【親子好去處】2日2夜海上郵輪之旅 6條超長滑梯+真人版大富翁

【親子好去處】2日2夜海上郵輪之旅 6條超長滑梯+真人版大富翁

好多家長都諗過要帶埋仔女坐郵輪,嚟個海上度假之旅。不過又擔心上到船冇嘢玩,又擔心要照顧仔女冇我同老豆二人世界。今次記者搭上郵輪,玩足2日2夜,親身體驗比大家知同小朋友上郵輪有咩好玩之處!

撰文:Kamen | 攝影:Jacy

親子好去處 2日2夜海上郵輪之旅

今次記者登上星夢郵輪嘅世界夢號,新年期間主打大富翁,會有真人版大富翁及大富翁下午茶,最啱小朋友!而除咗大富翁,船上仲有好多免費或收費嘅課程比大人同小朋友參加,喺船上絕對唔會悶!

親子好去處
今次記者上咗世界夢號,體驗同小朋友上船有咩玩!
親子好去處
船上而大富翁做主題。

真人版大富翁

小朋友可以企上巨型大富翁棋盤,扮演棋子,同其他玩家鬥買地!

親子好去處
超大棋盤
親子好去處
小朋友拋出骰仔。
親子好去處
機會卡上會有船上嘅活動體驗卷!
親子好去處
亦有命運卡。

大富翁下午茶

上到16樓,大家可以食到超精緻嘅大富翁下午茶。各種食物配上大富翁棋盤上嘅圖案,有起點、監獄、機會及命運卡等等。有得睇有得食!

親子好去處
大富翁下午茶非常精緻(需要另外收費)
親子好去處
而且味道唔錯!值得食!
郵輪
大富翁先生仲會現身同大家影相!

Cosplay 做小海員 參觀船長室

世界夢號為小朋友舉辦各種課程,其中最特別的必定是「星夢小當家」,小朋友可以扮演船上工作人員,例如房務人員或海員。今次小朋友體驗扮海員,穿上海員服飾,學習如何使用望遠鏡,打繩結同着救生衣。

親子好去處
小朋友玩上海員衫,威風凜凜!
親子好去處
有船上副船長親自講解
親子好去處
小朋友學習用望遠鏡。
親子好去處
亦有機會試穿救生衣。
親子好去處
親自學打繩結。
親子好去處
小朋友學習知識後,可以去參觀船長室!

6條超長滑梯 暖水池冬天都游得

船上甲板有數個暖水泳池,冬天都可以一家人去游水!而且亦有6條超長滑水梯,追求速度感嘅大小朋友必玩!

船上有6條滑水梯,小朋友最愛!
其中以藍色呢條最為刺激。

超多戶外康體活動

場內有超多戶外康體活動,小朋友可以玩攀岩、乒乓波、迷你高爾夫等等,而且毋須另加費用,最啱小朋友放電!

乒乓波
迷你高爾夫
亦有巨型英式象棋!

VR探索館 超刺激放電場所

世界夢號上有VR探索館,雖然主打大人,不過小朋友都可以玩其中3款VR遊戲!

VR探索館內遊戲需收費。
小朋友就最鍾意玩水果忍者!玩到唔願走呀!
4D射擊遊戲可以選擇喪屍或狼人刺激度滿分!
超逼真,細膽小朋友可能會怕。
過山車VR過山車大人可能會覺得唔夠刺激,但係小朋友一定會覺得開心!

睇高水準表演

船上每日都有唔同嘅歌舞表演,爸爸媽媽可以一齊去睇表演呢!

今晚表現係-甜蜜哈瓦那
好精彩,表演者會唱出各種熱門英文歌曲

超好玩托兒所

船上有托兒服務,有工作人員幫忙看管孩子,爸爸媽媽就可以享受溫馨二人世界!而托兒所並唔係單純看管咁簡單,工作人員會陪伴小朋友一齊玩,而且場內有超多各種游樂設施,爸爸媽媽絕對唔使擔心!

郵輪上有托兒服務,爸爸媽媽可以交小朋友去托兒所,享受二人世界!

船上其他設施

舞蹈班
電子遊樂中心
可以玩Switch遊戲(需另外收費)
戶外火鍋(需另外收費)

《大富翁》新春尋寶「郵」樂之旅

郵輪 活動期 母港 航線
世界夢號 2019年1月4日至3月1日 香港&廣州(南沙) 2晚周末漫「郵」
5晚尋味越南之旅(峴港、下龍灣、芽莊)
5晚菲律賓探索之旅(馬尼拉、蘇碧灣)
雲頂夢號 2019年1月4日至3月24日 新加坡 2晚民丹島「郵」享週末
2晚吉隆坡魅力之旅
3晚馬來西亞海島之旅
(檳城、浮羅交怡)
3晚東南亞魅力之旅(檳城、布吉島)
5晚東南亞旖旎之旅(浮羅交怡、普吉島、檳城、吉隆坡)
5晚浪漫印尼之旅
(泗水、北巴厘)
5晚麥克勞德島 – 普吉之旅

*節日特別菜單將在指定日期於免費餐廳供應。詳情請參考船上活動資料。
#僅限2019年2月3日及10日出發之航次。

更多精選內容