陀B 6個月!香香挺巨肚著「斗零踭」 坦言變大食媽媽

陀B 6個月!香香挺巨肚著「斗零踭」 坦言變大食媽媽

岑麗香(香香)日前出席由王祖藍首次執遵的歌舞電影首映禮,現時懷孕6個月的香香當日穿上3吋高的高跟鞋(俗稱「斗零踭」),甫出場便成為全場焦點,榮升準媽媽的香香身材豐滿,肚皮比以前更顯眼,但依然明豔照人!

撰文:Kayla|圖片來源:TUNGSTAR、Insatgram

挺巨肚著「斗零踭」

現時懷孕6個月的香香,不怕危險仍然穿上高跟鞋,不過香香非常小心,行路都有人扶,問到老公強強會否擔心她外出工作,香香笑言老公非常放心:「佢覺得我就算大肚都要同社會有接觸、交流,間唔中做吓嘢都OK,小心啲就得。」

陀B後變大食媽媽

眼見香香身材比前往豐滿,上圍更是「升cup」不少,香香就話自己最近變得非常「大食」,不時都會有要「即刻食」的感覺:「好似今日我出門口之前無啦啦好想食Pizza,跟住就嗌咗個,食咗過一半嘅Pizza,仲要係一個正常size嘅大Pizza,哈哈!」

 

在 Instagram 查看這則貼文

 
Eliza Sam 岑麗香(@heungheungeliza)分享的貼文 張貼

被封為「最火辣孕婦」

香香上月喺Instagram上分享幾張相片,相入面佢著住一套粉姐色低胸晚裝,身材佼好,完全唔似已經陀有5個多月大嘅BB!香香留言,「要記住自己凡事可行,並要善待自己」,未知係咪解作準媽媽一定要好好對待自己呢?

在 Instagram 查看這則貼文

Eliza Sam 岑麗香(@heungheungeliza)分享的貼文張貼

相片一出,引來唔少藝人同網民留言,例如蔡思貝、鄭欣宜、陳煒等等,都大讚香香「美麗兼超火辣」,網民更將佢封為「最火辣孕婦」添。

宣佈預產期

香香向大家透露即將成為人母的喜悅,岑麗香當時懷孕5個月。被問到為何之前在活動中不承認懷孕,香香表示因為最近經常四圍飛,想將喜訊先向家人分享,不希望家人透過新聞才得知自己懷孕的消息,為此感到不好意思。

香香亦透露懷孕初期有點不太舒服,認為是因經常坐飛機或時差問題而感到特別疲倦,不過她和老公得知懷孕都非常興奮。

保持神秘唔睇BB性別

香香表示想給驚喜自己,就算產檢都叫醫生遮住BB重要部位,佢笑言希望自己忍得到。香香表示當初計劃結婚後兩年才生BB,現在「夢想成真」非常感恩。

結婚一周年去馬爾代夫

香香同老公強強上年拍拖去馬爾代夫,喺當地享受陽光海灘,順道慶祝結婚一周年。香香在社交平台分享泳衣照,雖然未有穿上火辣的三比堅尼,但有靚景和香香甜美笑容一樣吸引,而日前出席活動時透露老公送咗手鈪畀佢做禮物!

香香笑指小時候看得鯊魚題材的電影多,所以一落水就好驚,不過今次找了專業教練學潛水,試過潛到11米水深,真的看到鯊魚、海龜和珊瑚,她笑說:「最初落水時好緊張,不過有老公陪着,又有教練指導,之後心情變得輕鬆了。」

香香還大讚老公夠體貼又sweet:「他知道我做藝人不可以曬得太黑,每當猛太陽時,他會用身體為我擋太陽,真是大隻好遮蔭!」

在海邊大晒美腿,認真寫意。

其中有部分靚相仲係由老公強強視角出發,為靚靚人妻留下最美一刻,超sweet!

這張由老公強強視角出發的牽手蜜照,真係甜到漏!

更多精選內容