親子好去處

【親子好去處】2日2夜海上郵輪之旅 6條超長滑梯+真人版大富翁

親子好去處

廣告

好多家長都諗過要帶埋仔女坐郵輪,嚟個海上度假之旅。不過又擔心上到船冇嘢玩,又擔心要照顧仔女冇我同老豆二人世界。今次記者搭上郵輪,玩足2日2夜,親身體驗比大家知同小朋友上郵輪有咩好玩之處!

撰文:Kamen | 攝影:Jacy

親子好去處 2日2夜海上郵輪之旅

今次記者登上星夢郵輪嘅世界夢號,新年期間主打大富翁,會有真人版大富翁及大富翁下午茶,最啱小朋友!而除咗大富翁,船上仲有好多免費或收費嘅課程比大人同小朋友參加,喺船上絕對唔會悶!

真人版大富翁

小朋友可以企上巨型大富翁棋盤,扮演棋子,同其他玩家鬥買地!

大富翁下午茶

上到16樓,大家可以食到超精緻嘅大富翁下午茶。各種食物配上大富翁棋盤上嘅圖案,有起點、監獄、機會及命運卡等等。有得睇有得食!

Cosplay 做小海員 參觀船長室

世界夢號為小朋友舉辦各種課程,其中最特別的必定是「星夢小當家」,小朋友可以扮演船上工作人員,例如房務人員或海員。今次小朋友體驗扮海員,穿上海員服飾,學習如何使用望遠鏡,打繩結同着救生衣。

6條超長滑梯 暖水池冬天都游得

船上甲板有數個暖水泳池,冬天都可以一家人去游水!而且亦有6條超長滑水梯,追求速度感嘅大小朋友必玩!

超多戶外康體活動

場內有超多戶外康體活動,小朋友可以玩攀岩、乒乓波、迷你高爾夫等等,而且毋須另加費用,最啱小朋友放電!

VR探索館 超刺激放電場所

世界夢號上有VR探索館,雖然主打大人,不過小朋友都可以玩其中3款VR遊戲!

睇高水準表演

船上每日都有唔同嘅歌舞表演,爸爸媽媽可以一齊去睇表演呢!

超好玩托兒所

船上有托兒服務,有工作人員幫忙看管孩子,爸爸媽媽就可以享受溫馨二人世界!而托兒所並唔係單純看管咁簡單,工作人員會陪伴小朋友一齊玩,而且場內有超多各種游樂設施,爸爸媽媽絕對唔使擔心!

船上其他設施

《大富翁》新春尋寶「郵」樂之旅

郵輪 活動期 母港 航線
世界夢號 2019年1月4日至3月1日 香港&廣州(南沙) 2晚周末漫「郵」
5晚尋味越南之旅(峴港、下龍灣、芽莊)
5晚菲律賓探索之旅(馬尼拉、蘇碧灣)
雲頂夢號 2019年1月4日至3月24日 新加坡 2晚民丹島「郵」享週末
2晚吉隆坡魅力之旅
3晚馬來西亞海島之旅
(檳城、浮羅交怡)
3晚東南亞魅力之旅(檳城、布吉島)
5晚東南亞旖旎之旅(浮羅交怡、普吉島、檳城、吉隆坡)
5晚浪漫印尼之旅
(泗水、北巴厘)
5晚麥克勞德島 – 普吉之旅

*節日特別菜單將在指定日期於免費餐廳供應。詳情請參考船上活動資料。
#僅限2019年2月3日及10日出發之航次。