會太遲,在接種疫苗後約兩星期,體內便會產生足夠抗體對抗流感,而農曆新年前後預計會是傳播的高峰期,預料一直將持續至三月底至四月初。當然,接種了疫苗不代表一勞永逸,因為病毒會不停變種,季節性流感疫苗需要每年接種,而在乙型流感持續數星期之後,今年三至四月甲型H3N2流感或會接踵來襲,隨後夏季亦是流感另一高峰期,所以市民應該保持高度戒備,適時接種相應的疫苗。

更多精選內容