馬詩慧難捨仔大女大 想阿仔黐住我

馬詩慧難捨仔大女大 想阿仔黐住我

名模馬詩慧(Janet)與王敏德(Michael)結婚23年,老夫老妻,說話可以直腸直肚:「佢EQ 唔高,個仔啲脾氣遺傳爹哋!」兩人是圈中模範夫婦,育有三子女曼喜(Kayla)、麗嘉(Irisa)和躍穎(Kadin)。提到Kayla出櫃,Janet坦言事件曝光前早已知悉,曾希望女兒終有一天「攣變直」,最終想通了不能再欺騙自己,選擇放開一切,支持女兒追求快樂。Kayla 現專心搞時裝網店生意,Irisa 在美國發展模特兒事業,Kadin 也讀到中三,長得高過媽咪。Janet 難捨仔女各有天地,丈夫又忙於揸飛機、做生意和唱歌出碟,故經常拉Kadin陪伴自己,「好多人問個仔係咪好黐我,成日陪我出去食飯,其實唔係佢黐我,係我黐住佢啫,男仔點會想黐住阿媽!」

王敏德在三個仔女眼中,是一個愛家庭、工作專業的爸爸,愛駕駛飛機的他都有載家人衝上雲霄,教他們一些飛行知識。
王敏德在三個仔女眼中,是一個愛家庭、工作專業的爸爸,愛駕駛飛機的他都有載家人衝上雲霄,教他們一些飛行知識。

大女出櫃欣然接受
父母是娛圈名人,Kayla是受矚目星二代,言行舉止都會被大肆報道,去年Kayla被影到與外籍同性友人過從甚密,其後大方宣布出櫃,背後得到家人支持。子女同性戀,很多家長都不知如何處理,甚至迫子女由攣變直,令子女感到難受,把一切埋藏心底裏,Janet直言自己都經歷過掙扎期。「佢中學時候我開始懷疑,有段時間我覺得佢經常講大話,直至有一次,佢俾咗少少暗示我,當時我唔係好接受,唔接受之餘仲想自己呃自己,可能因為讀女校,係暫時感覺啫,遲啲會變㗎喇,我嘗試說服佢唔係呢樣嘢,亦說服自己希望唔係呢樣嘢,因為我都識好多人以前係,大大吓變番唔係。」

Michael 和Janet 慶幸三個仔女算乖,最重要都有一顆善心,讀書差沒所謂,但品行一定要好。
Michael 和Janet 慶幸三個仔女算乖,最重要都有一顆善心,讀書差沒所謂,但品行一定要好。

反而Michael得悉後反應平靜,可能外國長大思想開放,覺得沒大問題,Janet回想當時丈夫沒安慰過她,「好似真係冇喎, 點解佢冇呢?不過呢樣嘢係好難安慰人哋嘅,要靠自己釋放同接受,如果接受唔到,點安慰都冇用。」有一段時間,Kayla沒直接承認,Janet又心存希望,母女關係總有一層隔膜,惟有多溝通去摸索對方,「同佢講道理囉,係講㗎咋,我唔會打人嘅,當然有時我會大聲咗或者佢激動咗,一定會有。」直至Kayla過美國讀書後,有一年返港放暑假,在家與當地女性朋友以Skype通話,語氣比一般朋友親暱,Janet聽後即捉實女兒問話,「嗰一刻佢真係承認咗。」

女兒勇於承認,媽媽都決定一齊面對,「當我接納咗,我就決定let go,唔會再糾纏,我只希望佢搵到自己鍾意嘅人,而嗰個人又錫佢,大家喺埋一齊好開心,咁就已經足夠。」

Janet 指女大女世界,好難再控制她們的生活,所以多投放心機在細仔Kadin 身上,「佢以為自己好大個,好想獨立,不過佢都算乖,冇乜反叛,最多黑你面、眼超超啫。」
Janet 指女大女世界,好難再控制她們的生活,所以多投放心機在細仔Kadin 身上,「佢以為自己好大個,好想獨立,不過佢都算乖,冇乜反叛,最多黑你面、眼超超啫。」

二女闖紐約做Model
Kayla性格開放、有主見、有理想,亦有一顆善心,畢業後開始籌備時裝網店生意,加入了公平貿易(Fair Trade )元素,所找的廠房一定要計足加班錢、不能用童工、要公平對待工人等等,希望透過網店宣揚人權、公平及環保等問題,成本較高也在所不計。Janet對此感到非常驕傲,「Kayla睇錢唔重,幫到人先係最重要,令呢個世界公平一點,我個女識咁諗我覺得好感恩。」

Janet 與兩個女身形差不多,經常交換衣服穿。
Janet 與兩個女身形差不多,經常交換衣服穿。

至於二女Irisa正在美國波士頓讀大學,Janet打算讓她停學一年,赴紐約發展模特兒事業。「畢業後22、23歲先開始太遲喇,所以要停學一年試咗先,依家啲model 15、16歲就開始,中國人好少少,無咁易變老;鬼妹開花好燦爛,但好快就謝。Irisa都覺得自己遲咗,但我覺得都唔係遲嘅,早幾年我哋又唔會俾佢唔讀書去做,so this is the right time!」身高有5呎11吋的Irisa遺傳了母親的model潛質,但她身形較豐滿,被Janet斷言難以擔當high fashion model,「佢夠高,但胸部稍大,做high fashion會嫌大少少。不過紐約市場比歐洲大,做泳衣、做Victoria’s Secret就係要呢啲身形。」

