【超可愛!】囡囡流露仰慕眼神望媽媽 同謝安琪爭咪唱《Baby Shark》

【超可愛!】囡囡流露仰慕眼神望媽媽 同謝安琪爭咪唱《Baby Shark》

藝人張繼聰同太太謝安琪(Kay)一直被網民公認為恩愛夫妻,佢哋嘅仔女張瞻(James)同張靖(Karina)同樣受網民喜愛。近日張繼聰同對仔女就去咗探太太謝安琪班,相中見到囡囡張靖眼定定咁望住Kay,仲同Kay爭咪唱歌!其後張繼聰同仔女仲齊齊變偷窺Fans睇Kay演出,用另類方法去支持Kay,真係好Sweet!

撰文:Kammy | 圖片來源:Instagram

囡囡同謝安琪爭咪唱歌

張繼聰一直都係圈中公認嘅「愛妻號」,佢哋一家四口亦一直都受到網民追捧,同太太謝安琪仲不時擺仔女嘅生活片段到社交網站同網民分享。呢日Kay要出席活動,張繼聰就帶埋對仔女去探老婆班,仲化身為攝影師不停咁影囡囡張靖同Kay,相中見到囡囡露中一個崇拜眼神望住媽咪,十分可愛!張繼聰仲為女兒配上設計對白:「Mommy真係好靚……Daddy真係好本事,Daddy 叻叻,I love u Daddy!」文字間唔只讚老婆靚,仲兜個圈讚自己叻,真係好搞笑!

謝安琪
囡囡張靖露中一個崇拜眼神望住媽咪,十分可愛!

謝安琪

另外,囡囡張靖仲同Kay爭咪唱歌,張繼聰又再次發揮創意,幫囡囡設計對白:「Mommy , 我ready啦,我想出去唱….」仲話囡囡要唱好多小朋友都好鐘意嘅兒歌《Baby Shark》。另一邊廂,哥哥張瞻雖然冇同Kay爭咪唱歌,但就一直企喺鏡面前擺出型格甫士,真係遺傳咗父母嘅表演慾!

謝安琪
張繼聰同對仔女就去咗探太太謝安琪班
謝安琪
囡囡係咁望住媽咪
謝安琪
哥哥張瞻一直企喺鏡面前擺出型格甫士,真係遺傳咗父母嘅表演慾!
謝安琪
囡囡張靖仲同Kay爭咪唱歌!

張繼聰同仔女齊變偷窺Fans

之後Kay去咗表演嘅時候,張繼聰同對仔女都冇走到,仲變身做偷窺Fans,喺門罅偷窺Kay演出,仲笑言佢哋係「三個瘋狂到帶點可憐嘅fans」。

謝安琪
張繼聰同對仔女變身做偷窺Fans
謝安琪
一家四口

謝安琪

更多精選內容