【親子好去處】期間限定!香港許願節2019@大埔林村

【親子好去處】期間限定!香港許願節[email protected]大埔林村

連續第10年出發許願樹,SY年廿九已經問我:「爸爸!年初一我哋幾點去許願樹呀?(我都未講,你點知又去林村嘅?)你年年都去,我都就嚟識自己坐車去啦!」依家就同大家介紹香港許願節2019啦!

撰文、圖片:大仁生活 |編輯:Sunday Kiss

香港許願節2019

其實6年前,我們不是初一去大埔林村的,只是因為數年前發現初一許願樹人流少,行行走走非常方便,自始便決定每年初一出發。

香港許願節
今年我們又約Erie與Raymond齊齊許願,SY:「今年同上年一樣都係咁熱?」,阿太:「係囉,我記得上年我仲一邊食嘢一邊流晒汗添呀!」

香港許願節

1. 許願樹掃街區

由2年前起,我漸漸覺得年初一去林村都愈來愈多人,我:「今年嚟許願嘅人真係多過上年好多!」去年許願樹旁已經劃了一個美食節「掃街」區,今年我們第一時間當然就是掃街醫肚吧!

香港許願節

Erie:「我想食韓式拉芝腸($30) 」 SY:「姐姐,不如我哋要綠色嗰條囉!」(店員:唔好意思,暫時只係得返原味黃色)

香港許願節

結果我們買了原味,Erie:「等我拉芝畀你哋睇啦…」(嘩! 真係可以拉到好長喎!)

香港許願節

Erie:「幾好食喎!原來佢一半係芝士,底一半就係腸!」 SY:「係呀!個腸炸開咗㗎!」

香港許願節

之後發現有海參食…Erie:「唔係海參喎,係素海參,可能今日初一要食素!」

香港許願節

我問店員:「兩盤有咩分別呢? 咩係素海參?」店員:「我哋賣$50三條,一盤係釀豬肉,一盤釀墨魚,我哋用蒟蒻扮海參」(哦!原來唔係守齋, 係因為價錢平!)

香港許願節

我第一次鹹食蒟蒻,原來配上調味及配料,質感及味道又真係頗似海參…此時Erie大叫:「啲肉仲未熟嘅?」(係喎…豬肉還是紅紅帶點透明)

香港許願節

我拿了去換,店家很好人,連墨魚的也給我更換…不過,可能我們太早來到了…應該再煮多一點時間會更好。我們還是繼續吃另一檔。

香港許願節

全場都多人等候的,正正就是其中一檔扮成日本料理的長野之部屋…這檔應該是全場最抵吃的,因為$60可以吃到墨魚壽司腸/半條+豬肉壽司腸/半條+玉子燒+一口牛粒.

香港許願節

香港許願節

我:「原來壽司腸即係糯米腸,幾好食喎,我自己鍾意食豬肉多過墨魚…」

香港許願節

香港許願節

Raymond:「但係D牛粒就比較韌喎」我:「玉子燒甜甜地,外層都煎得脆脆地….」Erie:「但係又實又老…真係得D糯米腸比較好。」

香港許願節

最後,因為我看見有一檔的腸會隨機器上上落落,之後便會自動包上一層蛋皮…我:「$30好得意思喎,我想試下…」

香港許願節

老實說,這個機器做出來的蛋可以做到很嫩,不老….可惜的是,Erie:「點解D腸個質地咁怪?」

香港許願節

SY:「D味仲怪,好似荷葉蛋味?(你係想講茶葉蛋味呀?)係呀!」; 阿太:「哦!我知啦,原來腸入面加入咗蒜頭呀!」(這款腸肉質很鬆很稀很怪…不是我們食慣的感覺)

香港許願節

我:「雖然,今次掃街劣食多於好食,不過全部都係一碌碌嘅,即係今年我哋個個都可以食嘢一碌碌,一定金銀滿屋」~~Yeah

香港許願節

SY:「爸爸!你食飽未呀?(咩事?) 我發現前面有兩部夾公仔機,不如年初一畀我夾幾次吖, 可唔可以呀?」

香港許願節

結果,Erie與SY一人夾了兩次,都是空手而回… (其實,兩台機入面D公仔都麻麻地,個爪又無乜力,算啦!)
香港許願節

2. 許願儀式

滿足完大少的夾公仔心願,我們便開始許願儀式。 去年的$50 膠桔+蓮花套餐已經成絶嚮,今年可以用$100價錢購買50 膠桔+蓮花+木心心情人鎖…

香港許願節

Erie:「我哋單買$30膠桔就得啦,今年加咗咁多價嘅?」阿太:「係囉…我哋單買桔同蓮花啦…咁就加咗$20」(2膠橙+蓮花=$100)

香港許願節

雖然寶牒一早變成「剔出心願」的懶人願望選擇題,但SY說:「 我哋係咪照舊剔晒所有願望呀?」(係囉)

香港許願節

寫過願望, SY便即時跑到「許願池」放蓮花,我家的小朋友還是十分愛玩水。

香港許願節

因為我們有儲許願膠蓮花的習慣,所以 SY一定會第一時間走到水池的末端,撈起蓮花又要重新放一次。

香港許願節

玩完蓮花池,SY又跟了阿太及依莉去了掟許願樹,今年再比去年多人,我們在樹底拍照也中了多次頭獎…

香港許願節

被桔掟中的SY,手掩頭叫:「哎呀!好痛呀!」; 我:「年初一中頭獎,成年都好運㗎!」(話口未完,自己就中咗)

香港許願節

許願樹圍滿了哈哈大笑的大人及小朋友,不時聽到有人「Yeah!得咗啦…」;「好野!!終於掟到啦!!」

香港許願節

今年阿太及SY不停掟也落空,但Erie非常有氣勢,一擊即中… 我:「唔緊要啦,可能個拮想跟我哋返屋企呢?咁我哋就帶埋佢返屋企,夢想就會成真囉!」

香港許願節

註:雖然年初二發生許願樹枝幹斷下意外,但許願節活動還是會如常繼續,而且聞說膠桔更加會買一送一!!

香港許願節

香港許願節2019

日期:2019年2月5日至3月3日

時間:上午9時至晚上7時

地點:大埔林村許願廣場

 

前往林村許願樹方法:

1. 乘坐港鐵至太和站,轉乘64K號巴士,至林村許願樹站下車。

2. 農曆新年期間,(即日至 2 月 17 日),九巴特別班次63R,往返大埔墟港鐵站至林村許願樹,全程只需20分鐘。

3. 農曆新年期間,專線小巴有特別班次25K號,從太和港鐵站接載乘客至林村許願樹。

 

PS: 特快專車63R 服務時間及班次

2019年 2月5日至12日(年初一至八)

2019年 2月16日, 17日, 24日, 3月3日

官方網頁:http://www.lamtsuen.com/index.html

更多精選內容