三姊弟自小感情深厚,Kadin 形容大家姐是榜樣,二家姐為人搞笑、易相處。
三姊弟自小感情深厚,Kadin 形容大家姐是榜樣,二家姐為人搞笑、易相處。

細仔有志做演員
雖然香港有父母的名氣帶挈,起步容易得多,但她不打算返港發展,皆因市場細,港人的眼光又是一個問題,Janet解釋:「依家香港有咩show做?全部都好細,同埋如果佢喺香港做泳衣show,你諗吓?香港人、甚至亞洲人個眼光唔同,着少啲布人哋就會將個眼光放喺性感上面,我唔想啲人用呢個眼光睇佢。」

Kadin 很着緊自己外表, 尤其是髮型,但Janet 比較關注他的皮膚,想為他「唧黑頭」。
Kadin 很着緊自己外表, 尤其是髮型,但Janet 比較關注他的皮膚,想為他「唧黑頭」。

Irisa有機會做馬詩慧第二,細仔Kadin卻可能做王敏德第二。熱愛籃球的Kadin同時愛演戲,希望中學畢業後可以跟家姐赴美讀書,進修演藝課程,「都係受爹哋影響,做戲好好玩,因為有機會扮演其他人。」Michael無時無刻都教仔做戲,教得最多是喊戲,Kadin說:「佢教我喊嗰時好有feel,會叫我諗番啲唔開心嘅事,第一次喊唔出,要慢慢練習,當我想練習就會問佢。」

港華籃球校隊
就讀名校香港華仁書院中三的Kadin年紀尚輕,父母把照顧重心放在他身上,最令Janet煩惱自然是兒子學業方面,她笑言自己比兒子更大壓力,「可能性格問題,佢讀書冇俾好大壓力自己,反而打波輸咗佢會好唔開心,可能佢讀書冇乜興趣,所以唔會擺太多effort落去,你要我合格我咪盡量合格囉,唔合格都冇辦法㗎喇,呢種態度。」Janet不願多提兒子的成績,但相信他是有能力,只是沒心機讀,「佢吸收能力好強,只係唔想專注,如果佢天份唔喺學術上,點迫佢都冇用。」

Kadin 高大威猛,遺傳加上後天打籃球,年僅15歲已經與爸爸平頭,未來仍有長高空間。
Kadin 高大威猛,遺傳加上後天打籃球,年僅15歲已經與爸爸平頭,未來仍有長高空間。

Kadin的天份在運動上,自小四開始成為校隊籃球代表,先天優勢加上後天打波,Kadin現時身高與爸爸平頭,15歲的他仍有長高空間!他指自細玩BB籃球就愛上這項運動,「細個爸爸買咗個BB籃球返嚟,我同表哥成日玩,嗰陣開始鍾意。籃球係好激烈嘅運動,贏輸要睇你在唔在狀態同能力,最重要係團隊精神,我可以同朋友同隊一齊打波。」港華三支A、B、C grade籃球隊皆身處學界最高D1級,今屆總成績位列第六,成績不俗,Kadin希望之後有機會打進四強,希望盡量贏取更多賽事。

Michael 和Janet 有共同目標,就是讓小朋友在一個正常健康的環境長大,兩人有甚麼爭執都好,都要放小朋友在首位。
Michael 和Janet 有共同目標,就是讓小朋友在一個正常健康的環境長大,兩人有甚麼爭執都好,都要放小朋友在首位。

Kadin不單打波叻,打golf都有一手,在爸爸引導下,Kadin開始學打golf,「呢種運動都好玩,但對我嚟講係一個hobby,籃球先係將來想繼續發展。」畢業後,他希望跟家姐到「籃球強國」美國升學,可以繼續專心打波,令球技更進一步,到18歲又跟家姐考車牌,甚至跟阿爸學揸飛機,將來由他帶領一家人四圍去!

j10

家有一個潮媽,仔女當然都好潮,Kayla 開網店做時裝、Irisa 做model,兩個女都好有fashion sense,母女的衣服會輪流着,飾物都會互相分享。近年三人最愛戴「港女至愛」Pandora,最初Michael 為三人送上聖誕禮物,一人一條,至此她們迷上串飾mix andmatch,Janet 喜歡一次過戴多條串鏈,感覺豪邁一點,兩個女則喜歡簡單款幼鏈。今個母親節Kadin 找爸爸夾錢購買Pandora 母親節系列,在訪問當日送上驚喜,嚇了Janet 一跳!

 

●撰文:Ling ●攝影:Alison Kwan(部分相片由受訪者提供)
●服裝:Electric sekki、Nanushka、Ellery ●首飾:Pandora
●場地:Cafe Siam(tel: 2851 4803)

更多精選內容